İmişli Rayon Məhkəməsi Qərardad — İş №e-2(036)-527/2024

Azərbaycan Respublikası adından QƏRARDAD İmişli rayonu İş № e-2(036)-527/2024 18.03.2024 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlunun sədrliyi və Əsədli Xuraman Emin qızının katibliyi ilə, iddiaçı "xxxx" KB ASC-nin Cavabdeh qarşı kredit müqaviləsi üzrə yaranmış borcun tutulması tələbi barədə iddiasına dair mülki işə baxaraq, MÜƏYYƏN ETDİ: İddiaçı "xxxx" KB ASC Cavabdeh qarşı kredit müqaviləsi üzrə yaranmış borcun tutulması tələbi barədə iddia ərizəsi ilə məhkəməyə müraciət edib iddiaçı "xxxx" KB ASC-nin xeyrinə Cavabdeh 4623 manat əsas borc, 361.91 manat faiz borcu, 15.51 manat cərimə, cəmi 5000.42 manat və ödənilmiş dövlət rüsumuna görə 70.01 manat tutulması barədə qətnamə çıxarılmasını xahiş etmişdir. İş üzrə hazırlıq iclası 20 fevral 2024-cü il tarixdə tərəflərin iştirakı olmadan ilə keçirilmiş və mahiyyət üzrə baxılması 18 mart 2024-cü il tarixə, saat 10-45-ə təyin olunaraq tərəflərə məhkəmə iclasının vaxtı və yeri barədə məlumat verilmişdir. İşdə iştirak edən şəxslər təyin olunan məhkəmə iclasına gəlmədiyindən işin baxılması baş tutmamışdır. Azərbaycan Respublikası MPM-nin 185.1-ci maddəsinə əsasən işdə iştirak edən şəxslər məhkəməyə gəlməyə və ya gəlməməyin səbəbini və ya mümkünsüzlüyünü bildirməyə və bu səbəblərin üzürlü olması barədə sübutlar təqdim etməyə borcludurlar. Azərbaycan Respublikası MPM-nin 259.0.6-cı maddəsinə əsasən işə onun iştirakı olmadan baxmağı xahiş etməmiş tərəflər məhkəməyə gəlmədikdə ərizə baxılmamış saxlanılır. Məhkəmə hesab edir ki, tərəflərin iştirakı olmadan işin baxılması qeyri mümkün olduğundan iddiaçı "xxxx" KB ASC-nin Cavabdeh qarşı kredit müqaviləsi üzrə yaranmış borcun tutulması tələbi barədə iddia ərizəsi baxılmamış saxlanılmalıdır. Qeyd olunanlara əsasən Azərbaycan Respublikası MPM-nin 263,264, 267 və 268-ci maddələrini rəhbər tutaraq QƏRARA ALDİ: İddiaçı "xxxx" KB ASC-nin Cavabdeh qarşı kredit müqaviləsi üzrə yaranmış borcun tutulması tələbi barədə iddia ərizəsi baxılmamış saxlanılsın. Qərardaddan 10 /on / gün müddətində İmişli rayon Məhkəməsinə şikayət verilə bilər. Hakim: Ülvi Qənbərov