Gəncə Şəhəri Nizami Rayon Məhkəməsi Qərardad — İş №e-2(044)-1572/2022

Azərbaycan Respublikası adından QƏRARDAD Gəncə şəhəri İş № e-2(044)-1572/2022 16.05.2022 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Hüseynov Kənan Zakir oğlu, iddiaçı "xxxx" Açıq Səhmdar Cəmiyyətinin Cavabdeh qarşı pul tələbi barədə iddia ərizəsini və ona əlavə olunmuş sənədləri məhkəmənin inzibati binasında nəzərdən keçirərək, MÜƏYYƏN ETDİM: İddiaçı "xxxx" ASC iddia ərizəsi ilə məhkəməyə müraciət edərək Bank "xxxx" ASCnin “Gəncə” filialı ilə Cavabdeh arasında bağlanmış 19.02.2020-ci il tarixli FN-00543- 06/20A saylı kredit müqaviləsindən irəli gələn 05.05.2022-ci il tarixinə ödənilməmiş 1351.14 (min üç yüz əlli bir manat on dörd qəpik) manat əsas borc, 35.26 (otuz beş manat iyirmi altı qəpik) manat faiz borcu, 181.2 (yüz səksən bir manat iyirmi qəpik) dəbbə, cəmi borc 1567.6 (min beş yüz altmış yeddi manat altmış qəpik) manat və iddia qaldırılması üçün ödənilmiş 35.68 (otuz beş manat altmış səkkiz qəpik) manat dövlət rüsumu və 0.40 qəpik bank xidməti haqqının Cavabdeh iddiaçının xeyrinə tutularaq ödənilməsinə dair qətnamə çıxarılmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, səlahiyyəti qanunvericiliklə müəyyən edilmiş qaydada təsdiq edilməmiş şəxs tərəfindən imzalandığından iddia ərizəsi və ona əlavə olunmuş sənədlər geri qaytarılmalıdır. Belə ki, iddia ərizəsi Bank "xxxx" ASC-nin nümayəndəsi Nümayəndə tərəfindən imzalanmışdır. Nümayəndə iddia ərizəsini imzalamaq səlahiyyəti 21.06.2021-ci il tarixli, Bank "xxxx" ASC-nin İdarə Heyətinin sədr müavini Rövşən Fərhad-zadə tərəfindən imzalanmış etibarnamə ilə verilmiş, lakin iddia ərizəsinə Rövşən Fərhad-zadənini Bank adından həmin etibarnaməni verməyə səlahiyyətinin olmasını təsdiq edən sənəd əlavə edilməmişdir. Qeyd edilən etibarnamə səlahiyyətli şəxs tərəfindən verilmiş hesab edilə bilməz. Hüquqi şəxs adından etibarnamə onun rəhbərinin və ya təsis sənədlərinə əsasən buna səlahiyyəti olan digər şəxsin imzası ilə həmin hüquqi şəxsin möhürü vurulmaqla verilir. Buna görə də iddia ərizəsinə 21.06.2021-ci il tarixli etibarnaməni verməyə Rövşən Fərhadzadənin səlahiyyətinin olmasını təsdiq edən sənəd əlavə edilməlidir. Azərbaycan Respublikası Mülki Prosessual Məcəlləsinin 73.1-ci maddəsinə əsasən nümayəndənin səlahiyyəti qanuna uyğun olaraq verilmiş və rəsmiləşdirilmiş etibarnamədə əks etdirilməlidir. Həmin Məcəllənin 73.4-cü maddəsinə əsasən hüquqi şəxs adından etibarnamə onun rəhbərinin və ya təsis sənədlərinə əsasən buna səlahiyyəti olan digər şəxsin imzası ilə həmin hüquqi şəxsin möhürü vurulmaqla verilir. İddiaçıya izah edilməlidir ki, iddia ərizəsinin qaytarılması üçün səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Azərbaycan Respublikası Mülki Prosessual Məcəlləsinin: - 151.1-ci maddəsinə əsasən iddia ərizəsi həmin Məcəllənin tələblərinə riayət edilməklə verildikdə, onun məhkəmə icraatı mümkündür. - 152.1.2-ci maddəsinin tələbinə əsasən, iddia ərizəsi imzalanmadıqda və ya onu imzalamağa hüquqi olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 267 və 268-ci maddələrini rəhbər tutaraq, QƏRARA ALDİM: İddiaçı "xxxx" Açıq Səhmdar Cəmiyyətinin Cavabdeh qarşı pul tələbi barədə iddia ərizəsi və ona əlavə olunmuş sənədlər geri qaytarılsın. İddiaçıya izah edilsin ki, iddia ərizəsinin qaytarılması üçün səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində Gəncə şəhəri Nizami Rayon Məhkəməsinə şikayət verilə bilər. Hakim Kənan Hüseynov