Gəncə Şəhəri Nizami Rayon Məhkəməsi Məhkəmə əmri — İş №e-2(044)-3206/2020

Azərbaycan Respublikası adından MƏHKƏMƏ ƏMRİ Gəncə şəhəri İş № e-2(044)-3206/2020 12.10.2020 GƏNCƏ ŞƏHƏRİ NİZAMİ RAYON MƏHKƏMƏSİ Mən, Gəncə şəhəri Nizami rayon Məhkəməsinin hakimi Kazımov Rasim Sarı oğlu, Kreditor: Kreditor MMC-nin, Borclu: Borclu qarşı «kredit» tələbi barədə məhkəmə əmrinin verilməsinə dair ərizəni və ərizəyə əlavə olunmuş sənədləri nəzərdən keçirərək MÜƏYYƏN ETDİM: Kreditorun məhkəməyə təqdim etdiyi məhkəmə əmrinin verilməsinə dair ərizəsində və ərizəyə əlavə edilən sənədlərdən görünür ki, Borclu ilə Kreditor MMC-ti arasında bağlanmış xx.xx.2018-ci il tarixli borc müqaviləsinə əsasən kredit yolu ilə Kreditor MMC-ti tərəfindən borcluya dəyəri 702 manat məbləğində məişət avadanlığı satılmışdır. Hazırda borclunun kreditora əsas borc üzrə 504 manat məbləğində borcu qalmışdır. İş materiallarında olan kredit müqaviləsinin şərtlərinə əsasən borclu bankdan götürdüyü məbləği müqavilə ilə müəyyən edilən son ödəmə tarixinədək kreditora ödəməlidir. Kredit müqaviləsində göstərilən ödəniş şərtləri kredit alan tərəfindən pozularsa, kreditor gecikdirilən hər gün üçün gecikmə faizi tətbiq edir. Borclu müqavilənin bu şərtlərini pozaraq, qeyd edilən borcunun vaxtında ödənilməsini təmin etməmişdir. Azərbaycan Respublikasının Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Ərizəyə əlavə olunmuş sənədlərlə kreditorun tələbinin aşkar olduğu və həmin tələbin borclunun mübahisə edilməyən vəzifəsinə əsaslandığı təsdiq olunur. Tələb sadə yazılı formada bağlanmış əqdə əsaslandığından həmin tələb üzrə məhkəmə əmri verilməsini mümkün hesab edirəm. Azərbaycan Respublikası Mülki Prosessual Məcəlləsinin 276.1-cı maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa bu hallarda məhkəmə əmri verilə bilər. Yuxarıda göstərilənləri nəzərə alaraq və Azərbaycan Respublikası Mülki Prosessual Məcəlləsinin 275, 276, 280 və 281-ci maddələrini rəhbər tutaraq ƏMR ETDİM: xx.xx.1979-cu ildə ünvan 1 ünvanda qeydiyyatda olan Borclu cəmi 504 manat məbləğində pul vəsaitinin və dövlət rüsumu kimi ödənilmiş 20 (iyirmi) manat (Azərbaycan Beynəlxalq Bankı Nəsimi filialı, m/h: AZ03NABZ**********0000002944, H/h: AZ531BAZ********************) pul vəsaitinin alınaraq Kreditor MMC-nin hesabına tutulsun. Borclu məhkəmə əmrini aldığı gündən 10 gün müddətinə verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Sədrlik edən: Rasim Kazımov