Laçın Rayon Məhkəməsi Qərardad — İş №e-2(047)-274/2025

Azərbaycan Respublikası adından QƏRARDAD Laçın rayonu İş № e-2(047)-274/2025 06.02.2025 LAÇIN RAYON MƏHKƏMƏSİ Hakim İbrahimov Cavad Cavanşir oğlunun sədrliyi ilə, İddiaçı Cavabdeh qarşı Laçın Rayon Məhkəməsinin 2(047)-675/2022 saylı, xx.xx.2022-ci il tarixli qətnaməsi üzrə «ödənilməli olan sabit pul məbləğində alimentin miqdarının indeksasiya edilməsinə» dair iddia ərizəsinə məhkəmə iclasında baxaraq, müəyyən etdim: İddiaçı Cavabdeh qarşı Laçın Rayon Məhkəməsinin 2(047)-675/2022 saylı, xx.xx.2022-ci il tarixli qətnaməsi üzrə «ödənilməli olan sabit pul məbləğində alimentin miqdarının indeksasiya edilməsinə» dair iddia ərizəsi ilə məhkəməyə müraciət edərək iddia tələbinin təmin olunması barədə qətnamə çıxarılmasını xahiş etmişdir. İddiaçı nümayəndəsi və eyni zamanda vəkili Vəkil xx.xx.2025-ci il tarixli ərizə ilə məhkəməyə müraciət edərək iddia ərizəsinin və ona əlavə olunmuş sənədlərin geri qaytarılmasını xahiş etmişdir. İş materiallarını və iddiaçının nümayəndəsi və eyni zamanda vəkilinin ərizəsini nəzərdən keçirib hesab edirəm ki, hazırkı iddia ərizəsi və ərizəyə əlavə olunmuş sənədlər geri qaytarılmalıdır. Belə ki, Azərbaycan Respublikası MPM-in 152.1.9-cu maddəsinə əsasən iddia ərizəsini icraata götürmək haqqında qərardad çıxarılana qədər iddiaçıdan iddia ərizəsinin qaytarılmasına dair ərizə daxil olduqda hakim iddia ərizəsini və ona əlavə edilmiş sənədləri geri qaytarır. Beləliklə belə qənaətə gəlirəm ki, Azərbaycan Respublikası MPM-in 152.1.9-cu maddəsinin tələbləri nəzərə alınmaqla, həmçinin İddiaçı nümayəndəsi və eyni zamanda vəkili Vəkil ərizəsinə əsasən iddia ərizəsi və ona əlavə olunmuş sənədlər geri qaytarılmalıdır. Qeyd olunanlara əsasən və Azərbaycan Respublikası MPM-in 152, 263-264 və 266- 268-ci maddələrini rəhbər tutaraq, qərara aldım: İddiaçı Cavabdeh qarşı Laçın Rayon Məhkəməsinin 2(047)-675/2022 saylı, xx.xx.2022-ci il tarixli qətnaməsi üzrə «ödənilməli olan sabit pul məbləğində alimentin miqdarının indeksasiya edilməsinə» dair iddia ərizəsi və ona əlavə edilmiş sənədlər icraata qəbul edilmədən geri qaytarılsın. Qərardaddan tərəfə rəsmi qaydada verildikdən sonra 10 (on) gün müddətində Laçın Rayon Məhkəməsinə şikayət verilə bilər. Hakim: Cavad İbrahimov