Laçın Rayon Məhkəməsi Qərardad — İş №e-2(047)-516/2025

Azərbaycan Respublikası adından QƏRARDAD Laçın rayonu İş № e-2(047)-516/2025 19.06.2025 LAÇIN RAYON MƏHKƏMƏSİ Hakim İbrahimov Cavad Cavanşir oğlunun sədrliyi, Məhkəmə iclas katibi Şükürov Yaşasın Valeh oğlunun katibliyi ilə, İddiaçı "xxxx" ASC-nin Cavabdeh qarşı borc tələbinə dair mülki işə açıq məhkəmə iclasında baxaraq, müəyyənetdi: İddiaçı "xxxx" ASC Cavabdeh qarşı borc tələbinə dair iddia ərizəsi ilə Laçın Rayon Məhkəməsinə müraciət etmişdir. Tərəflərə məhkəmə iclasının yeri və vaxtı barədə qanunda nəzərdə tutulmuş rəsmi qaydada məhkəmə bildirişi göndərilməsinə baxmayaraq, onlar göstərilən tarixdə məhkəməyə gəlməmiş, iddiaçı "xxxx" ASC-nin Problemli Kreditlərlə iş Ddepartamentinin direktor müavini Veys Nuhbalayev məhkəməyə ərizə göndərərək ərizənin baxılmamış saxlanılmasını, iddia ərizəsinə əlavə etdiyi sənədlərin, həmçinin ödənilmiş dövlət rusumunun büdcədən banka geri qaytarılması barədə qərardad qəbul edilməsini məhkəmədən xahiş etmiş, cavabdeh isə gəlməməsi barədə məhkəməyə heç bir məlumat verməmişdir. Məhkəmə iş üzrə tərəflərin iştirakı olmadan məhkəmə iclasının keçirilməsini mümkün hesab etmişdir. Məhkəmə iş materiallarını araşdırıb hesab edir ki, ərizə baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Azərbaycan Respublikası Mülki Prosessual Məcəlləsinin 260.1-ci maddəsinə əsasən iddianın baxılmamış saxlanması haqqında məhkəmə qərardad çıxarır. Azərbaycan Respublikası Mülki Prosessual Məcəlləsinin 260.4-ci maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Bundan başqa, Azərbaycan Respublikası Mülki Prosessual Məcəlləsinin 114.1.5-ci maddəsinə əsasən, bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət rüsumu qaytarılır. Azərbaycan Respublikası Mülki Prosessual Məcəllənin 114.2-cü maddəsinə görə, məhkəmə dövlət rüsumunun qaytarılması məsələsi barədə qərardad çıxarır, qərardadda dövlət rüsumunun tam və ya qismən qaytarılmasının əsasları göstərilir. Eyni zamanda «Dövlət rüsumu haqqında» Azərbaycan Respublikasının Qanununun 5.1.2-ci maddəsinin tələbinə əsasən, ərizələr (şikayətlər) qaytarıldıqda və ya ərizə baxılmamış saxlanıldıqda, ödənilmiş dövlət rüsumu dövlət büdcəsindən qismən və ya tamamilə qaytarılır. Məhkəmə belə qənaətə gəlir ki, iddiaçı "xxxx" ASC-nin Problemli Kreditlərlə iş Ddepartamentinin direktor müavini Veys Nuhbalayev məhkəməyə ərizə göndərərək ərizənin baxılmamış saxlanılmasını xahiş etdiyindən, Cavabdeh isə məsələnin mahiyyəti üzrə həll olunmasını tələb etmədiyindən iddiaçı "xxxx" ASC-nin Cavabdeh qarşı borc tələbi barədə ərizəsi Azərbaycan Respublikası Mülki Prosessual Məcəlləsinin 259.0.11-ci maddəsinə əsasən baxılmamış saxlanılmalı, həmçinin iddia ərizəsinə əlavə olunmuş sənədlər iddiaçı "xxxx" ASC-nə geri qaytarılmalı, eyni zamanda mülki iş üzrə iddiaçı "xxxx" ASC tərəfindən ödənilmiş 78,11 (yetmiş səkkiz manat on bir qəpik) manat məbləğində dövlət rüsumu dövlət büdcəsindən iddiaçı "xxxx" ASC-nin hesabına köçürülməlidir. Yuxarıda göstərilənlərə əsasən və Аzərbaycan Рespublikası МPМ-nin 259-260, 263- 264 və 266-268-ci maddələrini rəhbər tutaraq, məhkəmə QƏRARAALDİ: İddiaçı "xxxx" ASC-nin Cavabdeh qarşı borc tələbinə dair ərizəsi baxılmamış saxlanılsın və iddia ərizəsinə əlavə olunmuş sənədlər iddiaçı "xxxx" ASC-nə geri qaytarılsın. Mülki iş üzrə iddiaçı "xxxx" ASC tərəfindən ödənilmiş 78,11 (yetmiş səkkiz manat on bir qəpik) manat məbləğində dövlət rüsumu dövlət büdcəsindən iddiaçı "xxxx" ASC-nin hesabına köçürülsün. Qərardaddan, tərəflərə rəsmi qaydada verildikdən sonra 10 (on) gün müddətində Laçın Rayon Məhkəməsinə şikayət verilə bilər. Hakim: Cavad İbrahimov