Lerik Rayon Məhkəməsi Qətnamə — İş №e-2(048)-340/2025

Azərbaycan Respublikası adından QƏTNAMƏ Lerik rayonu İş № e-2(048)-340/2025 06.05.2025 LERİK RAYON MƏHKƏMƏSİ Lerik Rayon Məhkəməsinin hakimi Zeynalov Yusif Səmədağa oğlunun sədrliyi, Məhkəmə iclas katibi Muradov Nurlan Əlyar oğlunun katibliyi, İddiaçının nümayəndəsi X4, Cavabdeh iştirakları ilə, İddiaçı Azərbaycan Respublikasının Ekologiya və Təbii Sərvətlər Nazirliyi yanında Meşələrin İnkişafı Xidmətinin 1 saylı X9 Mərkəzinin Cavabdeh qarşı “maddi ziyanın ödənilməsi” tələbinə dair iddiası üzrə mülki işə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı Azərbaycan Respublikasının Ekologiya və Təbii Sərvətlər Nazirliyi yanında Meşələrin İnkişafı Xidmətinin 1 saylı X9 Mərkəzi Cavabdeh qarşı “maddi ziyanın ödənilməsi” tələbinə dair iddia ərizəsi ilə məhkəməyə müraciət edərək, meşə fondu sahəsində özbaşına ağac kəsməsi nəticəsində dövlətə dəymiş zərərin əvəzi 958,18 (doqquz yüz əlli səkkiz manat on səkkiz qəpik) manat məbləğində pul vəsaitinin Cavabdeh tutulub 1 saylı X9 Mərkəzinin hesabına ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, 1 saylı Regional Ekologiya və Təbii Sərvətlər İdarəsi və 1 saylı X9 Mərkəzinin əməkdaşları tərəfindən 22 yanvar 2025-ci il tarixdə Lerik meşəbəyliyinin 4 saylı meşə dolayısında aparılan yoxlama zamanı ünvan 1 ünvanında yaşayan Cavabdeh tərəfindən qanunsuz müxtəlif cins və diametrlərdə 90 (doxsan) ədəd ağacı kəsərək X14 aparılması faktı müəyyən edilmişdir. Cavabdeh hüquqa zidd hərəkətləri nəticəsində X19 Azərbaycan Respublikası Nazirlər Kabinetinin 31 yanvar 2019-cu il tarixli 30 saylı qərarı əsasında aparılmış hesablamalarla ümumilikdə 958,18 (doqquz yüz əlli səkkiz manat on səkkiz qəpik) manat məbləğində maddi zərərin vurulması müəyyən edildiyindən xx.xx.2025-ci il tarixli 3-14-27-4/2-024/2025 nömrəli məktubla vurduğu zərərin əvəzinin könüllü olaraq ödəməsi tələb edilmiş, lakin o bundan imtina etmişdir. Daha sonra iddiaçının nümayəndəsi X10 idda tələbi həcminin azaldılması barədə ərizə ilə məhkəməyə müraciət edərək, Cavabdeh tərəfindən X19 dəymiş 958,18 (doqquz yüz əlli səkkiz manat on səkkiz qəpik) manat ziyandan 150 (yüz əlli) manat ödənildiyi üçün qalan 808,18 (səkkiz yüz səkkiz manat on səkkiz qəpik) manat məbləğində pul vəsaitinin Cavabdeh tutulub 1 saylı X9 Mərkəzinin hesabına ödənilməsi barədə qətnamə çıxarılmasını xahiş etmişdir. Daha sonra iddiaçının nümayəndəsi X10 idda tələbi həcminin azaldılması barədə ərizə ilə məhkəməyə müraciət edərək, Cavabdeh tərəfindən X19 dəymiş 958,18 (doqquz yüz əlli səkkiz manat on səkkiz qəpik) manat ziyandan 300 (üç yüz) manat ödənildiyi üçün qalan 658,18 (altı yüz əlli səkkiz manat on səkkiz qəpik) manat məbləğində pul vəsaitinin Cavabdeh tutulub 1 saylı X9 Mərkəzinin hesabına ödənilməsi barədə qətnamə çıxarılmasını xahiş etmişdir. Məhkəmə iclasında iştirak edən iddiaçının nümayəndəsi X10 izahatında Cavabdeh tərəfindən X19 vurulmuş ziyanın məbləğindən ümumilikdə 300 (üç yüz) manat ödənildiyini, ödənilməmiş 658,18 (altı yüz əlli səkkiz manat on səkkiz qəpik) manat zərərin ödənilməsi barədə qətnamə çıxarılmasını xahiş etmişdir. Məhkəmə iclasında iştirak edən Cavabdeh iddia tələbini qəbul edərək ağacların kəsməsi nəticəsində X19 ziyan vurduğunu, dəyən ziyandan 300 (üç yüz) manat ödədiyini, ödənilməmiş 658,18 (altı yüz əlli səkkiz manat on səkkiz qəpik) manat ziyanı ödəyəcəyini bildirdi. Məhkəmə iddiaçının nümayəndəsinin və cavadehin izahatlarını dinləyib, ərizənin dəlillərini nəzərə alaraq, iş üzrə təqdim olunmuş digər sübutları yoxlayıb hesab edir ki, iddia aşağıda göstərilənlərə əsasən təmin olunmalıdır. Belə ki, iş materiallarında olan Azərbaycan Respublikası Ekologiya və Təbii Sərvətlər Nazirliyi 1 saylı Regional Ekologiya və Təbii Sərvətlər İdarəsi tərəfindən tərtib olunmuş 22 yanvar 2025-ci il tarixli, 88561 nömrəli aktdan görünür ki, Lerik şəhər sakini Cavabdeh və oğlu Elşad Ağayev tərəfindən meşə ərazisində ağacların kəsilməsi barədə ünvan 2 ünvanında yaşayan X5 tərəfindən Ekologiya və Təbii Sərvətlər Nazirliyinin “Qaynar xətti”nə daxil olmuş xx.xx.2025-ci il tarixli İD-27753 nömrəli və idarəyə daxil olmuş xx.xx.2025-ci il tarixli, 3-14-40-11-2-12-3/2025 nömrəli müraciət araşdırılmışdır. Aparılan araşdırma zamanı Əhmədəli Əliyevin göstərdiyi ərazilərə baxış keçirilmişdir. Baxış zamanı məlum olmuşdur ki, sözügedən ərazidə palıd cinsli diametri 8 sm-də 1 ədəd, 12 sm-də 5 ədəd, 16 sm-də 5 ədəd, 20 sm-də 17 ədəd, 24 sm-də 11 ədəd, 28 sm-də 9 ədəd, 32 smdə 9 ədəd, 36 sm-də 4 ədəd, 40 sm-də 1 ədəd, vələs cinsli 8 sm-də 1 ədəd, 12 sm-də 4 ədəd, 16 sm-də 2 ədəd, 20 sm-də 1 ədəd, fıstıq cinsli diametri 8 sm-də 1 ədəd, 12 sm-də 2 ədəd, 16 sm-də 1 ədəd, 24 sm-də 3 ədəd, ağcaqayın cinsli diametri 24 sm-də 1 ədəd, 32 sm-də 1 ədəd, qarağac cinsli diametri 28 sm-də 1 ədəd, alça cinsli diametri 8 sm-də 2 ədəd, 12 sm-də 2 ədəd, 16 sm-də 2 ədəd, 20 sm-də 3 ədəd, meşə gilası cinsli diametri 20 sm-də 1 ədəd olmaqla, ümumilikdə 90 ədəd ağac və yemişan cinsli 6 ədəd kol yaş halda kəsilmiş və doğranaraq ərazidən aparılmışdır. Araşdırma zamanı məkum olmuşdur ki, ağaclar 1 saylı X9 X2 04 saylı dolayında kəsilmişdir. Qanunsuz kəsilmiş ağaclar Lerik rayonu üzrə meşə mühafizə mühəndisi İbrahim Hüseynova məxsus 154 nömrəli meşə damğası ilə damğalandı. Araşdırma zamanı şikayətçi Əhmədəli Əliyev yazılı izahat verərək aşkar olunmuş ağacların hamısını Lerik şəhəri, Həzi Aslanov küçəsində yaşayan Cavabdeh və X1 bildirmişdir. Aparılan araşdırma zamanı 04 saylı dolayın gözətçisi X7 yazılı izahat verərək ağacları Cavabdeh kəsdiyini bildirmişdir. O, bildirmişdir ki, Cavabdeh həmin ərazidə ağac kəsdiyini görüb lakin ərazinin DMF-na aid olmadığını güman edərək Cavabdeh ağacı kəsməkdə maneəçilik törətməmişdir. Məsələ ilə əlaqədar Lerik şəhəri Həmzə Şixəliyev küçəsində yaşayan X12 yazılı izahat verərək hər hansı bir ərazidə ağac kəsmədiyini bildirmişdir. Lakin H.Aslanov küçəsində yaşayan Cavabdeh yazılı izahat verərək aşkar olunmuş bütün ağacları özü kəsdiyini və bu işdə ona hər hansı bir şəxsin kömək etmədiyini bildirmişdir. Araşdırma zamanı məlum olmuşdur ki, Cavabdeh meşə qanunvericiliyinin tələblərini kobud surətdə pozaraq inzibati xəta törətmişdir. İş materiallarında olan xx.xx.2025-ci il tarixli həcm-qiymət cədvəlindən görünür ki, Azərbaycan Respublikası Nazirlər Kabinetinin 31 yanvar 2019-cu il tarixli 30 saylı qərarının 7 nömrəli əlavəsinə əsasən X19 dəymiş kök üstə satış miqdarı ilə zərərin miqdarı 780 (yeddi yüz səksən) manat təşkil edir. İş materiallarında olan xx.xx.2025-ci il tarixli həcm-qiymət cədvəlindən görünür ki, Azərbaycan Respublikası Nazirlər Kabinetinin xx.xx.1994-cü il tarixli 312 nömrəli qərarına əsasən X19 dəymiş kök üstə satış miqdarı ilə zərərin miqdarı 178,18 (yüz yetmiş səkkiz manat on səkkiz qəpik) manat təşkil edir. İş materiallarında olan məsləhətçi müfəttiş X11 tərəfindən tərtib edilmiş 22 yanvar 2025-ci il tarixli, MN ******* nömrəli inzibati xəta haqqında protokoldan görünür ki, 1 saylı X9 X2 04 saylı dolayında 1-2 ay ərzində müxtəlif diametrli və cinsli ağacların kəsilməsi faktı ilə bağlı Cavabdeh oğlunun barəsində Azərbaycan Respublikası İnzibati Xətalar Məcəlləsinin 253.1-ci maddəsinə əsasən protokol tərtib edilmişdir. İş materiallarında olan 1 saylı Ekologiya və Təbii Sərvətlər İdarəsi tərəfindən qəbul edilmiş 07 fevral 2025-ci il tarixli, MN ******* nömrəli inzibati tənbeh vermə haqqında qərarın surətindən görünür ki, Cavabdeh 1 saylı X9 X2 04 saylı dolayında 1-2 ay ərzində müxtəlif diametrli və cinsli ağacları kəsdiyindən Azərbaycan Respublikasının İXM-nin 253.1-ci maddəsi ilə təqsirli bilinərək 700 (yeddi yüz) manat məbləğində inzibati cərimə olunmuşdur. İş materiallarında olan 1 saylı X9 Mərkəzinin Cavabdeh ünvanladığı xx.xx.2025-ci il tarixli məktubdan görünür ki, xx.xx.2025-ci il tarixdə 1 saylı X9 X2 04 saylı dolayında müxtəlif cins ağacların kəsilməsi faktı ilə bağlı 958,18 (doqquz yüz əlli səkkiz manat on səkkiz qəpik) manat məbləğində vurulmuş ziyanın ödənilməsi göstərilmişdir. İş materiallarında olan xx.xx.2025-ci il tarixli 28986 nömrəli qəbzdən görünür ki, Ağayev X8 Meşə Mühafizə Fondunun hesabına 100 (yüz) manat ödəniş etmişdir. İş materiallarında olan xx.xx.2025-ci il tarixli 7582 nömrəli qəbzdən görünür ki, Ağayev X8 Meşə Mühafizə Fondunun hesabına 50 (əlli) manat ödəniş etmişdir. İş materiallarında olan xx.xx.2025-ci il tarixli 31319 nömrəli qəbzdən görünür ki, Ağayev X8 Meşə Mühafizə Fondunun hesabına 150 (yüz əlli) manat ödəniş etmişdir. Məhkəmə аraşdırması zamanı müəyyən edildi ki, Cavabdeh əlində heç bir meşə buraxılıq orderi olmadan özbaşına qanunsuz olaraq 1 saylı X9 X2 04 saylı dolayında palıd cinsli diametri 8 sm-də 1 ədəd, 12 sm-də 5 ədəd, 16 sm-də 5 ədəd, 20 sm-də 17 ədəd, 24 sm-də 11 ədəd, 28 sm-də 9 ədəd, 32 sm-də 9 ədəd, 36 sm-də 4 ədəd, 40 sm-də 1 ədəd, vələs cinsli 8 sm-də 1 ədəd, 12 sm-də 4 ədəd, 16 sm-də 2 ədəd, 20 sm-də 1 ədəd, fıstıq cinsli diametri 8 sm-də 1 ədəd, 12 sm-də 2 ədəd, 16 sm-də 1 ədəd, 24 sm-də 3 ədəd, ağcaqayın cinsli diametri 24 sm-də 1 ədəd, 32 sm-də 1 ədəd, qarağac cinsli diametri 28 sm-də 1 ədəd, alça cinsli diametri 8 sm-də 2 ədəd, 12 sm-də 2 ədəd, 16 sm-də 2 ədəd, 20 sm-də 3 ədəd, meşə gilası cinsli diametri 20 sm-də 1 ədəd olmaqla, ümumilikdə 90 ədəd ağac və yemişan cinsli 6 ədəd kol yaş halda kəsməsi faktı aşkar olunmuş, bununla bağlı xx.xx.2025-ci il tarixli müvafiq akt tərtib olunmuş və Cavabdeh vurduğu maddi ziyan məbləği hesablanaraq 958,18 (doqquz yüz əlli səkkiz manat on səkkiz qəpik) manat olduğu müəyyən edilmişdir. Akt əsasında 1 saylı X9 Mərkəzinin əməkdaşı tərəfindən Cavabdeh barəsində Azərbaycan Respublikası İnzibati Xətalar Məcəlləsinin 253.1-ci maddəsinə əsasən xx.xx.2025-ci il tarixli MN ******* nömrəli inzibati xəta haqqında protokol tərtib edilmiş, daha sonra 1 saylı Ekologiya və Təbii Sərvətlər İdarəsinin 07 fevral 2025-ci il tarixli, MN ******* nömrəli inzibati tənbeh vermə haqqında qərar ilə Cavabdeh Azərbaycan Respublikasının İXM-nin 253.1-ci maddəsi ilə təqsirli bilinərək 700 (yeddi yüz) manat məbləğində inzibati cərimə olunmuşdur. Eyni zamanda müəyyən olunmuşdur ki, Cavabdeh vurduğu 958,18 (doqquz yüz əlli səkkiz manat on səkkiz qəpik) manat maddi zərərdən 300 (üç yüz) manat ödəniş etmişdir. Məhkəmə qeyd edir ki, “Ətraf mühitin mühafizəsi” haqqında Azərbaycan Respublikası Qanununun 79-cu maddəsinin 1-ci bəndinə əsasən ətraf mühitin mühafizəsi haqqında qanunvericiliyin pozulması nəticəsində ətraf mühitə, insanların sağlamlığına, təşkilatların, vətəndaşların və dövlətin mülkiyyətinə (əmlakına) zərər vurmuş hüquqi və fiziki şəxslər qüvvədə olan qanunvericiliyə uyğun vurulmuş zərəri ödəməlidirlər. Həmin Qanunun 79-cu maddəsinin 2-ci bəndinə əsasən ətraf mühitin mühafizəsi haqqında qanunvericiliyin pozulması nəticəsində vurulan zərərin ödənilməsi müvafiq icra hakimiyyəti orqanı tərəfindən təsdiq edilmiş məzənnələr və metodlarla hesablanma qaydalarına uyğun könüllü və ya məhkəmənin qərarı əsasında, bu hallar olmadıqda isə itkilər nəzərə alınmaqla, ətraf mühitin pozulmuş vəziyyətinin bərpasına lazım olan faktiki xərclər həcmində həyata keçirilir. Həmin Qanunun 79-cu maddəsinin 4-cü bəndinə əsasən ətraf mühitə təhlükəli təsir edən fəaliyyətlə məşğul olan hüquqi və fiziki şəxslər, onların təqsiri müəyyən edildikdə ətraf mühitə vurulmuş zərəri ödəməlidirlər. Həmin Qanunun 79-cu maddəsinin 7-ci bəndinə əsasən ətraf mühitin mühafizəsi haqqında qanunvericiliyin pozulması nəticəsində vurulmuş zərər Azərbaycan Respublikası Mülki Məcəlləsinində nəzərdə tutulmuş qaydada ödənilir. Azərbaycan Respublikası Mülki Məcəlləsinin 21-ci maddəsinə əsasən, zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür. (MM-nin 21.2-ci maddəsi). Məhkəmə qeyd edir ki, Mülki Məcəllənin 21-ci maddəsi ümumi norma kimi çıxış edərək zərərin əvəzinin ödənilməsi ilə əlaqədar tələbin şərtlərini deyil, yalnız hüquqi nəticələrini tənzimləyir. Bu mənada, zərərin əvəzinin ödənilməsi ilə bağlı hər bir konkret iddia tələblərinin əsası digər hüquq sahələrindən (məsələn, müqavilə hüququ, delikt hüququ və s.) irəli gəlir. Hazırkı mübahisəyə münasibətdə isə zərərin əvəzinin ödənilməsi üçün iddia tələbinin əsası delikt hüququndan yaranır. “Azərbaycan Respublikası Mülki Məcəlləsinin 21 və 23-cü maddələrənin şərh edilməsinə dair” Azərbaycan Respublikası Konstitusiya Məhkəməsinin 31 may 2002-ci il tarixli qərarında göstərilmişdir ki, “hər bir hüquq pozuntusu sosial mənada ictimai münasibətlərə mənfi təsir göstərdiyindən zərər (ziyan) törədir. Bu baxımdan zərər sosial və hüquqi aspektlərə malikdir. Zərər yetirmə şəxsin və yaxud təşkilatın subyektiv hüququnu pozur. Bununla yanaşı mülki hüquqda zərər ona görə sosial məna kəsb edir ki, subyektiv hüququn pozulması müəyyən edilmiş və qanunla qorunan obyektiv hüquqların pozulması ilə müşayiət olunur. Zərər forma və məzmunundan asılı olaraq əmlak və qeyri-əmlak xarakterli olur. Azərbaycan Respublikası Mülki Məcəlləsinin 21-ci maddəsinin müddəaları yalnız real zərərin, habelə əldən çıxmış faydanın ödənilməsini nəzərdə tutur”. Mülki Məcəllənin 1096.1-ci maddəsinə əsasən mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Həmin Məcəllənin 1097.1-ci maddəsinə görə, mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Qanunla zərərin əvəzini ödəmək vəzifəsi zərəri vurmayan şəxsin öhdəsinə qoyula bilər. Həmin Məcəllənin 1115-ci maddəsinə əsasən, zərərin əvəzinin ödənilməsi tələbini təmin edərkən məhkəmə zərərin vurulması üçün məsuliyyət daşıyan şəxsin üzərinə işin hallarına uyğun olaraq zərərin əvəzini naturada ödəmək (eyni növlü və keyfiyyətli əmlak vermək, zədələnmiş əmlakı düzəltmək və i.a.) və ya vurulmuş zərərin əvəzini ödəmək öhdəliyi qoyur. Mülki qanunvericiliyin yuxarıda sadalanmış müddəalarının mənasından göründüyü kimi mülki hüquq pozuntusuna (deliktə) görə məsuliyyətin yaranması dispozisiya şərti kimi üç əsas ünsürün məcmu halda mövcudluğundan asılıdır: zərərin mövcud olması, zərərin qanunsuz hərəkət və yaxud hərəkətsizlik nəticəsində vurulması, zərərlə qanunsuz hərəkət və yaxud hərəkətsizlik arasında səbəbli əlaqənin mövcudluğu və zərər vuran şəxsin təqsirliliyi. Ona görə də, deliktə əsaslanan zərərin əvəzinin ödənilməsi ilə bağlı iddia tələbləri məhz qeyd edilən dispozisiya şərtləri baxımından yoxlanılmalı və iddia tələbinin qanuni əsasının qeyd edilən dispozisiya şərtlərinin mövcudluğu halında irəli sürülən tələb təmin olunmalıdır. Bu əsaslar müəyyən olunmadan cavabdehin üzərinə zərərin ödənilməsi öhdəliyi qoyula bilməz. Qanunun mənasına görə, mülki hüquq pozuntusu (delikt) hüquqla və ya qanunla müdafiə edilən başqa şəxsə birbaşa ziyan və ya zərər vurulmasına səbəb olan təqsirli, hüquqazidd əməldir. Bunun nəticəsində yaranmış öhdəlikdə delikt törətmiş zərərvuran və zərərçəkmiş şəxs iştirak edir. Mülki hüquq pozuntusunun yaranmasında nəzərdə tutulan hüquqazidd əməl dedikdə, mülki qanunvericiliyin normalarını pozan hərəkət və ya hərəkətsizlik anlaşılır. Eləcə də delikt törətmiş şəxsin əməli təqsirli olmalıdır. Təqsirli əməl şəxsin qəsdi və ya ehtiyatsızlığı nəticəsində yaranır. Məhkəmə hesab edir ki, yuxarıda göstərilən əlamətləri özündə ehtiva edən mülki hüquq pozuntusu (delikt) törətmiş şəxs mülki hüquq məsuliyyəti daşıyır və qanunvericiliyin tələbindən də aydın olduğu kimi mülki hüquq pozuntusu törətmiş şəxs hüquqla və ya qanunla müdafiə edilən başqa şəxsə vurduğu zərərərin əvəzini tam həcmdə ödəməlidir. Qeyd edilən maddi hüquq normalarına və işdə olan sübutlara əsaslanaraq, məhkəmə hesab edir ki, 1 saylı X9 X2 04 saylı dolayında müxtəlif cins ağacların kəsilməsi faktına görə 1 saylı Ekologiya və Təbii Sərvətlər İdarəsinin 07 fevral 2025-ci il tarixli, MN ******* nömrəli inzibati tənbeh vermə haqqında qərarı ilə Cavabdeh Azərbaycan Respublikasının İXM-nin 253.1-ci maddəsi ilə təqsirli bilindiyindən, Cavabdeh 658,18 (altı yüz əlli səkkiz manat on səkkiz qəpik) manat məbləğində maddi ziyanın tutulması əsaslıdır. Odur ki, məhkəmə hesab edir ki, iddia tələbi təmin edilməli, vurulmuş ziyanın əvəzi kimi 658,18 (altı yüz əlli səkkiz manat on səkkiz qəpik) manat məbləğində maddi pul vəsaiti Cavabdeh tutularaq iddiaçı Azərbaycan Respublikasının Ekologiya və Təbii Sərvətlər Nazirliyi yanında Meşələrin İnkişafı Xidmətinin 1 saylı X9 Mərkəzinin hesabına ödənilməldir. Azərbaycan Respublikası MPM-nin 220.5-ci maddəsinə əsasən qətnamənin nəticə hissəsində məhkəmə xərclərinin bölüşdürülməsi də əks olunmalı olduğundan, bu məsələ də öz həllini tapmalıdır. Azərbaycan Respublikası MPM-nin 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. İddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət gəlirlərinə alınır. (119.2.) “Dövlət rüsumu haqqında” Azərbaycan Respublikası Qanununun 8.1.1-ci və 9.1.14cü maddələrinə müvafiq olaraq məhkəməyə verilən iddia ərizələri üzrə iddia qiyməti 1.000 manatadək olduqda dövlət rüsumunun qiyməti 30 (otuz) manat miqdarında müəyyən edilmişdir. Məhkəmələrə verilən iddia ərizələri və bütün növ şikayətlər üzrə - büdcə təşkilatları, bələdiyyələr dövlət rüsumu ödəməkdən azad olunurlar. İddiaçı müəyyən olunmuş qaydada dövlət rüsumu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət büdcəsinə köçürülür. Məhkəmə iddianın qismən təmin olunduğunu, məhkəmə xərclərinin ödənilmiş tələblərin məbləğinə münasib olaraq işdə iştirak edən şəxslərə aid edildiyini, iddiaçının qanunla müəyyən olunmuş qaydada dövlət rüsumu ödəməkdən azad edildiyini nəzərə alaraq və sadalanmış normaları hazırki iş üzrə tətbiq edərək belə qənaətə gəlir ki, iddianın təmin edilmiş hissəsinə münasib olaraq 30 (otuz) manat dövlət rüsumu Cavabdeh tutularaq dövlət büdcəsinə köçürülməlidir. Beləliklə, yuxarıda qeyd edilən maddi hüquq normalarına əsaslanaraq, mülki işdə olan sübutları qiymətləndirərək, məhkəmə belə qənaətə gəlir ki, iddia təmin edilməli, Cavabdeh 658,18 (altı yüz əlli səkkiz manat on səkkiz qəpik) manat məbləğində ziyan tutularaq iddiaçı Azərbaycan Respublikasının Ekologiya və Təbii Sərvətlər Nazirliyi yanında Meşələrin İnkişafı Xidmətinin 1 saylı X9 Mərkəzinin hesabına ödənilməli, Cavabdeh 30 (otuz) manat dövlət rüsumu alınaraq dövlət büdcəsinə ödənilməlidir. Məhkəmə qeyd edir ki, Azərbaycan Respublikası MPM-in 14.2, 77.1, 77.2, 88 və 217.4-cü maddələrinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Hər bir tərəf öz tələblərinin və etirazlarının əsası kimi istinad etdiyi halları sübut etməlidir. Dövlət orqanlarının, icra və s. orqanların aktlarının etibarsız hesab edilməsi barədə mübahisələrə baxıldıqda, həmin aktların qəbul edilməsi üçün əsas olmuş halları sübut etmək vəzifəsi bu aktı qəbul etmiş orqanın üzərinə düşür.Məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənləri nəzərə alaraq və Azərbaycan Respublikası Mülki Prosessual Məcəlləsinin 119, 216-220, 222.2 və 360-cı maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 658,18 (altı yüz əlli səkkiz manat on səkkiz qəpik) manat məbləğində ziyan tutularaq iddiaçı Azərbaycan Respublikasının Ekologiya və Təbii Sərvətlər Nazirliyi yanında Meşələrin İnkişafı Xidmətinin 1 saylı X9 Mərkəzinin hesabına (Bankın adı: X3; kod:210005; müxbir hesab: AZ 41NABZ-********************001; VÖEN: **********; Büdcə səviyyəsinin kodu fond:1; Büdcə təsnifatının kodu: 142330) ödənilsin. Cavabdeh 30 (otuz) manat dövlət rüsumu alınaraq dövlət büdcəsinə ödənilsin. Qətnamədən rəsmi qaydada verildiyi gündən 1 (bir) ay müddətində (elektron kabinet vasitəsilə MPM-nin 2 saylı əlavəsinə uyğun) Lerik Rayon Məhkəməsi vasitəsi ilə Şirvan Apellyasiya Məhkəməsinin mülki kollegiyasına apellyasiya şikayəti verilə bilər. Sədrlik edən: Yusif Zeynalov