Lənkəran Rayon Məhkəməsi Qərardad — İş №e-2(049)-1599/2025

Azərbaycan Respublikası adından QƏRARDAD Lənkəran şəhəri İş № e-2(049)-1599/2025 31.10.2025 LƏNKƏRAN RAYON MƏHKƏMƏSİ Hakim Ələsgərov Elvin Əvəz oğlu, Bağırov Əkrəm Muxtar oğlunun katibliyi, İddiaçı ləğv prossesində olan "xxxx" Açıq Səhmdar Cəmiyyətinin cavabdehlər Cavabdeh1 və Cavabdeh2 qarşı «kredit borcunun qaytarılması» tələbinə dair ərizəsini və ona əlavə edilmiş sənədləri nəzərdən keçirib, müəyyənetdim: İddiaçı Ləğv prossesində olan "xxxx" Açıq Səhmdar Cəmiyyəti cavabdehlər Cavabdeh1 və Cavabdeh2 qarşı «kredit borcunun qaytarılması» tələbinə dair iddia ərizəsi ilə məhkəməyə müraciət edərək cavabdehlər Cavabdeh1 və Cavabdeh2 müştərək qaydada 13.078,62 ABŞ dolları əsas, 3.773,52 ABŞ dolları faiz, 6.349,86 ABŞ dolları cərimə, kredit müqaviləsi bitəndən sonra AR Konstitusiya Məhkəməsinin xx.xx.2014-cü il tarixli Plenum qərarına əsasən hesablanmış 1.912,82 ABŞ dolları faiz borcu, cəmi borcu 25.114,82 ABŞ dolları və iş üzrə ödənilmiş 218,09 manat dövlət rüsumunun tutularaq ləğv prosesində olan İddiaçı ASC-yə ödənilməsi barədə qətnamə çıxarılmasını xahiş etmişdir. İddiaçı Ləğv prossesində olan "xxxx" Açıq Səhmdar Cəmiyyətinin nümayəndəsi məhkəməyə ərizə ünvanlayaraq hazırda Cavabdeh1 bank qarşısında hər hansı bir borc öhdəliyi mövcud deyildir. e-2(049)-1599/2025 saylı mülki iş üzrə ekspert rəyi alınmadan mülki işin Azərbaycan Respublikası Ədliyyə Nazirliyi Məhkəmə Ekspertiza Mərkəzindən geri götürülməsini və iş üzrə icraatın təzələnərək, iddia tələbinin baxılmamış saxlanılmasını xahiş etmişdir. "xxxx" MMC-nin Lənkəran şəhəri, X2 küçəsi, bina 78/18, mənzil 14 ünvanında yerləşən X1 məxsus məzilə dair daha əvvəl müəyyən olunmuş likvid qiymətin heesablanması məqsədilə başlanmış iş üzrə müştərinin banka olan kredit borcu tam şəkildə ödənilmişdir. Bu səbəbdən, qiymətləndirmə məqsədini təşkil edən girov təminatının qüvvədə qalması üçün hüquqi və iqtisadi əsas qalmamışdır. Göstərilənləri nəzərə alaraq Cavabdeh1 məxsus mənzilə dair qiymətlləndirmə işinin geri qaytarılması məqsədəuyğun hesab edilir. Azərbaycan Respublikasının Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və tərəflərin işin mahiyyəti üzrə həll olunmasını tələb etmədikdə ərizə baxılmamış saxlanılır. Həmin Məcəllənin 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət rüsumu qaytarılır. Ona görə də məhkəmə hesab edir ki, ərizə baxılmamış saxlanılmalı, iddia ərizəsi və əlavə edilmiş sənədlər iddiaçıya geri qaytarılmalıdır. Göstərilənlərə və Azərbaycan Respublikasının Mülki Prosessual Məcəlləsinin 263, 264 və 268-ci maddələrinə əsasən məhkəmə qəraraaldı: İddiaçı ləğv prossesində olan "xxxx" Açıq Səhmdar Cəmiyyətinin cavabdehlər Cavabdeh1 və Cavabdeh2 qarşı «kredit borcunun qaytarılması» tələbinə dair ərizəsi baxılmamış saxlanılsın və iddia ərizəsi ona əlavə edilmiş sənədlərlə birgə geri qaytarılsın. İddiaçı tərəfindən iddianın verilməsi ilə əlaqədar ödənilmiş 218.09 manat dövlət rüsumu ona geri qaytarılsın. Qərardadan, onun surəti tərəfə rəsmi qaydada verildikdən sonra 10(on) gün müddətində elektron məhkəmə informasiya sistemində yaradılmış elektron kabinet vasitəsilə Lənkəran Rayon Məhkəməsinə şikayət verilə bilər. Hakim: Elvin Ələsgərov