Lənkəran Rayon Məhkəməsi Qətnamə — İş №e-2(049)-4762/2025

Azərbaycan Respublikası adından QƏTNAMƏ Lənkəran şəhəri İş № e-2(049)-4762/2025 17.02.2026 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi X2, İddiaçı X1 QBKT-nın Cavabdeh Seyidəmir oğluna qarşı kredit müqaviləsi üzrə borcun ödənilməsi tələbinə dair mülki işə Lənkəran Rayon Məhkəməsinin inzibati binasında açıq məhkəmə iclasında baxaraq məhkəmə, m ü ə y y ə n e t d i: İddiaçı X1 QBKT-nın sadələşdirilmiş icraat qaydasında iddia ərizəsi ilə məhkəməyə müraciət edərək xx.xx.2019-cu il tarixli **********1960 nömrəli kredit müqaviləsi üzrə 462.37 manat əsas, xx.xx.2019-cu il tarixli **********1973 nömrəli kredit müqaviləsi üzrə 508.45 manat əsas, 13.77 manat faiz, cəmi 522.22 manat borc və 30 manat dövlət rüsumu məbləğinin Cavabdeh Seyidəmir oğlundan tutularaq iddiaçının hesabına ödənilməsi barədə qətnamə qəbul edilməsini xahiş etmişdir. İddia ərizəsi və ona əlavə edilmiş sənədlərin surətləri xx.xx.2026-cı il tarixdə cavabdehə rəsmi qaydada göndərilməklə izah edilmişdir ki, iddiaçının tələbinə dair əsaslandırılmış etirazı olduğu halda, bildirişi rəsmi qaydada aldığı gündən 10 (on) iş günü müddətində öz dəlillərini və onları təsdiq edən sənədləri məhkəməyə təqdim etməlidir. Eyni zamanda, cavabdehə izah edilmişdir ki, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılacaq və həmin işin həllinə dair qətnamə çıxarılacaqdır. Cavabdehin qeydiyyatda olduğu ünvana göndərilən məhkəmə sənədi onun həmin ünvanda yaşamaması əsası ilə geri qaytarılmışdır. Bundan sonra iddia ərizəsi və ona əlavə edilmiş sənədlərin surətləri cavabdehin qeydiyyatda olduğu yer üzrə İcra Nümayəndəliyinə göndərilmişdir. Cavabdeh həmin Nümayəndəliyin ərazisində olmadığından məhkəmə sənədi nümayəndəlikdə saxlanılmaqla bu barədə məhkəməyə rəsmi qaydada məlumat verilmişdir. Cavabdeh iddiaçının tələbinə dair hər hansı etirazını, dəlillərini və onları təsdiq edən sənədləri indiyədək məhkəməyə təqdim etməmişdir. İddiaçı öz iddia tələbini onunla əsaslandırmışdır ki, İddiaçı Məhdud Məsuliyyətli QBKT ilə Cavabdeh Seyidəmir oğlu arasında bağlanmış Azərbaycan Respublikasi Prezidenti cənab İlham Əliyevin xx.xx.2019-cu il tarixli "Azərbaycan Respublikasında fiziki şəxslərin problemli kreditlərinin həlli ilə bagli əlavə tədbirlər haqqında" Fərmanın 6-cı maddəsinə uygun olaraq xx.xx.2019-cu il tarixli **********1960 saylı Güzəştli Kredit (Restrukturizasiya) Müqaviləsinin 1.1-ci bəndinə əsasən, Kredit Alanın vaxti keçmiş əsas kredit borcunun bu Müqavilə imzalanan tarixə 523.14 manat qalıq məbləği, həmçinin xx.xx.2019-cu il tarixli **********1973 saylı Güzəştli Kredit (Restrukturizasiya) Müqaviləsinin 1.1-ci bəndinə əsasən, Kredit Alanın vaxti keçmiş əsas kredit borcunun bu Müqavilə imzalanan tarixə 508.45 manat qalıq məbləği illik 1% faiz dərəcəsi olmaqla və 1 (bir) il güzəşt müddəti müəyyən edilməklə 5 (beş) il müddətinə vaxtı keçmiş kredit borcunun ödənilməsinə yönəldilmişdir. xx.xx.2019-cu il tarixli **********1960 saylı kredit müqaviləsinə əlavə hesab edilən ödəniş cədvəlinə əsasən borclunun bir il güzəşt müddətində hər ay 0.44 manat, dord il müddətində isə hər ay 11.13 manat, xx.xx.2019cu il tarixli **********1973 saylı kredit müqaviləsinə əlavə hesab edilən ödəniş cədvəlinə əsasən borclunun bir il güzəşt müddətində hər ay 0.44 manat, dord il müddətində isə hər ay 10.81 manat olmaqla bərabər hissələrdə ödəniş etməsi razılaşdırılmışdır. Cavabdeh Seyidəmir oğlu xx.xx.2019-cu il tarixli **********1960 saylı və **********1973 saylı kredit müqavilələri üzrə öhdəliklərini lazımi qaydada icra etmədiyindən onun xx.xx.2019-cu il tarixli **********1960 nömrəli kredit müqaviləsi üzrə 462.37 manat əsas, xx.xx.2019-cu il tarixli **********1973 nömrəli kredit müqaviləsi üzrə 508.45 manat əsas, 13.77 manat faiz, cəmi 522.22 manat borcu hesablanmışdır. Cavabdehə xəbərdarlıq edilməsinə baxmayaraq onun tərəfindən borcun ödənilməsi təmin edilməmişdir. Cavabdeh müqavilələrdən irəli gələn öhdəliklərini lazımi qaydada icra etmədiyinə görə iddiaçı iddia ərizəsi ilə məhkəməyə müraciət etmək üçün 30 manat dövlət rüsumu ödəmişdir. İddiaçı hazırda xx.xx.2019-cu il tarixli **********1960 saylı kredit müqaviləsi üzrə cəmi 462.37 manat, **********1973 saylı kredit müqavilələri üzrə cəmi 522.22 manat borc məbləğini və dövlət rüsumu kimi ödənilmiş 30 manat məbləği cavabdehdən tələb edir. Məhkəmə iş materiallarını nəzərdən keçirərək hesab edir ki, iddia tələbi təmin edilməlidir. Belə ki, məhkəmə araşdırması zamanı iş materialları ilə müəyyən edildi ki, İddiaçı Məhdud Məsuliyyətli QBKT ilə Cavabdeh Seyidəmir oğlu arasında bağlanmış xx.xx.2019-cu il tarixli **********1960 saylı Güzəştli Kredit (Restrukturizasiya) Müqaviləsinin 1.1-ci bəndinə əsasən, Kredit Alanın vaxti keçmiş əsas kredit borcunun bu Müqavilə imzalanan tarixə 523.14 manat qalıq məbləği, həmçinin xx.xx.2019-cu il tarixli **********1973 saylı Güzəştli Kredit (Restrukturizasiya) Müqaviləsinin 1.1-ci bəndinə əsasən, Kredit Alanın vaxti keçmiş əsas kredit borcunun bu Müqavilə imzalanan tarixə 508.45 manat qalıq məbləği illik 1% faiz dərəcəsi olmaqla və 1 (bir) il güzəşt müddəti müəyyən edilməklə 5 (beş) il müddətinə vaxtı keçmiş kredit borcunun ödənilməsinə yönəldilmişdir. xx.xx.2019-cu il tarixli **********1960 saylı kredit müqaviləsinə əlavə hesab edilən ödəniş cədvəlinə əsasən borclunun bir il güzəşt müddətində hər ay 0.44 manat, dord il müddətində isə hər ay 11.13 manat, xx.xx.2019cu il tarixli **********1973 saylı kredit müqaviləsinə əlavə hesab edilən ödəniş cədvəlinə əsasən borclunun bir il güzəşt müddətində hər ay 0.44 manat, dord il müddətində isə hər ay 10.81 manat olmaqla bərabər hissələrdə ödəniş etməsi razılaşdırılmışdır. Cavabdehə xəbərdarlıq edilməsinə baxmayaraq borcun ödənilməsi təmin edilməmişdir. Cavabdehlə iddiaçı arasında bağlanmış müqavilələrdən irəli gələn öhdəliklər icra edilmədiyindən iddiaçı hazırki iddia ərizəsi ilə məhkəməyə müraciət etmək üçün 30 manat dövlət rüsumu ödəmişdir. Hazırda iddiaçı xx.xx.2019-cu il tarixli **********1960 nömrəli kredit müqaviləsi üzrə 462.37 manat əsas, xx.xx.2019-cu il tarixli **********1973 nömrəli kredit müqaviləsi üzrə 508.45 manat əsas, 13.77 manat faiz, cəmi 522.22 manat borc və 30 manat dövlət rüsumu məbləğinin cavabdehdən tutulmasını tələb edir. Cavabdeh iddiaçının tələbinə dair hər hansı etirazını, dəlillərini və onları təsdiq edən sənədləri indiyədək məhkəməyə təqdim etməmişdir. Azərbaycan Respublikası Mülki Məcəlləsinin 739.1-ci maddəsinə əsasən borc müqaviləsinə görə bir tərəf (borcverən) pul vəsaitinə və ya digər əvəz edilən əşyalara mülkiyyət hüququnu digər tərəfə (borcalana) verməyi öhdəsinə götürür, borcalan isə aldıqlarını müvafiq olaraq eyni məbləğdə pul vəsaiti və ya eyni keyfiyyətdə və miqdarda olan eyni növlü əşyalar şəklində borcverənə qaytarmağı öhdəsinə götürür. Həmin Məcəllənin 739.2-ci maddəsinə əsasən borc müqaviləsi predmetinin məbləği üç min manatdan çoxdursa və ya məbləğindən asılı olmayaraq, müqavilənin iştirakçılarından biri hüquqi şəxsdirsə, borc müqaviləsi yazılı formada bağlanılmalıdır. Həmin Məcəllənin 740.1-ci maddəsinə əsasən qanunda və ya müqavilədə ayrı qayda nəzərdə tutulmayıbsa, borcverən borcalandan müqavilədə nəzərdə tutulmuş qaydada və məbləğdə faiz almaq hüququna malikdir. Həmin Məcəllənin 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Əgər kreditorun lazımınca icra etməmək nəticəsində dəyən zərərin əvəzinin ödənilməsi hüququ varsa, kreditor onun ödənilməsini tələb edə bilər. Əgər kreditor icranı qəbul etmişsə, cərimənin tutulmasını yalnız icranı qəbul edərkən bu hüququ özündə saxlamış olduğu halda tələb edə bilər. Qeyd olunan əsaslara görə məhkəmə qərara gəlir ki, iddia tələbinin xx.xx.2019-cu il tarixli **********1960 nömrəli kredit müqaviləsi üzrə 462.37 manat əsas, xx.xx.2019-cu il tarixli **********1973 nömrəli kredit müqaviləsi üzrə 508.45 manat əsas, 13.77 manat faiz, cəmi 522.22 manat borc məbləğinin cavabdehdən tutulmasına dair hissəsi təmin edilməlidir. Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Qeyd olunan əsaslara görə məhkəmə qərara gəlir ki, iddia tələbinin 30 manat dövlət rüsumunun cavabdehdən tutulmasına dair hissəsi də təmin edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216- 220-ci maddələrini rəhbər tutaraq məhkəmə, qətetdi: İddia tələbi təmin edilsin. Cavabdeh Seyidəmir oğlundan xx.xx.2019-cu il tarixli **********1960 nömrəli kredit müqaviləsi üzrə 462.37 manat əsas, xx.xx.2019-cu il tarixli **********1973 nömrəli kredit müqaviləsi üzrə 508.45 manat əsas, 13.77 manat faiz, cəmi 522.22 manat borc olmaqla, iki müqavilə üzrə cəmi 984.59 manat borc və 30 manat dövlət rüsumu tutularaq İddiaçı X1 QBKT-nın hesabına ödənilsin. Məhkəmə qətnaməsi rəsmi qaydada verildiyi gündən 1 ay müddətində qətnamədən Lənkəran Rayon Məhkəməsi vasitəsilə “Elektron Məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim: Kamran Süleymanov