Masallı Rayon Məhkəməsi Qərardad — İş №e-2(050)-1534/2025

Azərbaycan Respublikası adından QƏRARDAD Masallı rayonu İş № e-2(050)-1534/2025 15.04.2025 MASALLI RAYON MƏHKƏMƏSİ Masallı Rayon Məhkəməsinin hakimi Abdullayev Coşqun Şamil oğlu, İddiaçı MMC-nin oğlunun Cavabdeh qarşı maddi ziyanın ödənilməsi tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı MMC-nin oğlunun Cavabdeh qarşı maddi ziyanın ödənilməsi barədə iddia ərizəsi ilə müraciət edərək qətnamə qəbul edilməsini xahiş etmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizənin bu Məcəllənin tələblərinə riayət edilməklə verilməsi yoxlanılmalıdır. Həmin məcəllənin 152.1.1-ci maddəsinin tələbinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 149.2.2-ci maddəsində göstərilən sənədlər iddia ərizəsinə əlavə edilmədikdə iddia ərizəsi geri qaytarılır. 149.2.2-cü maddəyə əsasən iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) iddia ərizəsində göstərilməlidir. İddia ərizəsinin məzmunundan görünür ki, iddia ərizəsində cavabdehə aid müvafiq məlumatlar göstərilməmişdir. Məhkəmə eyni zamanda qeyd edir ki, İddiaçı MMC-nin vurulmuş maddi ziyan tələbi ilə bağlı məhkəmədə bir neçə oxşar işlər olmuş, həmin işlərə məhkəmə iclasında baxılarkən demək olar ki, əksər vaxtlarda ziyanın vurulması ilə bağlı cavabdehlər etiraz etmişlər və bununla bağlı müvafiq ekspertizalar təyin edilmişdir. Bu baxımdan vurulmuş ziyanla bağlı iddianın qiyməti 5000 manatdan az olsa da belə, bu xarakterli işlərdə tərəflər arasında mübahisənin olması və bununla bağlı iclasda araşdırma aparılması zərurəti yarandığından qeyd edilən iddia tələbi ilə məhkəməyə müraciət edildiyi vaxt sadələşdirilmiş icraat qaydasında deyil, iddia icraatı qaydasında müraciət edilməsi məqsədəuyğundur. Azərbaycan Respublikası Mülki Prosessual Məcəlləsinin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə və Azərbaycan Respublikası MPM-nin 149, 151, 152, 263,264 və 279-cu maddələrinə əsasən, QƏRARA ALDİM: İddiaçı MMC-nin oğlunun Cavabdeh qarşı maddi ziyanın ödənilməsi tələbinə dair iddia ərizəsi və ona əlavə edilmiş sənədlər geri qaytarılsın. Ərizənin qaytarılmasına səbəb olan nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəfə rəsmi qaydada verildikdən sonra 10 (on) gün müddətində (“Elektron məhkəmə” informasiya sistemində yaradılan elektron kabinet üzərindən) Masallı Rayon Məhkəməsinə şikayət verilə bilər. Hakim: Coşqun Abdullayev