Masallı Rayon Məhkəməsi Qətnamə — İş №e-2(050)-3127/2025

Azərbaycan Respublikası adından QƏTNAMƏ Masallı rayonu İş № e-2(050)-3127/2025 01.10.2025 MASALLI RAYON MƏHKƏMƏSİ Mən, Masallı Rayon Məhkəməsinin hakimi Hüseynov Elşən Təbriz oğlu İddiaçı QSC BOKT-nın Cavabdeh qarşı borcun tutulması tələbinə dair kiçik iddiası üzrə mülki işə sadələşdirilmiş icraat qaydasında baxaraq MÜƏYYƏN ETDİM: İddiaçı - "xxxx" ASC. Cavabdeh - Cavabdeh. Tərəflər arasında bağlanmış müqavilə - "xxxx" ASC ilə Cavabdeh arasında bağlanmış 14 yanvar 2015-ci il tarixli 67-xx.xx.2015-SM100 nömrəli kredit müqaviləsi. "xxxx" ASC ilə İddiaçı QSC arasında bağlanmış promlemli aktivlər üzrə tələb hüququnun İddiaçı QSC-nə güzəşt edilməsinə dair 21 aprel 2017-ci il tarixli müqavilə. Müqavilənin predmeti - kredit müqaviləsi. Tələb olunan məbləğ – 767,89 manat əsas borc, və 30 manat dövlət rüsumu. Sübutlar: Kredit müqaviləsi, ödəniş cədvəli, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunması barədə bildiriş. Tətbiq olunmalı maddi və prosessual hüquq normaları. Azərbaycan Respublikası Mülki Məcəlləsinin 739.1-ci, 739.2-ci, 741-ci və 462.1-ci maddələri. Məhkəmə hesab edir ki, iddia əsaslıdır. Məhkəmədə müəyyən olundu ki, Cavabdeh 14 yanvar 2015-ci il tarixli kredit müqaviləsi əsasında "xxxx" ASC-dən 24 ay müddətinə illik 25% olmaqla 5500 manat məbləğdə kredit almışdır. "xxxx" Açıq Səhmdar Cəmiyyətinin dövlətə məxsus səhmlərinin özəlləşdirilməyə hazırlanması ilə bağlı sağlamlaşdırılma tədbirləri haqqında” Azərbaycan Respublikası Prezidentinin 15 iyul 2015-ci il tarixli 570 №-li Fərmanının icrası ilə əlaqədar Cavabdeh problemli borcu üzrə tələb hüququ xx.xx.2017-ci il tarixli S-FK-MİN-77 saylı təhvil-təslim aktı əsasında İddiaçı QSC Bank olmayan Kredit Təşkilatına təhvil verilmişdir. Akta əsasən Cavabdeh Babalı oğlunun təhvil-təslim olunan tarixə "xxxx" ASC-nin Gəncəı filialına cəmi 1127,89 (min yüz iyirmi yeddi manat, 89 qəpik) manat məbləğində borcu olmuşdur. Göründüyü kimi, cavabdeh kredit müqaviləsi üzrə götürdüyü öhdəlikləri vaxtında icra etməmiş, iddiaçıya olan borcunu müqavilə ilə nəzərdə tutulan vaxtda və qaydada ödəməmişdir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehlərdən birgə qaydad iddiaçının xeyrinə tutulmalıdır. Yuxarıda qeyd olunanlara əsasən və Azərbaycan Respublikası MPM-nin 284-5, 284-6, 216-220-ci maddələrini rəhbər tutaraq, QƏT ETDİM: İddia təmin edilsin. Cavabdeh 767,89 (yeddi yüz altmış yeddi manat səksən doqquz qəpik) manat məbləğində pul və 30 manat ödənilmiş dövlət rüsumu tutularaq İddiaçı QSC BOKT-na ödənilsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Masallı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Elşən Hüseynov