Mingəçevir Şəhər Məhkəməsi Qərardad — İş №e-2(051)-947/2024

Azərbaycan Respublikası adından QƏRARDAD Mingəçevir şəhəri İş № e-2(051)-947/2024 11.03.2024 MİNGƏÇEVİR ŞƏHƏR MƏHKƏMƏSİ Hakim Quliyeva Güləndam Gündüz qızı, İddiaçı BOKT "xxxx" QSC-in Cavabdeh qarşı “kredit borcunun qaytarılması” tələbinə dair işi kiçik iddialara dair işlər üzrə sadələşdirilmiş icraat qaydasında nəzərdən keçirərək MÜƏYYƏN ETDİ: İddiaçı BOKT "xxxx" QSC Cavabdeh qarşı 323,53 manat kredit borcun və dövlət rüsumu kimi ödənilmiş 30,40 manat məbləğində pulun alınıb ona verilməsi barədə qətnamə çıxarılmasını məhkəmədən xahiş etmişdir. Məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, iddiaçı Cavabdeh adına yazılmış kredit borcunun və dövlət rüsumunu ondan alınıb iddiaçıya verilməsi barədə qətnamə çıxarılmasını xahiş etmişdir. Lakin iddiaçının öz tələbini əsaslandırdığı heç bir sənəd iddia ərizəsinə əlavə olunmamışdır. Ərizəyə başqa bir şəxsə-X1 aid sənədlər əlavə olunmuşdur. Azərbaycan Respublikasının Mülki Prosessual Məcəlləsinin 151.1-ci maddəsində göstərilir ki, ərizə bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1.1-ci maddəsinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Göstərilənlərə əsasən iddiaçı BOKT "xxxx" QSC-in Cavabdeh qarşı “kredit borcunun qaytarılması” tələbinə dair iddia ərizəsi və ona əlavə edilmiş sənədlər geri qaytarılmalıdr. Azərbaycan Respublikasının MPM-nin 263-264, 267-268-ci maddələrini rəhbər tutaraq QƏRARA ALDİ: İddiaçı BOKT "xxxx" QSC-in Cavabdeh qarşı “kredit borcunun qaytarılması” tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan rəsmi qaydada verildiyi gündən 10 (on) gün müddətində (Elektron Məhkəmə İnformasiya Sistemində yaradılan Elektron kabinetdən istifadə edilməklə) Mingəçevir Şəhər Məhkəməsinə şikayət verilə bilər. Hakim Güləndam Quliyeva