Neftçala Rayon Məhkəməsi Qətnamə — İş №e-2(053)-278/2025

Azərbaycan Respublikası adından QƏTNAMƏ Neftçala rayonu İş № e-2(053)-278/2025 14.02.2025 NEFTÇALA RAYON MƏHKƏMƏSİ Mən, Neftçala Rayon Məhkəməsinin hakimi Quliyev Samir İdris oğlu iddiaçı "xxxx" Məhdud Məsuliyyətli Cəmiyyətinin Cavabdeh qarşı “Borc” tələbi barədə kiçik mübahisələr üzrə iddia ərizəsinə dair mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı "xxxx" Məhdud Məsuliyyətli Cəmiyyəti Cavabdeh qarşı “Borc” tələbinə dair kiçik mübahisələr üzrə iddia ərizəsi ilə məhkəməyə müraciət edərək, cavabdehdən 10 dekabr 2024-cü il tarixinə yaranmış 15 avqust 2023-cü il tarixli, ********* nömrəli müddətli (nisyə) alqı-satqı müqaviləsi üzrə 231,80 manat məbləğində əsas borc, 34,70 manat məbləğində cərimə, ümumilikdə 266,50 manat məbləğində borc, 10 sentyabr 2023-cü il tarixli, ********* nömrəli müddətli (nisyə) alqı-satqı müqaviləsi üzrə 147,40 manat məbləğində əsas borc, 22,10 manat məbləğində cərimə, ümumilikdə 169,50 manat məbləğində borc, 11 sentyabr 2023-cü il tarixli, ********* nömrəli müddətli (nisyə) alqı-satqı müqaviləsi üzrə 123,90 manat məbləğində əsas borc, 18,50 manat məbləğində cərimə, ümumilikdə 142,40 manat məbləğində borc, 26 oktyabr 2023-cü il tarixli, ********* nömrəli müddətli (nisyə) alqı-satqı müqaviləsi üzrə 164,90 manat məbləğində əsas borc, 24,70 manat məbləğində cərimə, ümumilikdə 189,60 manat məbləğində borcun, ümumilikdə dörd müqavilə üzrə 668 manat əsas, 100 manat cərimə, cəmi 768 manat məbləğində borcun və 30 manat məbləğində dövlət rüsumunun "xxxx" MMC-nin xeyrinə tutulması barədə qətnamə qəbul edilməsini xahiş etmişdir. İddiaçı "xxxx" X1 iddia tələbini onunla əsaslandırmışdır ki, iddiaçı "xxxx" MMC ilə Cavabdeh arasında bağlanmış 15 avqust 2023-cü il tarixli, ********* nömrəli müddətli (nisyǝ) alqı-satqı müqaviləsinə əsasən sonuncu aldığı “Xiaomi” markalı mobil telefona görə 18 ay müddətinə, ödəniş cədvəli üzrə hər ay 26 manat olmaqla, cəmi 466,30 manat ödəməyi öhdəsinə götürmüşdür. Lakin cavabdeh müqavilənin şərtlərini pozaraq sonuncu dəfə 25 may 2024-cü il tarixində 26 manat ödəniş etmiş, qalıq qalmış 231,80 manat borcu qaytarmamışdır. Dəfələrlə xəbərdarlıq edilməsinə baxmayaraq borclu yaranmış borcu ödəməkdən boyun qaçırır. Nisyə alqı-satqı müqaviləsinə 1 nömrəli əlavənin şərtlərinə uyğun olaraq gecikdirilən borc məbləğinin 1(bir) % dərəcəsi ilə (minimum 50 qəpik) gündəlik dəbbə hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 347 manat təşkil edir. Cavabdehin müqavilə üzrə hər bir günə görə hesablanmış cərimə məbləğinin miqdarı 347 manat təşkil etdiyi halda humanizm prinsipinə əsaslanaraq həmin cərimə məbləğinin 90%-i iddiaçı tərəfindən güzəşt edilmişdir. Cavabdeh tərəfindən cərimə məbləğinin 10%-i, yəni 34,70 manat "xxxx" MMCnə ödənilməlidir. 10 sentyabr 2023-cü il tarixli, ********* nömrəli müddətli (nisyǝ) alqı-satqı müqaviləsinə əsasən cavabdeh aldığı “Samsung” markalı tozsorana görə 18 ay müddətinə, ödəniş cədvəli üzrə hər ay 17 manat olmaqla cəmi 299,90 manat ödəməyi öhdəsinə götürmüşdür. Lakin cavabdeh müqavilənin şərtlərini pozaraq sonuncu dəfə 15 iyul 2024-cü il tarixində 16,50 manat ödəniş etmiş, qalıq qalmış 147,40 manat borcu qaytarmamışdır. Dəfələrlə xəbərdarlıq edilməsinə baxmayaraq borclu yaranmış borcu ödəməkdən boyun qaçırır. Nisyə alqı-satqı müqaviləsinə 1 nömrəli əlavənin şərtlərinə uyğun olaraq gecikdirilən borc məbləğinin 1(bir) % dərəcəsi ilə (minimum 50 qəpik) gündəlik dəbbə hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 221 manat təşkil edir. Cavabdehin müqavilə üzrə hər bir günə görə hesablanmış cərimə məbləğinin miqdarı 221 manat təşkil etdiyi halda humanizm prinsipinə əsaslanaraq həmin cərimə məbləğinin 90%-i iddiaçı tərəfindən güzəşt edilmişdir. Cavabdeh tərəfindən cərimə məbləğinin 10%-i, yəni 22,10 manat "xxxx" MMCnə ödənilməlidir. 11 sentyabr 2023-cü il tarixli, ********* nömrəli müddətli (nisyǝ) alqı-satqı müqaviləsinə əsasən cavabdeh aldığı “Philips” markalı ütüyə görə 18 ay müddətinə, ödəniş cədvəli üzrə hər ay 12 manat olmaqla cəmi 219,90 manat ödəməyi öhdəsinə götürmüşdür. Lakin cavabdeh müqavilənin şərtlərini pozaraq sonuncu dəfə 16 may 2024cü il tarixində 12 manat ödəniş etmiş, qalıq qalmış 123,90 manat borcu qaytarmamışdır. Dəfələrlə xəbərdarlıq edilməsinə baxmayaraq borclu yaranmış borcu ödəməkdən boyun qaçırır. Nisyə alqı-satqı müqaviləsinə 1 nömrəli əlavənin şərtlərinə uyğun olaraq gecikdirilən borc məbləğinin 1(bir) % dərəcəsi ilə (minimum 50 qəpik) gündəlik dəbbə hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 185 manat təşkil edir. Cavabdehin müqavilə üzrə hər bir günə görə hesablanmış cərimə məbləğinin miqdarı 185 manat təşkil etdiyi halda humanizm prinsipinə əsaslanaraq həmin cərimə məbləğinin 90%-i iddiaçı tərəfindən güzəşt edilmişdir. Cavabdeh tərəfindən cərimə məbləğinin 10%-i, yəni 18,50 manat "xxxx" MMC-nə ödənilməlidir. 26 oktyabr 2023-cü il tarixli, ********* nömrəli müddətli (nisyǝ) alqı-satqı müqaviləsinə əsasən cavabdeh aldığı Qazan dəstinə görə 18 ay müddətinə, ödəniş cədvəli üzrə hər ay 15 manat olmaqla cəmi 269,90 manat ödəməyi öhdəsinə götürmüşdür. Lakin cavabdeh müqavilənin şərtlərini pozaraq sonuncu dəfə 25 may 2024-cü il tarixində 15 manat ödəniş etmiş, qalıq qalmış 164,90 manat borcu qaytarmamışdır. Dəfələrlə xəbərdarlıq edilməsinə baxmayaraq borclu yaranmış borcu ödəməkdən boyun qaçırır. Nisyə alqı-satqı müqaviləsinə 1 nömrəli əlavənin şərtlərinə uyğun olaraq gecikdirilən borc məbləğinin 1(bir) % dərəcəsi ilə (minimum 50 qəpik) gündəlik dəbbə hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 247 manat təşkil edir. Cavabdehin müqavilə üzrə hər bir günə görə hesablanmış cərimə məbləğinin miqdarı 247 manat təşkil etdiyi halda humanizm prinsipinə əsaslanaraq həmin cərimə məbləğinin 90%-i iddiaçı tərəfindən güzəşt edilmişdir. Cavabdeh tərəfindən cərimə məbləğinin 10%-i, yəni 24,70 manat "xxxx" MMC-nə ödənilməlidir. Azərbaycan Respublikası MPM-nin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə, iddiaçı "xxxx" Məhdud Məsuliyyətli Cəmiyyətinin Cavabdeh qarşı “borc” tələbi barədə kiçik mübahisələr üzrə iddia ərizəsinə dair mülki işə sadələşdirilmiş icraat qaydasında baxılmasını mümkün hesab etmiş və buna görə də Mülki Prosessual Qanunvericiliyin tələblərinə uyğun olaraq “bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək” hüququnun izah olunması barədə bildiriş müvafiq qaydada cavabdehə göndərilmişdir. Məhkəmə kiçik mübahisələr üzrə iddia ərizəsini və işin faktiki hallarını araşdırıb, işdə olan sənədləri tədqiq etməklə sübutları qiymətləndirərək hesab edir ki, aşağıda göstərilənlərə əsasən iddia qismən təmin edilməlidir. Belə ki, iş materiallarında olan 15 avqust 2023-cü il tarixli “müddətli nisyə alqı-satqı müqaviləsi”ndən və 1 nömrəli əlavədən görünür ki, "xxxx" MMC – “satıcı”, Cavabdeh – “alıcı” olmaqla bağlanmış həmin müqaviləyə əsasən Cavabdeh şəxsi istehlak və istifadə üçün 18 ay müddətinə, dəyəri 466,39 manat olan əmtəəni (əşyanı) “Xiaomi Redmi” markalı mobil telefonu nisyə alqı-satqı şərtləri əsasında satmışdır. Borclu aldığı əşyaya görə ilkin ödəniş etməmiş və borclu olduğu məbləği müqaviləyə əlavə edilən ödəniş cədvəlinə əsasən kreditora hissə-hissə ödəməyi öhdəsinə götürmüşdür. 10 sentyabr 2023-cü il tarixli “müddətli nisyə alqı-satqı müqaviləsi”ndən və 1 nömrəli əlavədən görünür ki, "xxxx" MMC – “satıcı”, Cavabdeh– “alıcı” olmaqla bağlanmış həmin müqaviləyə əsasən Cavabdeh şəxsi istehlak və istifadə üçün 18 ay müddətinə, dəyəri 299,99 manat olan əmtəəni (əşyanı) “Samsung” markalı tozsoranı nisyə alqı-satqı şərtləri əsasında satmışdır. Borclu aldığı əşyaya görə ilkin ödəniş etməmiş və borclu olduğu məbləği müqaviləyə əlavə edilən ödəniş cədvəlinə əsasən kreditora hissə-hissə ödəməyi öhdəsinə götürmüşdür. 11 sentyabr 2023-cü il tarixli “müddətli nisyə alqı-satqı müqaviləsi”ndən və 1 nömrəli əlavədən görünür ki, "xxxx" MMC – “satıcı”, Cavabdeh– “alıcı” olmaqla bağlanmış həmin müqaviləyə əsasən Cavabdeh şəxsi istehlak və istifadə üçün 18 ay müddətinə, dəyəri 219,99 manat olan əmtəəni (əşyanı) “Philips” markalı ütünü nisyə alqı-satqı şərtləri əsasında satmışdır. Borclu aldığı əşyaya görə ilkin ödəniş etməmiş və borclu olduğu məbləği müqaviləyə əlavə edilən ödəniş cədvəlinə əsasən kreditora hissə-hissə ödəməyi öhdəsinə götürmüşdür. 26 oktyabr 2023-cü il tarixli “müddətli nisyə alqı-satqı müqaviləsi”ndən və 1 nömrəli əlavədən görünür ki, "xxxx" MMC – “satıcı”, Cavabdeh– “alıcı” olmaqla bağlanmış həmin müqaviləyə əsasən Cavabdeh şəxsi istehlak və istifadə üçün 18 ay müddətinə, dəyəri 269,99 manat olan əmtəəni (əşyanı) Qazan dəstini nisyə alqı-satqı şərtləri əsasında satmışdır. Borclu aldığı əşyaya görə ilkin ödəniş etməmiş və borclu olduğu məbləği müqaviləyə əlavə edilən ödəniş cədvəlinə əsasən kreditora hissə-hissə ödəməyi öhdəsinə götürmüşdür. İş materiallarında olan 15 avqust 2023-cü il tarixli ödəniş cədvəlindən görünür ki, Cavabdehnun "xxxx" MMC-nə olan borcunun müvafiq cədvəl qrafikinə əsasən müəyyən olunmuş vaxtlarda ödənilməsi nəzərdə tutulmuşdur və həmin ödəniş cədvəlini Cavabdeh imzalamışdır. Ödəniş cədvəlinə əsasən ödənişin son tarixi 15 fevral 2025-ci il müəyyən olunmuşdur. 10 sentyabr 2023-cü il tarixli ödəniş cədvəlindən görünür ki, Cavabdehnun "xxxx" MMC-nə olan borcunun müvafiq cədvəl qrafikinə əsasən müəyyən olunmuş vaxtlarda ödənilməsi nəzərdə tutulmuşdur və həmin ödəniş cədvəlini Cavabdeh imzalamışdır. Həmin ödəniş cədvəlinə əsasən ödənişin son tarixi 10 mart 2025-ci il müəyyən olunmuşdur. 11 sentyabr 2023-cü il tarixli ödəniş cədvəlindən görünür ki, Cavabdehnun "xxxx" MMC-nə olan borcunun müvafiq cədvəl qrafikinə əsasən müəyyən olunmuş vaxtlarda ödənilməsi nəzərdə tutulmuşdur və həmin ödəniş cədvəlini Cavabdeh imzalamışdır. Həmin ödəniş cədvəlinə əsasən ödənişin son tarixi 11 mart 2025-ci il müəyyən olunmuşdur. 26 oktyabr 2023-cü il tarixli ödəniş cədvəlindən görünür ki, Cavabdehnun "xxxx" MMC-nə olan borcunun müvafiq cədvəl qrafikinə əsasən müəyyən olunmuş vaxtlarda ödənilməsi nəzərdə tutulmuşdur və həmin ödəniş cədvəlini Cavabdeh imzalamışdır. Həmin ödəniş cədvəlinə əsasən ödənişin son tarixi 26 aprel 2025-ci il müəyyən olunmuşdur. İş materiallarında olan "xxxx" MMC tərəfindən tərtib edilmiş 10 dekabr 2024-cü il tarixli maliyyə arayışlarından görünür ki, Cavabdeh 15 avqust 2023-cü il tarixli müddətli (nisyə) alqı-satqı müqaviləsi üzrə 466,30 manat əsas borcundan maliyyə arayışı tərtib edilərək, 231,80 manat əsas borc, 347 manat cərimə borcu qalmışdır, lakin iddia ərizəsində cavabdehə güzəşt olaraq cərimə borcu 34,70 manat məbləğinə qədər, 10 sentyabr 2023-cü il tarixli müddətli (nisyə) alqı-satqı müqaviləsi üzrə 299,90 manat əsas borcundan maliyyə arayışı tərtib edilərək, 147,40 manat əsas borc, 221 manat cərimə borcu qalmışdır, lakin iddia ərizəsində cavabdehə güzəşt olaraq cərimə borcu 22,10 manat məbləğinə qədər, 11 sentyabr 2023-cü il tarixli müddətli (nisyə) alqı-satqı müqaviləsi üzrə 219,90 manat əsas borcundan maliyyə arayışı tərtib edilərək, 123,90 manat əsas borc, 185 manat cərimə borcu qalmışdır, lakin iddia ərizəsində cavabdehə güzəşt olaraq cərimə borcu 18,50 manat məbləğinə qədər, 26 oktyabr 2023-cü il tarixli müddətli (nisyə) alqısatqı müqaviləsi üzrə 269,90 manat əsas borcundan maliyyə arayışı tərtib edilərək, 164,90 manat əsas borc, 247 manat cərimə borcu qalmışdır, lakin iddia ərizəsində cavabdehə güzəşt olaraq cərimə borcu 24,70 manat məbləğinə qədər azaldılmışdır. İş materiallarında olan xəbərdarlıqdan görünür ki, Cavabdeh "xxxx" Məhdud Məsuliyyətli Cəmiyyətinə olan borcunun ödənilməsinin zəruriliyi barədə xəbərdar edilmişdir. İş materiallarında olan 26 dekabr 2024-cü il tarixli ödəniş qəbzindən görünür ki, iddiaçı "xxxx" MMC tərəfindən dövlət rüsumu olaraq 30 manat məbləğində pul dövlət nəfinə ödənilmişdir. Azərbaycan Respublikası Mülki Məcəlləsinin 600.1-ci maddəsinə əsasən, “alqısatqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427ci maddəsinə uyğun müəyyənləşdirilmiş müddətdə həyata keçirməlidir”. Həmin Məcəllənin 600.2-ci maddəsinə əsasən, “əşyaların nisyə satışı satış günü qüvvədə olmuş qiymətlər üzrə həyata keçirilir”. Həmin Məcəllənin 600.4-cü maddəsinə əsasən, “əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər”. Həmin Məcəllənin 601.1-ci maddəsinə əsasən, “əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun”. Azərbaycan Respublikası Mülki Məcəlləsinin 385.1-ci maddəsinə əsasən, “öhdəliyə əsasən, bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır”. Həmin Məcəllənin 465.2-ci maddəsinə əsasən, “borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər”. Azərbaycan Respublikası Mülki Məcəlləsinin 467-ci maddəsinə görə tənasübsüz surətdə yüksək dəbbə pulunu azalda bilməsi imkanlarını, tənasüb müəyyənləşdirilərkən kreditorun həm əmlak, həm də bütün əsaslı mənafelərini, nəzərə alaraq məhkəmə hesab edir ki, 15 avqust 2023-cü il tarixli, ********* nömrəli müqavilə üzrə cərimə borcu 12 manat, 10 sentyabr 2023-cü il tarixli, ********* saylı müqavilə üzrə cərimə borcu 8 manat, 11 sentyabr 2023-cü il tarixli, ********* saylı müqavilə üzrə cərimə borcu 7 manat, 26 oktyabr 2023-cü il tarixli, ********* saylı müqavilə üzrə cərimə borcu 9 manat məbləğinə qədər azaldılmalıdır. Azərbaycan Respublikası Mülki-Prosessual Məcəlləsinin 14.2-ci maddəsinə əsasən, “məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir”. Həmin Məcəllənin 217.4-cü maddəsinə əsasən, “məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır”. Beləliklə də, məhkəmə iş üzrə tədqiq edilən sübutlara qiymət verərək hesab edir ki, iddia qismən təmin edilməklə, Cavabdeh 15 avqust 2023-cü il tarixli “müddətli (nisyə) alqısatqı müqaviləsi üzrə 231,80 manat məbləğində əsas borc, 12 manat məbləğində cərimə, 10 sentyabr 2023-cü il tarixli “müddətli (nisyə) alqı-satqı müqaviləsi üzrə 147,40 manat məbləğində əsas borc, 8 manat məbləğində cərimə, 11 sentyabr 2023-cü il tarixli “müddətli (nisyə) alqı-satqı müqaviləsi üzrə 123,90 manat məbləğində əsas borc, 7 manat məbləğində cərimə, 26 oktyabr 2023-cü il tarixli “müddətli (nisyə) alqı-satqı müqaviləsi üzrə 164,90 manat məbləğində əsas borc, 9 manat məbləğində cərimə olmaqla, cəmi 704 manat məbləğində borc "xxxx" MMC-nin xeyrinə tutulmalıdır. Azərbaycan Respublikası Mülki-Prosessual Məcəlləsinın 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Ona görə də iddiaçının iddia ərizəsi ilə məhkəməyə müraciət etdiyi zaman ödəmiş olduğu 30 manat məbləğində dövlət rüsumu cavabdehə aid edilməlidir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 284-1-284-6-cı maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh 15 avqust 2023-cü il tarixli “müddətli (nisyə) alqı-satqı müqaviləsi üzrə 231,80 (iki yüz otuz bir manat səksən qəpik) manat məbləğində əsas borc, 12 (on iki) manat məbləğində cərimə, 10 sentyabr 2023-cü il tarixli “müddətli (nisyə) alqı-satqı müqaviləsi üzrə 147,40 (yüz qırx yeddi manat qırx qəpik) manat məbləğində əsas borc, 8 (səkkiz) manat məbləğində cərimə, 11 sentyabr 2023-cü il tarixli “müddətli (nisyə) alqısatqı müqaviləsi üzrə 123,90 (yüz iyirmi üç manat doxsan qəpik) manat məbləğində əsas borc, 7 (yeddi) manat məbləğində cərimə, 26 oktyabr 2023-cü il tarixli “müddətli (nisyə) alqı-satqı müqaviləsi üzrə 164,90 (yüz altmış dörd manat doxsan qəpik) manat məbləğində əsas borc, 9 (doqquz) manat məbləğində cərimə olmaqla, cəmi 704 (yeddi yüz dörd) manat məbləğində borc və dövlət rüsumu olaraq ödənilmiş 30 (otuz) manat məbləğində pul vəsaiti iddiaçı "xxxx" Məhdud Məsuliyyətli Cəmiyyətinin xeyrinə tutulsun. Qətnamədən rəsmi qaydada verildiyi gündən 01 (bir) ay müddətində Neftçala Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Qətnamə şikayət verilməmişdirsə, qəbul edildiyi gündən 01 (bir) ay keçdikdən sonra qanuni qüvvəyə minir. Hakim Samir Quliyev