Oğuz Rayon Məhkəməsi Qərardad — İş №e-2(054)-147/2023

Azərbaycan Respublikası adından QƏRARDAD Oğuz rayonu İş № e-2(054)-147/2023 27.01.2023 OĞUZ RAYON MƏHKƏMƏSİ Mən, Oğuz Rayon Məhkəməsinin hakimi X1, İddiaçı QSC BOKT-un cavabdehlər Cavabdeh1 və Cavabdeh2 qarşı kredit borcu tələbinə dair mülki iş üzrə iddiaçının nümayəndəsi Nümayəndə iddia ərizəsinin qaytarılması barədə 27 yanvar 2023-cü il tarixli ərizəsini nəzərdən keçirib müəyyən etdim: İddiaçı QSC BOKT cavabdehlər Cavabdeh1 və Cavabdeh2 qarşı 445,29 manat əsas, 1,73 manat faiz borcunun, 30 manat dövlət rüsumunun cavabdehlərdən müştərək qaydada tutulması tələbinə dair iddia ərizəsi ilə məhkəməyə müraciət etmişdir. İddiaçı 27 yanvar 2023-cü il tarixdə məhkəməyə elektron ərizə ilə müraciət edərək tələbin sadələşdirilmiş qaydada olmasına baxmayaraq ərizənin texniki səhv nəticəsində iddia icraatı qaydasında verildiyini bildirmiş, işin geri qaytarılmasını xahiş etmişdir. İddia ərizəsini və sənədləri araşdırıb hesab edirəm ki, ərizə təmin edilməlidir. Belə ki, sözügedən iddia ərizəsi 26 yanvar 2023-cü il tarixdə qeydiyyata alınsa da, icraata götürülmə barədə qərardad çıxarılmamışdır. Azərbaycan Respublikası Mülki Prosessual Məcəlləsinin 152.1.9-cu maddəsinə əsasən iddia ərizəsini icraata götürmək haqqında qərardad çıxarılana qədər iddiaçıdan iddia ərizəsinin qaytarılmasına dair ərizə daxil olduqda hakim iddia ərizəsini və ona əlavə edilmiş sənədləri geri qaytarır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 263-264, 266 -268-ci maddələrini rəhbər tutaraq qərara aldım : İddiaçı QSC BOKT-un cavabdehlər Cavabdeh1 və Cavabdeh2 qarşı kredit borcu tələbinə dair iddia ərizəsi və ona əlavə olunmuş sənədlər qaytarılsın. Ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan surəti rəsmi qaydada verildikdən sonra 10 (on) gün müddətində Oğuz Rayon Məhkəməsinə şikayət verilə bilər. Hakim: Səadət Zeynalova