Tovuz Rayon Məhkəməsi Qərardad — İş №e-2(062)-3629/2024

Azərbaycan Respublikası adından QƏRARDAD Tovuz rayon İş № e-2(062)-3629/2024 09.12.2024 TOVUZ RAYON MƏHKƏMƏSİ Mən, Tovuz Rayon Məhkəməsinin hakimi Hacıyev Süleyman Aslan oğlu İddiaçı Bank Olmayan Kredit X1 Cəmiyyətinin Cavabdeh2 qarşı pul tələbinə dair iddia ərizəsini və ona əlavə edilmiş sənədləri nəzərdən keçirərək, M Ü Ə Y Y Ə N E T D İ M: İddiaçı Bank Olmayan Kredit X1 Cəmiyyəti cavabdehlər Cavabdeh1 və X2 qarşı pul tələbinə dair iddia ərizəsi ilə məhkəməyə müraciət edərək iddia tələbinin təmin edilməsi barədə qətnamə çıxarılmasını xahiş etmişdir. İddia ərizəsinə əlavə edilmiş 02 sentyabr 2024-cü il tarixli etibarnaməyə əsasən Cavabdeh1 İddiaçı Bank Olmayan Kredit X1 Cəmiyyətinin nümayəndəsi olmaq səlahiyyəti verilmişdir. Lakin hazırki iş üzrə nümayəndə tərəfindən verilən kiçik mübahisələr üzrə iddia ərizəsində Cavabdeh1 cavabdeh kimi qeyd edilmiş və iddia ərizəsi həmin şəxs tərəfindən cavabdeh statusu ilə imzalanmaqla yanlışlığa yol verilmiş, beləliklə ərizənin forması və məzmunu ilə bağlı tələblər pozulmuşdur. Azərbaycan Respublkası Mülki-Prosessual Məcəlləsinin 284-3.2.2-ci maddəsinə əsasən iddiaçının, onun nümayəndəsinin (əgər ərizəni nümayəndə verirsə), cavabdehin soyadı, adı, atasının adı, yaşayış yeri (həm faktiki, həm də rəsmi qeydə alındığı ünvanı), olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, həmin şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) kiçik mübahisələr üzrə iddia ərizəsinin forması və məzmunu üzrə tələb olunan məlumatlardandır. Mülki-Prosessual Məcəllənin 284-3.5ci maddəsinə əsasən ərizənin bu Məcəllənin 284-3.1-ci və 284-3.2-ci maddələri ilə müəyyən olunmuş formasına və məzmununa riayət edilmədikdə, yaxud bu Məcəllənin 152.1.2-152.1.9-cu maddələrində müəyyən edilmiş əsaslar olduqda hakim iddia ərizəsini və ona əlavə olunmuş sənədləri geri qaytarır. Ərizənin qaytarılması həmin nöqsanlar aradan qaldırıldıqdan sonra kiçik iddialar üzrə sadələşdirilmiş icraat qaydasında yenidən məhkəməyə müraciət etməyə mane olmur. Odur ki, iddia ərizəsi və ona əlavə edilmiş sənədlər geri qaytarılmalıdır. Məhkəmə yuxarıda göstərilənlərə əsasən və Azərbaycan Respublikası Mülki- Prosessual Məcəlləsinin 284-1-294-3-cü maddələrini rəhbər tutaraq, Q Ə R A R A A L D İ M: İddiaçı Bank Olmayan Kredit X1 Cəmiyəti Cavabdeh2 qarşı pul tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan rəsmi qaydada təqdim edildikdən sonra 10 (on) gün müddətində Tovuz Rayon Məhkəməsinə şikayət verilə bilər. Hakim Süleyman Hacıyev