Göygöl Rayon Məhkəməsi Qətnamə — İş №e-2(066)-1463/2024

Azərbaycan Respublikası adından QƏTNAMƏ Göygöl rayonu İş № e-2(066)-1463/2024 09.12.2024 GÖYGÖL RAYON MƏHKƏMƏSİ Hakim Məmmədov Mübariz İsfəndiyar oğlu, iddiaçı BOKT "xxxx" QSC-nin Cavabdeh qarşı “borcun tutulması” tələbinə dair kiçik iddia üzrə sadələşmiş icraat qaydasında ərizəsi üzrə mülki işə məhkəmənin inzibati binasında, məhkəmə iclasından kənar baxaraq, müəyyən etdim: İddiaçı BOKT "xxxx" QSC-nin Cavabdeh qarşı “borcun tutulması” tələbinə dair kiçik iddia üzrə sadələşmiş icraat qaydasında ərizə ilə məhkəməyə müraciət edərək, Cavabdeh 2415 (İiki min dörd yüz on beş) manat, 06 (altı) qəpik əsas, 760 (yeddi yüz altmış) manat, 88 (səksən səkkiz) qəpik faiz, 362 (üç yüz altmış iki) manat, 26 (iyirmi altı) qəpik olmaqla, cəmi 3538 (üç min beş yüz otuz səkkiz) manat, 20 (iyirmi) qəpik kredit borcunun və ödənilmiş 55 (əlli beş) manat, 78 (yetmiş səkkiz) qəpik dövlət rüsumunun alınaraq BOKT "xxxx" QSC-nin xeyrinə ödənilməsi barədə qətnamə çıxarılmasını xahiş etmişdir. İddia tələbi bununla əsaslandırılmışdır ki, iddiaçı BOKT "xxxx" QSC ilə Cavabdeh arasında bağlanmış 07 iyun 2023-cü il tarixli 805-AYM-0281-23 saylı kredit müqaviləsinə əsasən ona 12 ay müddətində azalan balansla illik 32% maraq faizi tətbiq etməklə 3100 (üç min bir yüz) manat məbləğində kredit verilmişdir. Eyni zamanda kredit müqaviləsindən irəli gələn öhdəliyin icrasının təmini üsulu olaraq X3 ilə təşkilat arasında bağlanmış eyni tarixli və nömrəli zaminlik müqaviləsinə əsasən zamin kredit alanın öhdəliklərinin tam həcmdə yerinə yetirilməsinə görə məsuliyyəti tam olaraq öz üzərinə götürmüşdür. Tərəflər arasında yaranmış mübahisənin məhkəmədənkənar qaydada həll edilməsi barədə danışıqlar aparılmış, lakin bu danışıqlar (pretenziya qaydasında həll olunma) heç bir fayda verməmişdir. Kreditor BOKT "xxxx" QSC öz tələbinin kredit müqaviləsinin 4-cü bəndinə uyğun olaraq mübahisənin məhkəmə qaydasında həll edilməsi üçün həmin ərizə ilə məhkəməyə müraciət etmək hüququndan istifadə etmək qərarına gəlmişdir. Öhdəliyin yerinə yetirilməməsi nəticəsində borcluların kredit müqaviləsi üzrə BOKT "xxxx" QSC-nə 2415 (İiki min dörd yüz on beş) manat, 06 (altı) qəpik əsas, 760 (yeddi yüz altmış) manat, 88 (səksən səkkiz) qəpik faiz, 362 (üç yüz altmış iki) manat, 26 (iyirmi altı) qəpik olmaqla, cəmi 3538 (üç min beş yüz otuz səkkiz) manat, 20 (iyirmi) qəpik məbləğdə borcu yaranmışdır. Azərbaycan Respublikası Mülki Prosessual Məcəlləsinin 284-5-ci maddəsinə uyğun olaraq cavabdehlərə bildiriş və iddia ərizəsi ona əlavə edilmiş sənədlərlə birlikdə göndərilməklə, ona iddia tələbinə dair əsaslandırılmış etirazını, dəlillərini və sübutlarını təqdim etmək təklif olunsa da cavabdehdən iddiaya dair etiraz daxil olmamışdır. Məhkəmə iş üzrə sənədləri araşdıraraq hesab edir ki, iddia əsaslı olduğundan təmin edilməlidir. Belə ki, təqdim olunmuş sənədlərlə təsdiq olunur ki, iddiaçı BOKT "xxxx" QSC ilə Cavabdeh oğlu arasında bağlanmış 07 iyun 2023-cü il tarixli 805-AYM-0281-23 saylı kredit müqaviləsinə əsasən ona 12 ay müddətində azalan balansla illik 32% maraq faizi tətbiq etməklə 3100 (üç min bir yüz) manat məbləğində güzəştli krediti verməyi, borclu isə verilmiş krediti və ona hesablanan faizləri bu müqaviləyə əlavə edilmiş ödəniş cədvəli üzrə kreditora ödəməklə öhdəliyini tam şəkildə yerinə yetirməyi öz öhdəsinə götürmüşdür. Lakin cavabdeh Müqavilənin şərtlərini pozaraq ödəniş cədvəli üzrə dövri olaraq ödəməli olduğu kreditinin ödənilməsinə dair öhdəliyi vaxtında və lazımi qaydada icra etməmişdir. Cavabdehlərə borc məbləğinin ödənilməsi barədə şifahi və rəsmi qaydada xəbərdarlıq edilməsinə baxmayaraq, onlar müxtəlif bəhanələrlə kredit borcunu ödəməkdən imtina etmişlər. Odur ki, BOKT "xxxx" QSC öz tələbinin məhkəmə yolu ilə həll edilməsi üçün, ərizə ilə məhkəməyə müraciət etməli olmuşdur. Öhdəliyin yerinə yetirilməməsi nəticəsində cavabdehin BOKT "xxxx" QSC-yə 28 oktyabr 2024-cü il tarixə 2415 (İiki min dörd yüz on beş) manat, 06 (altı) qəpik əsas, 760 (yeddi yüz altmış) manat, 88 (səksən səkkiz) qəpik faiz, 362 (üç yüz altmış iki) manat, 26 (iyirmi altı) qəpik olmaqla, cəmi 3538 (üç min beş yüz otuz səkkiz) manat, 20 (iyirmi) qəpik borcu yaranmışdır. xx.xx.2024-cü il tarixli maliyyə arayışından görünür ki, 28 oktyabr 2024-cü il tarixinə kredit müqaviləsi üzrə Cavabdeh BOKT "xxxx" QSC-yə 2415 (İiki min dörd yüz on beş) manat, 06 (altı) qəpik əsas, 760 (yeddi yüz altmış) manat, 88 (səksən səkkiz) qəpik faiz, 362 (üç yüz altmış iki) manat, 26 (iyirmi altı) qəpik olmaqla, cəmi 3538 (üç min beş yüz otuz səkkiz) manat, 20 (iyirmi) qəpik borcu yaranmışdır. İş materiallarında olan xx.xx.2024-cü il tarixli son xəbərdarlıqdan görünür ki, borclu Cavabdeh 07 iyun 2023-cü il tarixli 805-AYM-0281-23 saylı kredit müqaviləsi üzrə borcun ödənilməsi barədə iddiaçı tərəfindən xəbərdarlıq edilmişdir. İşdə olan Göygöl rayon İHB-nın Hacıməlik qəsəbə İƏD-i üzrə nümayəndəliyinin məhkəməyə ünvanlanmış məktubundan görünür ki, vətəndaş Cavabdeh Göygöl rayon Hacıməlik qəsəbəsində qeydiyyatdadır və hal-hazırda Hacıməlik qəsəbəsində yaşayır. Vətəndaşa telefon vasitəsi ilə məlumat verilmiş və Göygöl rayon Məhkəməsi tərəfindən verilən bildiriş ilə tanış edilmişdir. Azərbaycan Respublikası Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Həmin Məcəllənin 442-ci maddəsinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 739.1-ci maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Həmin Məcəllənin 741-ci maddəsinə əsasən əgər müqavilənin iştirakçıları borcun faizlər ilə verilməsini şərtləşdirirlərsə, faizlər müvafiq surətdə bir ilin sonunda ödənilməli, borc bir il başa çatanadək qaytarılmalıdırsa, borcun qaytarılması ilə bir vaxtda ödənilməlidir. Həmin Məcəllənin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Göründüyü kimi cavabdehlər müqavilə üzrə öhdəliklərini lazımi qaydada icra etməmiş və bunun nəticəsində iddiaçıya borcu yaranmışdır. Cavabdehlər əsas və faiz borcunu vaxtında ödəməmiş, bununla da iddiaçının gecikdirilmiş məbləğə görə müqavilənin şərtlərinə uyğun olaraq cərimə (dəbbə pulu) tələb etmək hüququ yaranmışdır. İddiaçının iddia tələbi əsaslı olduğundan təmin edilməlidir. Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq, işdə iştirak edən şəxslərə aid edilməlidir. İddia tam təmin edildiyindən iddiaçı tərəfindən ödənilmiş 55,78 manat məbləğində dövlət rüsumunun əvəzi cavabdehdən müştərək qaydada alınaraq iddiaçıya ödənilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-5, 284-6, 357-360-cı maddələrini rəhbər tutaraq qətetdi: İddia təmin edilsin. Cavabdehlər Cavabdeh 2415 (İiki min dörd yüz on beş) manat, 06 (altı) qəpik əsas, 760 (yeddi yüz altmış) manat, 88 (səksən səkkiz) qəpik faiz, 362 (üç yüz altmış iki) manat, 26 (iyirmi altı) qəpik cərimə olmaqla, cəmi 3538 (üç min beş yüz otuz səkkiz) manat, 20 (iyirmi) qəpik borc məbləği və məhkəmə xərci olaraq 55 (əlli beş) manat, 78 (yetmiş səkkiz) qəpik dövlət rüsumu tutularaq iddiaçı BOKT "xxxx" QSC-nin xeyrinə ödənilsin. Qətnаmənin surəti rəsmi qaydada verildiyi gündən 1 (bir) аy müddətində “Elektron məhkəmə” informasiya sistemində yaradılmış elektron kabinetə yerləşdirməklə Göygöl Rаyоn Məhkəməsi vаsitəsilə Gəncə Аpellyаsiyа Məhkəməsinə аpellyаsiyа şikаyəti verilə bilər. Həmin müddətdə şikayət verilməzsə qətnamə qəbul edildiyi gündən bir ay keçdikdən sonra qanuni qüvvəyə minir. Sədrlik edən: Mübariz Məmmədov. İş № 2(066)-1463/2024 Birinci instansiya məhkəməsində məhkəmə iclasından kənar ayrıca prosessual hərəkətin aparılması barədə PROTOKOL xx.xx.2024-cü il Göygöl şəhəri Göygöl Rayon Məhkəməsinin hakimi X1 tərəfindən iddiaçı BOKT "xxxx" QSC -nin cavabdehlər Cavabdeh qarşı “borcun tutulması” tələbinə dair kiçik iddia üzrə sadələşmiş qaydada iddia ərizəsi üzrə mülki işə məhkəmənin inzibati binasında, iş üzrə tərəflərin iştirakı olmadan məhkəmə iclasından kənar baxılır, Prosessual hərəkət saat 09:00-da başladım. İşə baxan hakim olaraq iddia ərizəsini və ona əlavə olunmuş sənədləri yoxlayaraq iddia ərizənin təmin edilməsi barədə qətnamə qəbul etdim. Prosessual hərəkət saat 09:05-də başa çatdırdım. Hakim: Mübariz Məmmədov.