Göygöl Rayon Məhkəməsi Qətnamə — İş №e-2(066)-1514/2024

Azərbaycan Respublikası adından QƏTNAMƏ Göygöl rayonu İş № e-2(066)-1514/2024 23.12.2024 GÖYGÖL RAYON MƏHKƏMƏSİ Göygöl Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Qurbanov Sənan Vüsal oğlunun katibliyi ilə, İddiaçı "xxxx" X1 Səhmdar Cəmiyyətinin Cavabdeh qarşı «kreditin, kredit faizinin və cərimənin ödənilməsi tələbi barədə» mülki işə Göygöl Rayon Məhkəməsinin binasında, açıq məhkəmə iclasında baxaraq, məhkəmə MÜƏYYƏN ETDİ: İddiaçı "xxxx" X1 Səhmdar Cəmiyyətinin Cavabdeh qarşı «kreditin, kredit faizinin və cərimənin ödənilməsi tələbi barədə» iddia verərək, cavabdehdən iddiaçının xeyrinə 4500 manat əsas, 892,44 manat faiz borcu və 265,46 manat cərimə olmaqla cəmi 5657,90 manat borcun və dövlət rüsumu olaraq ödənilmiş 76,58 manat məbləğində vəsaitin tutulması barədə qətnamə çıxarılmasını xahiş etmişdir. İddiaçı "xxxx" X1 Səhmdar Cəmiyyətinin məhkəməyə ərizə ilə müraciət edərək məhkəmə iclasına üzürlü səbəbdən gələ bilməməsini və mülki işə onun iştirakı olmadan baxılmasını və iddianın təmin edilməsi barədə qətnamə çıxarılmasını xahiş etmişdir. Məhkəmə mülki işə iddiaçı Bank Olmayan Kredit Təşkilatı "xxxx" X1 Səhmdar Cəmiyyətinin nümayəndəsinin iştirakı olmadan baxmağı mümkün hesab edir. İddiaçı "xxxx" X1 Səhmdar Cəmiyyətinin səlahiyyətli nümayəndəsi Nümayəndə imzaladığı iddia ərizəsindən məlum olur ki, iddiaçı "xxxx" X1 Səhmdar Cəmiyyətinin 28 dekabr 2021-ci il tarixli, 01U/21 saylı bank xitmətlərinə dair ümumi ofertası əsasında bağlanmış 17 yanvar 2023-cü il tarixli 118sKPZb/23 nömrəli kredit müqaviləsinə əsasən Cavabdeh istehlak məqsədləri üçün 17 yanvar 2023-cü il tarixdən 17 dekabr 2025-ci il tarixə kimi, illik 28% ödəmək şərtilə 4500 (dörd min beş yüz) manat məbləğində kredit verilmişdir. Cavabdeh 17 yanvar 2023-cü il tarixdə ərizə-anket imzalamaqla, "xxxx" X1 Səhmdar Cəmiyyətinin ümumi ofertası ilə tanış olmasını şərtlərlə razı olmasını həmin kreditdən məqsədli təyinata uyğun istifadə etməyi və müəyyən olunmuş müddətdə onu faizi ilə birlikdə iddiaçıya qaytarmağı öhdəsinə götürmüşdür. Lakin, cavabdeh müqavilə şərtlərini pozaraq dövri olaraq ödəməli olduğu kreditinin ödənilməsinə dair öhdəliyi vaxtında və lazımi qaydada icra etməmişdir. Həticədə Cavabdeh 18 iyul 2024-cü il tarixə 4500 manat əsas, 892,44 manat faiz borcu və 265,46 manat cərimə olmaqla cəmi 5657,90 manat borcu yaranmışdır. Borcunu ödəməsi barədə ona bildiriş göndərməsinə baxmayarq o, borcunu ödəməmişdir. Ona görə də iddianın təmin edilməsi barədə qətnamə çıxarılmasını xahiş etmişdir. Məhkəmə ºış iclasında iştirak edən Cavabdeh iddianı qismən qəbul etdi və göstərdi ki, iddiaçı "xxxx" X1 Səhmdar Cəmiyyətindən götürdüyü krediti maddi imkanı olmadığına görə ödəyə bilməmişdir. Ona görə də iddianın qqismən təmin edilməsi barədə qətnamə çıxarılmasını xahiş etdi. Məhkəmə Cavabdeh izahatını dinləyib, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işin materiallarına əlavə edilmiş ödəniş tapşırığından görünür ki, iddiaçı "xxxx" ASC-nin adından məhkəməyə müraciət edilməsi üçün dövlət büdcəsinə 76,58 manat dövlət rüsumu ödənilmişdir. İş materiallarına əlavə olunmuş Cavabdeh tərəfindən imzalanmış oğlu 17 yanvar 2023-cü il tarixdə ərizə-anketdən (aspekt) görünür ki, Cavabdeh "xxxx" X1 Səhmdar Cəmiyyətinin 28 dekabr 2021-ci il tarixli, 01U/21 saylı ümumi ofertası ilə tanış olmasını şərtlərlə razı olmasını həmin kreditdən məqsədli təyinata uyğun istifadə etməyi və müəyyən olunmuş müddətdə onu faizi ilə birlikdə iddiaçıya qaytarmağı öhdəsinə götürmüşdür. İş materiallarına əlavə olunmuş "xxxx" X1 Səhmdar Aidiyyəti Məhkəmə orqanına olan sənəddən məlum olur ki, 17 yanvar 2023-cü il tarixdə ərizə-anketə və 28 dekabr 2021-ci tarixli ümumi ofertaya əsasən bağlanmış 118sKPZb/23 nömrəl kredit xətti müqaviləsi üzrə Cavabdeh kart vasitəsi ilə 17 dekabr 2025-ci tarixə kimi müddətə, illik 28% ödəmək şərtilə 4500 (dörd min beş yüz) manat məbləğində kredit verilmişdir. Cavabdeh kart təqdim edilmişdir. İş materiallarına əlavə olunmuş 24 oktyabr 2024-cü il tarixli arayışından görünür ki, Cavabdeh 17 yanvar 2023-cü il tarixli 118sKPZb/23 nömrəl kredit müqaviləsi üzrə 18 iyul 2024-cü il tarixə 4500 manat əsas, 892,44 manat faiz borcu və 265,46 manat cərimə olmaqla cəmi 5657,90 manat borcu vardır. İş materiallarına əlavə olunmuş bildirişdən görünür ki, "xxxx" KB ASC ilə Cavabdehn arasında bağlanmış 17 yanvar 2023-cü il tarixli 118sKPZb/23 kredit müqaviləsinə əsasən cavabdehin üzərinə götürdüyü öhdəlikəri yerinə yetirmədiyi üçün sonuncunun Banka borcu yarandığı barədə bildirilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcllənin 448.1-ci maddəsinə görə əgər, bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. İddia tələbini təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, kredit müqaviləsi üzrə iddiaçının iddia etdiyi 265,46 manat manat məbləğində cərimə pulu azaldılaraq 50 (əlli) manat həddində müəyyən edilməlidir. Belə ki, Azərbaycan Respublikası Mülki Məcəlləsinin 462.1-ci maddəsinə əsasən dəbbə pulu müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Beləliklə, məhkəmədə tədqiq olunmuş sübutlarla müəyyən edilir ki, Cavabdeh ilə iddiaçı "xxxx" X1 Səhmdar Cəmiyyəti arasında 17 yanvar 2023-cü il tarixdə ərizə-anketə və 28 dekabr 2022-ci il tarixli, 01U/21 saylı ümumi ofertaya əsasən bağlanmış 118sKPZb/23 kredit xətti müqaviləsi üzrə Cavabdeh kart vasitəsi ilə 17 dekabr 2025-ci il müddətə, illik 28% ödəmək şərtilə 4500 (dörd min beş yüz) manat məbləğində kredit verilmişdir. Hazırda cavabdeh «Ödəniş cədvəli»-nə əsasən ödəməli olduğu kredit və hesablanmış faizləri banka ödəməkdən yayınır və beləliklə kredit müqaviləsinin tələblərini pozaraq üzərinə düşən öhdəliyi yerinə yetirmir. Azərbaycan Respublikası MPM-in 124.1-ci maddəsinə müvafiq olaraq işə baxılması iləəlaqədar məhkəmənin çəkdiyi xərclər və iddiaçının ödəməkdən azad edildiyi dövlət rüsumu, iddia tələblərinin təmin edilmiş hissəsinə mütənasib olaraq dövlət mədaxilinə cavabdehdən alınır. İddia qismən təmin olunduğu və dövlət rüsumu iddiaçı tərəfindən ödənildiyi üçün ödənilmiş dövlət rüsumuna görə 70 (yetmiş) manat, cavabdehdən iddiaçının xeyrinə tutulmalıdır. Azərbaycan Respublikası Mülki Prosessual Məcəlləsinin 14.2-ci maddəsinin tələbinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası Mülki Prosessual Məcəlləsinin 217.4-cü maddəsinin tələblərinə görə, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası MPM-nin 216-220-ci və 233-cü maddələrini rəhbər tuturaq, məhkəmə QƏT ETDİ: İddia qismən təmin edilsin. Cavabdeh 17 yanvar 2023-cü il tarixdə ərizə-anketə və 28 dekabr 2021-ci tarixli ümumi ofertaya əsasən bağlanmış 01U/21 saylı ümumi ofertaya kredit xətti müqaviləsi üzrə 4500 manat əsas, 892,44 manat faiz borcu və 50 manat cərimə olmaqla cəmi 5442 (beş min dörd yüz qırx iki) manat 44 (qırx dörd) qəpik borcun və ödənilmiş dövlət rüsumuna görə 70 (yetmiş) alınıb iddiaçı "xxxx" X1 Səhmdar Cəmiyyətinin xeyrinə ödənilsin. İddia qalan hissədə təmin edilməsin. Qətnamənin surəti rəsmi qaydada verildiyi gündən 1(bir) ay müddətində “Elektron məhkəmə” informasiya sistemində yaradılmış elektron kabinetə yerləşdirilməklə Göygöl Rayon Məhkəməsi vasitəsilə Gəncə Apellyasiya Məhkəməsinə şikayət verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir. Hakim: Mübariz Məmmədov.