Hacıqabul Rayon Məhkəməsi Qətnamə — İş №e-2(071)-811/2024

Azərbaycan Respublikası adından QƏTNAMƏ Hacıqabul rayonu İş № e-2(071)-811/2024 10.09.2024 HACIQABUL RAYON MƏHKƏMƏSİ Hakim Əkbərli Günel Bəkir qızının sədrliyi, Hacıyev Ceyhun Kamal oğlunun katibliyi, Cavabdeh iştirakı ilə, İddiaçı ASC-nin Cavabdeh qarşı “kredit müqaviləsi üzrə borcun tutulması” tələbinə dair mülki işə məhkəmənin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı ASC Cavabdeh qarşı “kredit müqaviləsi üzrə borcun tutulması” tələbinə dair iddia ərizəsi ilə xx.xx.2024-cü il tarixdə məhkəməyə müraciət edərək, Cavabdeh 13599,83 manat əsas, 801,75 manat faiz borcu olmaqla, ümumilikdə 14401,58 manat borc və ödənilmiş dövlət rüsumunun əvəzi olan 133,20 manat məbləğində pulun İddiaçı ASC-nin xeyrinə tutulması barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, İddiaçı ASC ilə Cavabdeh arasında bağlanmış xx.xx.2024-cü il tarixli, RGTK6353117B163 saylı kredit müqaviləsinə əsasən bank tərəfindən Cavabdeh illik 16 faiz dərəcəsi ilə 59 ay müddətinə 13599,83 manat məbləğində kredit verilmişdir. Kredit müqaviləsinin şərtlərinə əsasən borcalan öz üzərinə müəyyən olunmuş müddətdə kredit və ona hesablanacaq faizləri ödəmək barədə öhdəlik götürsə də, bu öhdəlikləri lazımi qaydada yerinə yetirmir. Cavabdehin xx.xx.2024-cü il tarixə İddiaçı ASC-yə 13599,83 manat əsas, 801,75 manat faiz borcu olmaqla, ümumilikdə 14401,58 borcu yaranmışdır. Bank tərəfindən dəfələrlə şifahi və yazılı xəbərdarlıq olunmasına, rəsmi bildirişin göndərilməsinə baxmayaraq cavabdeh tərəfindən borcun qaytarılması təmin edilməmişdir. İddiaçının nümayəndəsi Nümayəndə xx.xx.2024-cü il tarixdə ərizə ilə müraciət edərək iş üzrə xx.xx.2024-cü il tarixə təyin edilmiş məhkəmə iclasında iddiaya iddiaçı tərəfin iştirakı olmadan baxılmasını və iddianın təmin edilməsi barədə qətnamə qəbul edilməsini xahiş etmişdir. Məhkəmə iclasında iştirak edən Cavabdeh izahatında bildimişdir ki, o, iddianı qəbul edir. Borcunu hissə-hissə ödəməyə hazırdır. Məhkəmə iş materiallarını araşdırıb və sübutlara məcmu halda hüquqi qiymət verərək hesab edir ki, iddia tələbi təmin edilməlidir. Hacıqabul Rayon Məhkəməsi xx.xx.2024-cü il tarixində İddiaçı ASC-yə sorğu göndərərək, İddiaçı ASC ilə Cavabdeh arasında hazıradək bağlanmış müqavilələr və müqavilələrdə qeyd edilən faiz dərəcələri barədə məlumatların göndərilməsini xahiş etmişdir. Hacıqabul Rayon Məhkəməsinin xx.xx.2024-cü il tarixli sorğusuna cavab olaraq İddiaçı ASC tərəfindən cavab olaraq bildirilmişdir ki, İddiaçı ASC ilə Cavabdeh arasında bağlanmış xx.xx.2021-cü il tarixli, GTKR3970978A125 saylı kredit müqaviləsinə əsasən ona 24.71 faiz dərəcəsi ilə 17.600 AZN məbləğində kredit verilmişdir. Sonradan müştərinin krediti üzrə ödənişlərlə bağlı gecikmələri yarandığından müştərinin xahişi ilə kredit restrukzasiya olunmuşdur: 1-ci dəfə kredit restruktrizasiya edilmiş, müştəriyə faizin dərəcəsi ilə bağlı müəyyən qədər güzəşt edilərək İddiaçı ASC-i ilə Cavabdeh arasında müqavilə bağlanmış xx.xx.2022-cü il tarixli, RGTK5930305A163 saylı kredit müqaviləsinə əsasən ona 20 faiz dərəcəsi ilə 16.058,64 AZN məbləğində kredit rəsmiləşdirilmişdir, sonradan təkrarən kredit restruktrizasiya edilmiş, yenidən müştəriyə faizin dərəcəsi ilə bağlı müəyyən qədər güzəşt edilərək İddiaçı ASC ilə Cavabdeh arasında bağlanmış xx.xx.2023-cü il tarixli, RGTK3580514B163 saylı kredit müqaviləsinə əsasən ona 16 faiz dərəcəsi ilə 14.222,91 AZN məbləğində kredit rəsmiləşdirilmişdir, sonuncu dəfə yenidən müştərinin müraciətinə əsasən kredit restruktrizasiya edilmiş, İddiaçı ASC ilə Cavabdeh arasında bağlanmış xx.xx.2024-cü il tarixli, RGTK6353117B163 saylı kredit müqaviləsinə əsasən ona 16 faiz dərəcəsi ilə 13599,83 AZN məbləğində kredit rəsmiləşdirilmişdir. Bildirilmişdir ki, hazırkı iddia üzrə olan xx.xx.2024-cü il tarixli, RGTK6353117B163 saylı kredit müqaviləsindən başqa digər kreditlər restruktrizasiya edildiyindən bağlanmışdır, həmin kreditlər aktiv deyildir. Belə ki, iş materiallarına əlavə edilmiş İddiaçı ASC ilə Cavabdeh arasında bağlanmış xx.xx.2024-cü il tarixli, RGTK6353117B163 saylı kredit müqaviləsinə əsasən bank – İddiaçı ASC tərəfindən müştəriyə – Cavabdeh 59 ay müddətinə illik 16% dərəcəsi ilə 13.599,83 manat məbləğində kredit verməyi, müştəri isə həmin krediti təyinatına uyğun istifadə etməklə yaranmış borcu müqavilə ilə müəyyən edilmiş qaydada ödəməyi öhdəsinə götürmüşdür. İş materiallarına əlavə edilmiş İddiaçı ASC tərəfindən tərtib edilmiş xx.xx.2024-cü il tarixli maliyyə arayışına əsasən müəyyən edilir ki, İddiaçı ASC ilə Cavabdeh arasında bağlanmış xx.xx.2024-cü il tarixli, RGTK6353117B163 saylı kredit müqaviləsi üzrə Cavabdeh 13599,83 manat əsas, 801,75 manat faiz borcu olmaqla, ümumilikdə 14401,58 manat məbləğində borcu vardır. Azərbaycan Respublikası Mülki Məcəlləsinin 739.1-ci maddəsinə əsasən, borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Həmin Məcəllənin 739.2-ci maddəsinə əsasən, borc müqaviləsinin predmeti hər hansı pul məbləği olduqda o kredit müqaviləsi adlandırılır. Həmin Məcəllənin 741-ci maddəsinə əsasən, əgər müqavilənin iştirakçıları borcun faizlər ilə verilməsini şərtləşdirirlərsə, faizlər müvafiq surətdə bir ilin sonunda ödənilməli, borc bir il başa çatanadək qaytarılmalıdırsa, borcun qaytarılması ilə bir vaxtda ödənilməlidir. İş materialları ilə sübut olunur ki, tərəflər arasında kredit müqaviləsi bağlanmaqla müqavilədən irəli gələn öhdəliklər yaranmışdır. İddiaçı müqavilə üzrə üzərinə götürdüyü öhdəliyini icra etmiş, lakin borclu müqavilə üzrə bankın müəyyən etdiyi ödəniş cədvəlinə uyğun olaraq əsas və faiz borcunu vaxtı-vaxtında lazımınca ödəməmiş, öhdəliyin icrasını gecikdirmişdir. Məhkəmə qeyd edir ki, iddia tələbi təmin olunduğundan, ödənilmiş 133,20 manat dövlət rüsumunun əvəzi cavabdehən iddiaçının xeyrinə tutulmalıdır. Azərbaycan Respublikası Mülki Prosessual Məcəlləsinin 119.1-ci maddəsinə görə, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Beləliklə, məhkəmə hesab edir ki, iddia tələbi əsaslı olduğundan təmin edilməli, Cavabdeh 13599,83 manat əsas, 801,75 manat faiz borcu olmaqla, ümumilikdə 14401,58 manat və ödənilmiş dövlət rüsumunun əvəzi olan 133,20 manat məbləğində pul İddiaçı ASC-nin xeyrinə tutulmalıdır. Yuxarıda göstərilənlərə əsasən və Mülki Prosessual Məcəllənin 119.1-ci, 216-220-ci və 360-cı maddələrini rəhbər tutaraq, məhkəmə QƏTETDİ: İddia təmin edilsin. Cavabdeh İddiaçı ASC-nin xeyrinə 13599,83 manat əsas, 801,75 manat faiz borcu olmaqla, ümumilikdə 14401,58 (on dörd min dörd yüz bir manat əlli səkkiz qəpik) manat borc və ödənilmiş dövlət rüsumunun əvəzi olan 133,20 (yüz otuz üç manat iyirmi qəpik) manat məbləğində pul tutulsun. Qətnamədən, qətnamə işdə iştirak edən şəxslərə rəsmi qaydada verildiyi gündən bir ay müddətində “Elektron məhkəmə” informasiya sistemində yaradılan elektron kabinetdən Hacıqabul Rayon Məhkəməsi vasitəsilə Şirvan Apelyasiya Məhkəməsinin Mülki Kollegiyasına apelyasiya şikayəti verilə bilər. Sədrlik edən: Günel Əkbərli