Cəbrayıl Rayon Məhkəməsi Qətnamə — İş №e-2(072)-790/2024

Azərbaycan Respublikası adından QƏTNAMƏ Biləsuvar rayonu İş № e-2(072)-790/2024 28.12.2024 CƏBRAYIL RAYON MƏHKƏMƏSİ Hakim: Nüsrətov Tərlan Vaqif oğlunun sədrliyi, Məhkəmə iclasının katibi: Əliyev Asəf Seyfəddin oğlunun katibliyi ilə, İddiaçı ASC-nin Cavabdeh qarşı “kredit borcunun ödənilməsi” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı ASC Cavabdeh qarşı “kredit borcunun ödənilməsi” tələbinə dair iddia ərizəsi ilə məhkəməyə müraciət etmişdir. İddia ərizəsi onunla əsaslandırılmışdır ki, İddiaçı ASC ilə Cavabdeh arasında elektron qaydada bağlanmış GTKR8593727A299 saylı, 10 dekabr 2022-ci il tarixli kredit xətti müqaviləsinə əsasən bank tərəfindən cavabdehə illik 25 (iyirmi beş) % dərəcəsi tətbiq edilməklə, 59 (əlli doqquz) ay müddətinə 4740 (dörd min yeddi yüz qırx) AZN məbləğində kredit verilmişdir. Bundan başqa, İddiaçı ASC ilə Cavabdeh arasında elektron qaydada bağlanmış BRCB3399271B299 saylı, 03 sentyabr 2023-cü il tarixli kredit müqaviləsinə əsasən bank tərəfindən cavabdehə illik 27 (iyirmi yeddi) % dərəcəsi tətbiq edilməklə, 59 (əlli doqquz) ay müddətinə 1200 (min iki yüz) AZN məbləğində kredit verilmişdir. Kredit müqavilələrinin şərtlərinə əsasən Cavabdeh hər ay vaxtı-vaxtında əsas kredit borcunu və kreditdən istifadəyə görə hesablanmış faiz borcunu bankın xeyrinə ödəməyi öz üzərinə öhdəlik götürmüşdür. Lakin Cavabdeh kredit müqaviləsinə əsasən bank qarşısında olan öhdəliklərini tam icra etməmişdir. Kredit müqaviləsinə əsasən bank qarşısında öhdəliklərini tam icra etməyən Cavabdeh banka olan kredit borcu barədə bir neçə dəfə şifahi və yazılı formada xəbərdarlıq edilməsinə baxmayaraq, öhdəliklərini tam icra etməmişdir. Halhazırda bank qarşısında olan öhdəliklərini tam icra etməyən Cavabdeh 21 oktyabr 2024cü il tarixə banka GTKR8593727A299 saylı, 10 dekabr 2022-ci il tarixli kredit xətti müqaviləsinə əsasən 3960.69 (üç min doqquz yüz altmış, altmış doqquz) AZN məbləğində əsas kredit borcu, 534.46 (beş yüz otuz dörd, qırx altı) AZN məbləğində faiz borcu, BRCB3399271B299 saylı, 03 sentyabr 2023-cü il tarixli kredit müqaviləsinə əsasən 712.37 (yeddi yüz on iki, otuz yeddi) AZN məbləğində əsas kredit borcu, 146.65 (yüz qırx altı, altmış beş) AZN məbləğində faiz borcu, ümumilikdə 5354.17 (beş min üç yüz əlli dörd, on yeddi) AZN məbləğində kredit borcu mövcuddur. Qeyd edilənlərə əsasən, Cavabdeh GTKR8593727A299 saylı, 10 dekabr 2022-ci il tarixli kredit xətti müqaviləsinə əsasən 3960.69 (üç min doqquz yüz altmış, altmış doqquz) AZN məbləğində əsas kredit borcunun, 534.46 (beş yüz otuz dörd, qırx altı) AZN məbləğində faiz borcunun, BRCB3399271B299 saylı, 03 sentyabr 2023-cü il tarixli kredit müqaviləsinə əsasən 712.37 (yeddi yüz on iki, otuz yeddi) AZN məbləğində əsas kredit borcunun, 146.65 (yüz qırx altı, altmış beş) AZN məbləğində faiz borcunun, ümumilikdə 5354.17 (beş min üç yüz əlli dörd, on yeddi) AZN məbləğində kredit borcunun və iddia qaldırılması üçün iddiaçı tərəfindən ödənilmiş 73.54 (yetmiş üç, əlli dörd) AZN məbləğində dövlət rüsumunun tutularaq, İddiaçı ASC-nin xeyrinə ödənilməsi barədə məhkəmə tərəfindən qətnamə qəbul edilməsi xahiş edilmişdir. Məhkəmə iclasının vaxtı və yeri haqqında İddiaçı ASC qabaqcadan lazımi qaydada xəbərdar edilməsinə baxmayaraq, iddiaçının nümayəndəsi məhkəmə iclasına gəlməmişdir. Belə ki, İddiaçı ASC-nin nümayəndəsi ərizə ilə məhkəməyə müraciət edərək, müəyyən üzrlü səbəblərə məhkəmə iclasında iştirak edə bilməyəcəyi barədə məhkəməyə məlumat vermiş, mülki işə onun iştirakı olmadan mahiyyəti üzrə baxılmasını və iddia tələbinin təmin edilməsi barədə məhkəmə tərəfindən qətnamə qəbul edilməsini xahiş etmişdir. Məhkəmə iclasının vaxtı və yeri haqqında Cavabdeh qabaqcadan lazımi qaydada xəbərdar edilməsinə baxmayaraq, məhkəmə iclasına gəlməmiş və gəlməməsinin səbəbi barədə məhkəməyə rəsmi məlumat verməmişdir. Azərbaycan Respublikasının Mülki Prosessual Məcəlləsinin 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəməyə gəlməməyinin səbəblərini üzrsüz hesab etdikdə, yaxud cavabdehin icraatı qəsdən yuvandırdığını aşkar etdikdə, işə baxmağa haqlıdır. Məhkəmə Azərbaycan Respublikasının Mülki Prosessual Məcəlləsinin 185-ci maddəsinə əsasən Cavabdeh, o cümlədən, İddiaçı ASC-nin nümayəndəsinin iştirakı olmadan mülki işə mahiyyəti üzrə baxılmasını məqsədə müvafiq hesab edir. Bununla yanaşı, məhkəmə qeyd edir ki, Cavabdeh iddia tələbinə qarşı etiraz və mülahizələrini məhkəməyə təqdim etməmişdir. Məhkəmə iş materiallarını tam, obyektiv və hərtərəfli araşdırıb və iş üzrə toplanmış sübutlara hüquqi qiymət verərək hesab edir ki, iddia tələbi əsaslı olduğu üçün təmin edilməlidir. İş materiallarında olan İddiaçı ASC ilə Cavabdeh arasında elektron qaydada bağlanmış GTKR8593727A299 saylı, 10 dekabr 2022-ci il tarixli kredit xətti müqaviləsinin surətindən görünür ki, bank tərəfindən Cavabdeh illik 25 (iyirmi beş) % dərəcəsi tətbiq edilməklə, 59 (əlli doqquz) ay müddətinə 4740 (dörd min yeddi yüz qırx) AZN məbləğində kredit verilmişdir. İş materillarında olan GTKR8593727A299 saylı, 10 dekabr 2022-ci il tarixli kredit xətti müqaviləsinə əlavənin, yəni ödəniş cədvəlinin surətindən görünür ki, Cavabdeh 4740 (dörd min yeddi yüz qırx) AZN məbləğində kredit borcunu illik 25 (iyirmi beş) % dərəcəsi tətbiq edilməklə, 59 (əlli doqquz) ay müddətinə hər ay vaxtı-vaxtında bankın xeyrinə ödəməlidir. İş materiallarında olan 10 dekabr 2022-ci il tarixli “kreditin hərəkət cədvəli haqqında” sistemdən çıxarışın surətindən görünür ki, İddiaçı ASC ilə Cavabdeh arasında elektron qaydada bağlanmış GTKR8593727A299 saylı, 10 dekabr 2022-ci il tarixli kredit müqaviləsinə əsasən bank tərəfindən Cavabdeh hesabına 4740 (dörd min yeddi yüz qırx) AZN məbləğində (kredit) pul vəsaiti köçürülmüş və “borcalan” tərəfindən kredit vəsaitindən istifadə edilmişdir. İş materiallarında olan İddiaçı ASC ilə Cavabdeh arasında elektron qaydada bağlanmış BRCB3399271B299 saylı, 03 sentyabr 2023-cü il tarixli kredit müqaviləsinin surətindən görünür ki, bank tərəfindən Cavabdeh illik 27 (iyirmi yeddi) % dərəcəsi tətbiq edilməklə, 59 (əlli doqquz) ay müddətinə 1200 (min iki yüz) AZN məbləğində kredit verilmişdir. İş materiallarında olan 03 sentyabr 2023-cü il tarixli “kredit sifarişi və aksepsiz silinməyə dair razılıq ərizəsi haqqında” və “kreditin hərəkət cədvəli haqqında” sistemdən çıxarışın surətindən görünür ki, İddiaçı ASC ilə Cavabdeh arasında elektron qaydada bağlanmış BRCB3399271B299 saylı, 03 sentyabr 2023-cü il tarixli kredit xətti müqaviləsinə əsasən bank tərəfindən Cavabdeh “Birkart” ödəniş kartı təqdim edilmiş, həmin kart hesabına illik 27 (iyirmi yeddi) % dərəcəsi tətbiq edilməklə, 59 (əlli doqquz) ay müddətinə 1200 (min iki yüz) AZN məbləğində (kredit) pul vəsaiti köçürülmüş və “borcalan” tərəfindən kredit vəsaitindən istifadə edilmişdir. İş materiallarında olan 15/00722 saylı, 30 oktyabr 2024-cü il tarixli maliyyə arayışının surətindən görünür ki, Cavabdeh 21 oktyabr 2024-cü il tarixə banka GTKR8593727A299 saylı, 10 dekabr 2022-ci il tarixli kredit xətti müqaviləsinə əsasən 3960.69 (üç min doqquz yüz altmış, altmış doqquz) AZN məbləğində əsas kredit borcu, 534.46 (beş yüz otuz dörd, qırx altı) AZN məbləğində faiz borcu, BRCB3399271B299 saylı, 03 sentyabr 2023-cü il tarixli kredit müqaviləsinə əsasən 712.37 (yeddi yüz on iki, otuz yeddi) AZN məbləğində əsas kredit borcu, 146.65 (yüz qırx altı, altmış beş) AZN məbləğində faiz borcu, ümumilikdə 5354.17 (beş min üç yüz əlli dörd, on yeddi) AZN məbləğində kredit borcu mövcuddur. İş materiallarında olan 8-846-16/MH25358 saylı, 07 oktyabr 2024-cü il tarixli bildirişin surətindən görünür ki, Cavabdeh İddiaçı ASC-yə olan kredit borcu barədə bank tərəfindən rəsmi xəbərdarlıq edilmişdir. İş materiallarında olan ********** saylı, 21 oktyabr 2024-cü il tarixli ödəniş qəbzinin surətindən görünür ki, İddiaçı ASC tərəfindən iddia qaldırılması üçün 73.54 (yetmiş üç, əlli dörd) AZN məbləğində dövlət rüsumu ödənilmişdir. Azərbaycan Respublikasının Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Həmin Məcəllənin 425.1-ci maddəsinə əsasən öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Həmin Məcəllənin 442-ci maddəsinə əsasən öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və ya xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 743.1-ci maddəsinə əsasən kredit müqaviləsinə görə borcverən pul vəsaitinə mülkiyyət hüququnu müqavilədə göstərilən məbləğdə və şərtlərlə borcalana verməyi, borcalan isə aldığı pul vəsaitini müqavilədə müəyyən edilmiş müddətə faizlərin və (və ya) müqavilədə göstərilən digər ödənişlərin ödənilməsi şərtilə borcverənə qaytarmağı öhdəsinə götürür. Kredit müqaviləsi üzrə borcverən yalnız normativ hüquqi aktlara uyğun olaraq kreditlərin verilməsi fəaliyyətinin həyata keçirilməsi hüququna malik şəxs ola bilər. Həmin Məcəllənin 746.1-ci maddəsinə əsasən istehlak krediti müqaviləsinə görə borcverən sahibkarlıq və ya peşə fəaliyyəti ilə bağlı olmayan məqsədlər üçün fiziki şəxs olan borcalana (bundan sonra – istehlakçı) pul vəsaitini borc verməyi, istehlakçı isə aldığı borcu faizlər və (və ya) müqavilədə göstərilən digər ödənişlərin ödənilməsi şərtilə müqavilə ilə müəyyən edilmiş qaydada və müddətdə qaytarmağı öhdəsinə götürür. Azərbaycan Respublikasının Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Həmin Məcəllənin 217.3-cü maddəsinə əsasən qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır. Beləliklə, məhkəmə toplanmış sübutların məcmusuna tam, obyektiv və hüquqi qiymət verərək, yuxarıda göstərilən qanunvericilik aktı normalarına əsasən hesab edir ki, İddiaçı ASC ilə Cavabdeh arasında elektron qaydada bağlanmış kredit müqavilələrinin şərtləri pozulduğu, yəni “borclu” tərəfindən müqavilə öhdəlikləri tam icra edilmədiyi üçün iddia təmin edilməli, Cavabdeh GTKR8593727A299 saylı, 10 dekabr 2022-ci il tarixli kredit xətti müqaviləsinə əsasən 3960.69 (üç min doqquz yüz altmış, altmış doqquz) AZN məbləğində əsas kredit borcu, 534.46 (beş yüz otuz dörd, qırx altı) AZN məbləğində faiz borcu, BRCB3399271B299 saylı, 03 sentyabr 2023-cü il tarixli kredit müqaviləsinə əsasən 712.37 (yeddi yüz on iki, otuz yeddi) AZN məbləğində əsas kredit borcu, 146.65 (yüz qırx altı, altmış beş) AZN məbləğində faiz borcu, ümumilikdə 5354.17 (beş min üç yüz əlli dörd, on yeddi) AZN məbləğində kredit borcu və iddia qaldırılması üçün ödənilmiş 73.54 (yetmiş üç, əlli dörd) AZN məbləğində dövlət rüsumu tutularaq, İddiaçı ASC-nin xeyrinə ödənilməlidir. Azərbaycan Respublikasının Mülki Prosessual Məcəlləsinin 218.3-cü maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 360-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh GTKR8593727A299 saylı, 10 dekabr 2022-ci il tarixli kredit xətti müqaviləsinə əsasən 3960.69 (üç min doqquz yüz altmış, altmış doqquz) AZN məbləğində əsas kredit borcu, 534.46 (beş yüz otuz dörd, qırx altı) AZN məbləğində faiz borcu, BRCB3399271B299 saylı, 03 sentyabr 2023-cü il tarixli kredit müqaviləsinə əsasən 712.37 (yeddi yüz on iki, otuz yeddi) AZN məbləğində əsas kredit borcu, 146.65 (yüz qırx altı, altmış beş) AZN məbləğində faiz borcu, ümumilikdə 5354.17 (beş min üç yüz əlli dörd, on yeddi) AZN məbləğində kredit borcu və iddia qaldırılması üçün ödənilmiş 73.54 (yetmiş üç, əlli dörd) AZN məbləğində dövlət rüsumu tutularaq, İddiaçı ASC-nin xeyrinə ödənilsin. Qətnamədən işdə iştirak edən şəxslərə rəsmi qaydada verildiyi gündən 1 (bir) ay müddətində Cəbrayıl Rayon Məhkəməsi vasitəsi ilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Tərlan Nüsrətov