Naxçıvan MR Naxçıvan Şəhər Məhkəməsi Qətnamə — İş №e-2(078)-1157/2023

Azərbaycan Respublikası adından QƏTNAMƏ Naxçıvan şəhəri İş № e-2(078)-1157/2023 12.09.2023 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, Bakı şəhəri, ünvan 1 ünvanında yerləşən İddiaçı Açıq Səhmdar Cəmiyyətinin Cavabdeh qarşı borcun tutulması tələbi barədə kiçik iddialara dair işlər üzrə iddia ərizəsini və ona əlavə olunmuş sənədləri nəzərdən keçirərək m ü ə y yə n e t d i m: İddiaçı Açıq Səhmdar Cəmiyyəti Cavabdeh qarşı iddia ərizəsi ilə məhkəməyə müraciət edərək, Cavabdeh İddiaçı ASC-nin xeyrinə GTGK4017886A122 saylı kredit müqaviləsinə əsasən 2753.91 AZN əsas, 536.85 AZN faiz, cəmi 3290.76 AZN, BRED4017887A122 saylı kredit kartına dair müqaviləyə əsasən 269.30 AZN əsas, 85.77 AZN faiz, cəmi 355.07 AZN pul vəsaitinin və 56.40 AZN dövlət rüsumunun tutulması barədə qətnamə çıxarılmasını xahiş etmişdir. İddiaçı Açıq Səhmdar Cəmiyyəti iddia ərizəsini onunla əsaslandırmışdır ki, İddiaçı ASC ilə Cavabdeh arasında GTGK4017886A122 saylı kredit müqaviləsi bağlandığını, həmin müqaviləyə əsasən ona 3270 AZN məbləğində kredit verildiyini, İddiaçı ASC ilə Cavabdeh arasında BRED4017887A122 saylı kredit müqaviləsi bağlandığını, həmin müqaviləyə əsasən ona 300 AZN məbləğində kredit verildiyini, kredit müqaviləsinin şərtlərinə əsasən cavabdehin öz üzərinə müəyyən olunmuş müddətdə kredit və ona hesablanacaq faizləri ödəmək barədə öhdəlik götürdüyünü, lakin bu öhdəliyi lazımi qaydada yerinə yetirmədiyini, banka olan borcunu tam qaytarmadığını, bank tərəflər arasında bağlanmış müqavilənin şərtlərinə əsasən üzərinə düşən öhdəlikləri tam yerinə yetirsə də, cavabdehin həmin müqavilə üzrə üzərinə düşən öhdəlikləri yerinə yetirmədiyini, nəticədə cavabdehin 27 iyul 2023-cü il tarixə İddiaçı ASC-yə GTGK4017886A122 saylı kredit müqaviləsinə əsasən 2753.91 AZN əsas, 536.85 AZN faiz, cəmi 3290.76 AZN, BRED4017887A122 saylı kredit kartına dair müqaviləyə əsasən 269.30 AZN əsas, 85.77 AZN faiz, cəmi 355.07 AZN borcunun yarandığını, bank tərəfindən dəfələrlə şifahi xəbərdarlıq olunmasına və rəsmi bildirişin göndərilməsinə baxmayaraq (pretenziya qaydasında həll olunma) borcun qaytarılmasının təmin edilmədiyini, bunları nəzərə alaraq, Cavabdeh İddiaçı ASC-nin xeyrinə GTGK4017886A122 saylı kredit müqaviləsinə əsasən 2753.91 AZN əsas, 536.85 AZN faiz, cəmi 3290.76 AZN, BRED4017887A122 saylı kredit kartına dair müqaviləyə əsasən 269.30 AZN əsas, 85.77 AZN faiz, cəmi 355.07 AZN pul vəsaitinin və 56.40 AZN dövlət rüsumunun tutulması barədə qətnamə çıxarılmasını xahiş etmişdir. İş materiallarına əlavə edilmiş: İddiaçı Açıq Səhmdar Cəmiyyəti (borcverən) ilə Cavabdeh (borcalan) arasında bağlanmış 09 avqust 2021-ci il tarixli, GTGK4017886A122 nömrəli Kredit Müqaviləsinə əsasən, kreditin məbləği 3270 (üç min iki yüz yetmiş) manat müəyyən olunur. Kreditin müddəti: 36 (otuz altı) ay. İllik faiz dərəcəsi: 27%. İddiaçı Açıq Səhmdar Cəmiyyəti (borcverən) ilə Cavabdeh (borcalan) arasında bağlanmış 09 avqust 2021-ci il tarixli, BRED4017887A122 nömrəli Kredit Müqaviləsinə əsasən, kredit xəttindən ilkin olaraq müştəri tərəfindən istifadə edilə biləcək məbləğ 300 manat müəyyən olunur. Kredit xəttinin illik faiz dərəcəsi: 25%. Kredit xəttindən son istifadə tarixi: 30 iyun 2024-cü il. Kredit üzrə faizlər ildə 360, ayda 30 təqvim günü götürülməklə kreditin müştəriyə verildiyi gündən faktiki qaytarıldığı günədək kreditdən istifadə edilmiş günlərin faktiki sayına görə gündəlik olaraq əsas borcun qalıq məbləğinə hesablanır. 27 iyul 2023-cü il tarixli maliyyə arayışına əsasən, Cavabdeh İddiaçı Açıq Səhmdar Cəmiyyətinə 27 iyul 2023-cü il tarixə GTGK4017886A122 saylı kredit müqaviləsinə əsasən 2753.91 AZN əsas, 536.85 AZN faiz, cəmi 3290.76 AZN, BRED4017887A122 saylı kredit kartına dair müqaviləyə əsasən 269.30 AZN əsas, 85.77 AZN faiz, cəmi 355.07 AZN borcu yaranmışdır. Məhkəmə sübutları obyektiv, qərəzsiz, qanuna uyğun olaraq araşdırıb aşağıdakı nəticəyə gəlir. Azərbaycan Respublikası Mülki Məcəlləsinin: 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. 443.1-ci maddəsinə əsasən, öhdəliyi icra etməyən borclu kreditora dəymiş zərərin əvəzini ödəməyə borcludur. 448.1-ci maddəsinə əsasən, əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki-Prosessual Məcəlləsinin: 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə 03 avqust 2023-cü il tarixdə daxil olmuş iddia ərizəsi üzrə 07 avqust 2023cü il tarixdə cavabdehə bildiriş göndərmişdir. Lakin cavabdeh 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. Azərbaycan Respublikası Mülki-Prosessual Məcəlləsinin: 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə hesab edir ki, təqdim edilmiş sənədlər iş üzrə yekun qərarın çıxarılması üçün kifayət etdiyindən, əlavə araşdırma aparılmasına zərurət yaranmadığından işə mahiyyəti üzrə baxılaraq qərar verilməlidir. İddia ərizəsini və ona əlavə olunmuş sənədləri nəzərdən keçirərək belə nəticəyə gəlirəm ki, iddia təmin edilməklə, Cavabdeh 09 avqust 2021-ci il tarixli, GTGK4017886A122 nömrəli Kredit Müqaviləsi üzrə 2753.91 (iki min yeddi yüz əlli üç manat doxsan bir qəpik) manat əsas borc və 536.85 (beş yüz otuz altı manat səksən beş qəpik) manat faiz borcu olmaqla, cəmi 3290.76 (üç min iki yüz doxsan manat yetmiş altı qəpik) manat məbləğində borc, 09 avqust 2021-ci il tarixli, BRED4017887A122 nömrəli Kredit Müqaviləsi üzrə 269.30 (iki yüz altmış doqquz manat otuz qəpik) manat əsas borc və 85.77 (səksən beş manat yetmiş yeddi qəpik) manat faiz borcu olmaqla, cəmi 355.07 (üç yüz əlli beş manat yeddi qəpik) manat məbləğində borc və 56.40 (əlli altı manat qırx qəpik) manat məbləğində dövlət rüsumunun əvəzi alınaraq, İddiaçı Açıq Səhmdar Cəmiyyətinin xeyrinə tutulmalıdır. Belə ki, cavabdeh 09 avqust 2021-ci il tarixli, GTGK4017886A122 nömrəli və 09 avqust 2021-ci il tarixli, BRED4017887A122 nömrəli Kredit Müqavilələrinin şərtlərini pozmuşdur. 27 iyul 2023-cü il tarixli maliyyə arayışına əsasən, Cavabdeh İddiaçı Açıq Səhmdar Cəmiyyətinə 27 iyul 2023-cü il tarixə GTGK4017886A122 saylı kredit müqaviləsinə əsasən 2753.91 AZN əsas, 536.85 AZN faiz, cəmi 3290.76 AZN, BRED4017887A122 saylı kredit kartına dair müqaviləyə əsasən 269.30 AZN əsas, 85.77 AZN faiz, cəmi 355.07 AZN borcu yaranmışdır. Azərbaycan Respublikası Mülki-Prosessual Məcəlləsinin: 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq, işdə iştirak edən şəxslərə aid edilir. 217.5-ci maddəsinə əsasən, bu Məcəllənin 10-1.3-cü maddəsində nəzərdə tutulmuş məhkəmə icraatında işə baxan məhkəmə öz qətnaməsini yalnız elektron məhkəmə icraatı materiallarına əlavə edilmiş və məhkəmə iclasında tədqiq olunmuş sübutlarla əsaslandırır. Məhkəmə yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 284-1, 284-5, 284-6, 358.0.3 və 360-cı maddələrini rəhbər tutaraq q ə t e t d i: İddia təmin edilsin. Cavabdeh 09 avqust 2021-ci il tarixli, GTGK4017886A122 nömrəli Kredit Müqaviləsi üzrə 2753.91 (iki min yeddi yüz əlli üç manat doxsan bir qəpik) manat əsas borc və 536.85 (beş yüz otuz altı manat səksən beş qəpik) manat faiz borcu olmaqla, cəmi 3290.76 (üç min iki yüz doxsan manat yetmiş altı qəpik) manat məbləğində borc, 09 avqust 2021-ci il tarixli, BRED4017887A122 nömrəli Kredit Müqaviləsi üzrə 269.30 (iki yüz altmış doqquz manat otuz qəpik) manat əsas borc və 85.77 (səksən beş manat yetmiş yeddi qəpik) manat faiz borcu olmaqla, cəmi 355.07 (üç yüz əlli beş manat yeddi qəpik) manat məbləğində borc və 56.40 (əlli altı manat qırx qəpik) manat məbləğində dövlət rüsumunun əvəzi alınaraq, İddiaçı Açıq Səhmdar Cəmiyyətinin xeyrinə tutulsun. Tərəflər qətnamədən rəsmi qaydada verildiyi gündən 1 ay müddətində Naxçıvan Şəhər Məhkəməsi vasitəsilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti verə bilərlər. Hakim Qabil Məmmədov.