Naxçıvan MR Naxçıvan Şəhər Məhkəməsi Qətnamə — İş №e-2(078)-768/2022

Azərbaycan Respublikası adından QƏTNAMƏ Naxçıvan şəhəri İş № e-2(078)-768/2022 09.08.2022 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, ünvan 1 ünvanında yerləşən iddiaçı "xxxx" Açıq Səhmdar Cəmiyyətinin cavabdehlər Cavabdeh2 və Cavabdeh1 qarşı kredit üzrə borcun qaytarılması tələbi barədə kiçik iddialara dair işlər üzrə iddia ərizəsini və iddia ərizəsinə əlavə olunmuş sənədləri nəzərdən keçirərək m ü ə y y ə n e t d i m: "xxxx" Açıq Səhmdar Cəmiyyəti Cavabdeh2 və Cavabdeh1 qarşı iddia ərizəsi ilə məhkəməyə müraciət edərək, cavabdehlər Cavabdeh2 və Cavabdeh1 05 dekabr 2019-cu il tarixli, İK0512/25 saylı güzəştli kredit müqaviləsinə əsasən 23 iyun 2022-ci il tarixə olan 2.04 (iki manat dörd qəpik) manat gecikdirilmiş faiz borcu, 68.21 (altmış səkkiz manat iyirmi bir qəpik) manat gecikdirilmiş əsas borc, 0.18 (on səkkiz qəpik) manat faiz borcu, 233.42 (iki yüz otuz üç manat qırx iki qəpik) manat əsas borc olmaqla, ümumilikdə 303.85 (üç yüz üç manat səksən beş qəpik) manat kredit borcunun və iddia ərizəsinin verilməsi üçün ödənilmiş 30 (otuz) manat dövlət rüsumunun cavabdehlərdən birgə qaydada tutularaq "xxxx" ASC-nin hesabına ödənilməsi barədə qətnamə çıxarılmasını xahiş etmişdir. "xxxx" Açıq Səhmdar Cəmiyyəti iddia ərizəsini onunla əsaslandırmışdır ki, "xxxx" Açıq Səhmdar Cəmiyyəti tərəfindən Cavabdeh2 şəxsi istehlak məqsədləri üçün tərəflər arasında bağlanmış 05 may 2015-ci il tarixli, İK0505/01 saylı kredit müqaviləsinə əsasən 12 ay müddətinə 1500 (min beş yüz) manat məbləğində illik 18% dərəcəsi ilə verilmiş istehlak kreditinin 370.67 (üç yüz yetmiş manat altmış yeddi qəpik) manat qalıq məbləğinin Azərbaycan Respublikası Prezidentinin 28 fevral 2019-cu il tarixli, 551 nömrəli Fərmanına əsasən illik 1% dərəcəsi ilə 1 (bir) il güzəşt müddəti verilməklə 5 (beş) il müddətinə 05 dekabr 2019-cu il tarixli, İK0512/25 saylı güzəştli kredit müqaviləsinə əsasən restrukturizasiya olunduğunu, verilmiş kredit üzrə öhdəliyin icrasının təminatı olaraq Cavabdeh1 zamin qismində iştirak etdiyi üçtərəfli 05 may 2015-ci il tarixli, ZM0505/01 saylı zaminlik müqaviləsi bağlandığını, borcalanın bank tərəfindən verilmiş kreditin müqavilə şərtləri ilə müəyyən edilmiş müddətdə və məbləğdə qaytarılmasını və ondan istifadəyə görə faizlərin ödənilməsini öhdəsinə götürməsinə baxmayaraq, bu öhdəliyi lazımınca icra etməyərək müqavilə şərtlərini pozduğunu, nəticədə 23 iyun 2022-ci il tarixə kredit restrukturizasiya olunduqdan sonra kredit reyestrində Cavabdeh2 adına 287 gecikmə gününün qeydə alındığını, bu səbəbdən tərəflərindən borcalanla dəfələrlə telefonla əlaqə saxlanıldığını, borcalana və zaminə xəbərdarlıq məktubları ünvanlanaraq borc məbləğinin dəqiq göstərilməklə borcun icrasının tələb edildiyini, Cavabdeh2 tərəflər arasında bağlanmış 05 dekabr 2019-cu il tarixli, İK0512/25 saylı güzəştli kredit müqaviləsinə əsasən 23 iyun 2022-ci il tarixə 2.04 (iki manat dörd qəpik) manat gecikdirilmiş faiz borcu, 68.21 (altmış səkkiz manat iyirmi bir qəpik) manat gecikdirilmiş əsas borc, 0.18 (on səkkiz qəpik) manat faiz borcu, 233.42 (iki yüz otuz üç manat qırx iki qəpik) manat əsas borc olmaqla, ümumilikdə 303.85 (üç yüz üç manat səksən beş qəpik) manat kredit borcu öhdəliyinin olduğunu, bunları nəzərə alaraq, cavabdehlər Cavabdeh2 və Cavabdeh1 05 dekabr 2019-cu il tarixli, İK0512/25 saylı kredit müqaviləsinə əsasən 23 iyun 2022-ci il tarixə olan 2.04 (iki manat dörd qəpik) manat gecikdirilmiş faiz borcu, 68.21 (altmış səkkiz manat iyirmi bir qəpik) manat gecikdirilmiş əsas borc, 0.18 (on səkkiz qəpik) manat faiz borcu, 233.42 (iki yüz otuz üç manat qırx iki qəpik) manat əsas borc olmaqla, ümumilikdə 303.85 (üç yüz üç manat səksən beş qəpik) manat kredit borcunun və iddia ərizəsinin verilməsi üçün ödənilmiş 30 (otuz) manat dövlət rüsumunun cavabdehlərdən birgə qaydada tutularaq "xxxx" ASC-nin hesabına ödənilməsi barədə qətnamə çıxarılmasını xahiş etmişdir. İş materiallarına əlavə edilmiş: "xxxx" Açıq Səhmdar Cəmiyyətinin Naxçıvan filialı (bank) ilə Cavabdeh2 (borcalan) arasında bağlanmış 05 may 2015-ci il tarixli, İK0505/01 nömrəli Kredit Müqaviləsinin 1.1-ci bəndinin tələbinə əsasən, bank borcalana şəxsi istehlak məqsədi üçün 12 ay müddətinə 1500 (min beş yüz) manat məbləğində illik 18% dərəcəsi ilə istehlak kreditinin verilməsini, borcalan isə bank tərəfindən verilmiş kreditin bu müqavilənin şərtləri ilə müəyyən edilmiş müddətdə və məbləğdə qaytarılmasını və ondan istifadəyə görə faizlərin ödənilməsini öz öhdəsinə götürür. "xxxx" Açıq Səhmdar Cəmiyyətinin Naxçıvan filialı (bank) ilə Cavabdeh2 (borcalan) və Cavabdeh1 (zamin) arasında bağlanmış 05 may 2015-ci il tarixli, 0505/01 nömrəli Zaminlik Müqaviləsinin 1-ci bəndinə əsasən, zamin borcalanın bank qarşısında götürdüyü öhdəlikləri yerinə yetirmədiyi halda kredit məbləğinin və ona hesablanmış faizlərin banka tam ödənilməsini öhdəsinə götürür. "xxxx" Açıq Səhmdar Cəmiyyətinin Naxçıvan filialı (bank) ilə Cavabdeh2 (borcalan) arasında bağlanmış 05 dekabr 2019-cu il tarixli, İK0512/25 nömrəli Güzəştli Kredit Müqaviləsinə əsasən, bank borcalana şəxsi istehlak məqsədi üçün 12 ay müddətinə 1500 (min beş yüz) manat məbləğində illik 18% dərəcəsi ilə verilmiş istehlak kreditinin 370.67 (üç yüz yetmiş manat altmış yeddi qəpik) manat qalıq məbləğinin Azərbaycan Respublikası Prezidentinin 28 fevral 2019-cu il tarixli, 551 nömrəli Fərmanına əsasən illik 1% dərəcəsi ilə 1 (bir) il güzəşt müddəti verilməklə 5 (beş) il müddətinə restrukturizasiya olunmasını, borcalan isə bank tərəfindən restrukturizasiya olunmuş kreditin bu müqavilənin şərtləri ilə müəyyən edilmiş müddətdə və məbləğdə qaytarılmasını və ondan istifadəyə görə faizlərin ödənilməsini öz öhdəsinə götürür. 188 nömrəli, 23 iyun 2022-ci il tarixli arayışa əsasən, Cavabdeh2 "xxxx" Açıq Səhmdar Cəmiyyətinə 23 iyun 2022-ci il tarixə borcu aşağıdakı kimidir: Gecikdirilmiş faiz borcu: 2.04 (iki manat dörd qəpik) manat; Gecikdirilmiş əsas borc: 68.21 (altmış səkkiz manat iyirmi bir qəpik) manat; Faiz borcu: 0.18 (on səkkiz qəpik) manat; Əsas borc: 233.42 (iki yüz otuz üç manat qırx iki qəpik) manat; Cəmi öhdəlik: 303.85 (üç yüz üç manat səksən beş qəpik) manat. Məhkəmə sübutları obyektiv, qərəzsiz, qanunauyğun olaraq araşdırıb aşağıdakı nəticəyə gəlir. Azərbaycan Respublikası Mülki Məcəlləsinin: 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. 443.1-ci maddəsinə əsasən, öhdəliyi icra etməyən borclu kreditora dəymiş zərərin əvəzini ödəməyə borcludur. 448.1-ci maddəsinə əsasən, əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki-Prosessual Məcəlləsinin: 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə 30 iyun 2022-ci il tarixdə daxil olmuş iddia ərizəsi üzrə 01 iyul 2022-ci il tarixdə cavabdehlərə bildiriş göndərmişdir. Lakin cavabdehlər 10 iş günü müddətində iddiaya qarşı əsaslandırılmış etirazlarını və ona əlavə olunmuş sənədləri məhkəməyə göndərməmişlər. Azərbaycan Respublikası Mülki-Prosessual Məcəlləsinin: 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə hesab edir ki, təqdim edilmiş sənədlər iş üzrə yekun qərarın çıxarılması üçün kifayət etdiyindən, əlavə araşdırma aparılmasına zərurət yaranmadığından işə mahiyyəti üzrə baxılaraq qərar verilməlidir. İddia ərizəsini və ona əlavə olunmuş sənədləri nəzərdən keçirərək belə nəticəyə gəlirəm ki, iddia təmin edilməklə, cavabdehlər Cavabdeh2 və Cavabdeh1 2.04 (iki manat dörd qəpik) manat gecikdirilmiş faiz borcu, 68.21 (altmış səkkiz manat iyirmi bir qəpik) manat gecikdirilmiş əsas borc, 0.18 (on səkkiz qəpik) manat faiz borcu, 233.42 (iki yüz otuz üç manat qırx iki qəpik) manat əsas borc olmaqla, cəmi 303.85 (üç yüz üç manat səksən beş qəpik) manat məbləğində kredit borcu və ödənilmiş 30 (otuz) manat dövlət rüsumunun əvəzi iddiaçı "xxxx" Açıq Səhmdar Cəmiyyətinin xeyrinə tutulmalıdır. Belə ki, kredit müqaviləsindən görünür ki, borcverən "xxxx" Açıq Səhmdar Cəmiyyəti ilə borcalan Cavabdeh2 arasında kredit müqaviləsi bağlanmış, borcalan kredit müqaviləsindən irəli gələn, yəni krediti və ondan istifadəyə görə faizləri razılaşdırılmış müddətdə banka qaytarmamış, nəticədə öhdəliyi lazımınca icra etməmişdir. Ona görə də, iddia təmin edilməlidir. Azərbaycan Respublikası Mülki-Prosessual Məcəlləsinin: 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq, işdə iştirak edən şəxslərə aid edilir. 217.5-ci maddəsinə əsasən, bu Məcəllənin 10-1.3-cü maddəsində nəzərdə tutulmuş məhkəmə icraatında işə baxan məhkəmə öz qətnaməsini yalnız elektron məhkəmə icraatı materiallarına əlavə edilmiş və məhkəmə iclasında tədqiq olunmuş sübutlarla əsaslandırır. Məhkəmə yuxarıda göstərilənlərə əsasən və Azərbaycan Respublikası Mülki- Prosessual Məcəlləsinin 216-220, 284-1, 284-5, 284-6, 358.0.3 və 360-cı maddələrini rəhbər tutaraq q ə t e t d i: İddia təmin edilsin. Cavabdeh2 və Cavabdeh1 2.04 (iki manat dörd qəpik) manat gecikdirilmiş faiz borcu, 68.21 (altmış səkkiz manat iyirmi bir qəpik) manat gecikdirilmiş əsas borc, 0.18 (on səkkiz qəpik) manat faiz borcu, 233.42 (iki yüz otuz üç manat qırx iki qəpik) manat əsas borc olmaqla, cəmi 303.85 (üç yüz üç manat səksən beş qəpik) manat məbləğində kredit borcu və ödənilmiş 30 (otuz) manat dövlət rüsumunun əvəzi "xxxx" Açıq Səhmdar Cəmiyyətinin xeyrinə tutulsun. Tərəflər qətnamədən rəsmi qaydada verildiyi gündən 1 ay müddətində Naxçıvan Şəhər Məhkəməsi vasitəsilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti verə bilərlər. Hakim Qabil Məmmədov.