Naxçıvan MR Naxçıvan Şəhər Məhkəməsi Qərardad — İş №e-2(078)-775/2022

Azərbaycan Respublikası adından QƏRARDAD Naxçıvan şəhəri İş № e-2(078)-775/2022 06.07.2022 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Əliyeva Gülsüm Kamal qızı iddiaçı X1 Cəmiyyətinin cavabdehlər Cavabdeh1 və Cavabdeh2 qarşı kredit üzrə borcun qaytarılması tələbinə dair iddia ərizəsinə baxaraq, m ü ə y y ə n e t d i m: X1 Cəmiyyəti məhkəməyə müraciət edərək, cavabdehlər Cavabdeh1 və Cavabdeh2 04 dekabr 2019-ci il tarixli, İK0412/04 saylı kredit müqaviləsinə əsasən xx.xx.2022-ci il tarixə, 554.08 (beş yüz əlli dörd manat 08 qəpik) manat gecikdirilmiş faiz borcu, 1 397.72 (bir min üç yüz doxsan yeddi manat 72 qəpik) manat gecikdirilmiş əsas borc, 04.39 (dörd manat 39 qəpik) manat faiz borcu, 612.21 (üç min səkkiz yüz səksən beş manat 83 qəpik) manat əsas borc olmaqla, ümumilikdə 2 568.40 (iki min beş yüz altmış səkkiz manat 40 qəpik) manat kredit borcunun və iddia ərizənin verilməsi üçün ödənilmiş 45.68 (qırx beş manat 68 qəpik) manat dövlət rüsumunun cavabdehlərdən birgə qaydada tutularaq "xxxx" ASC-nin hesabına ödənilməsi barədə qətnamə qəbul edilməsini məhkəmədən xahiş etmişdir. İddiaçı X1 Cəmiyyətinin nümayəndəsi İddiaçı1 06 iyul 2022-ci il tarixdə ərizə göndərərək ərizəsində iddiaçı "xxxx" ASC-nin cavabdehlər Cavabdeh2 və Cavabdeh1 qarşı kredit üzrə borcun qaytarılması tələbinə dair ərizəsinin Naxçıvan Şəhər Məhkəməsində e- 2(078)-775/2022 saylı mülki iş üzrə baxılması üçün qəbul edildiyini qeyd edərək, iddia ərizəsində texniki səhvlik olduğundan Azərbaycan Respublikasının Mülki Prosessual Məcəlləsinin 152-ci maddəsinə müvafiq olaraq, iddia ərizəsinin və ona əlavə edilmiş sənədlərin geri qaytarılmasını xahiş etmişdir. Azərbaycan Respublikası Mülki Prosessual Məcəlləsinin 152.1 və 152.1.9-cu maddələrinə əsasən iddia ərizəsini icraata götürmək haqqında qərardad çıxarılana qədər iddiaçıdan iddia ərizəsinin qaytarılmasına dair ərizə daxil olduqda hakim iddia ərizəsini və ona əlavə edilmiş sənədləri geri qaytarır. Azərbaycan Respublikası Mülki Prosessual Məcəlləsinin 284-3.5-ci maddəsinə əsasən ərizənin bu Məcəllənin 284-3.1-ci və 284-3.2-ci maddələri ilə müəyyən olunmuş formasına və məzmununa riayət edilmədikdə, yaxud həmin Məcəllənin 152.1.2-152.1.9-cu maddələrində müəyyən edilmiş əsaslar olduqda hakim iddia ərizəsini və ona əlavə olunmuş sənədləri geri qaytarır. Ərizənin qaytarılması həmin nöqsanlar aradan qaldırıldıqdan sonra kiçik iddialar üzrə sadələşdirilmiş icraat qaydasında yenidən məhkəməyə müraciət etməyə mane olmur. Hazırki vəziyyətdə iddiaçının nümayəndəsi iddia ərizəsinin geri qaytarılması barədə ərizə ilə məhkəməyə müraciət etdiyindən, məhkəmə Azərbaycan Respublikası Mülki– Prosessual Məcəlləsinin yuxarıda qeyd olunan normalarını rəhbər tutaraq belə nəticəyə gəlir ki, iddiaçı X1 Cəmiyyətinin iddia ərizəsi və ona əlavə edilmiş sənədlər ona geri qaytarılmalıdır. Azərbaycan Respublikası Mülki-Prosessual Məcəlləsinin 263.1-ci maddəsinin tələbinə görə məhkəmə işi mahiyyəti üzrə həll etmədikdə məhkəmə aktını qərardad formasında çıxarır. Azərbaycan Respublikası Mülki-Prosessual Məcəlləsinin 114.1 və 114.1.3-cü maddələrinə əsasən bu Məcəllə ilə nəzərdə tutulmuş əsaslarla ərizə geri qaytarılarsa dövlət rüsumu geri qaytarılır. Qeyd olunan maddənin tələbini nəzərə alaraq hesab edirəm ki, iddiaçı X1 Cəmiyyəti tərəfindən Hökumət ödəniş portalı vasitəsilə xx.xx.2022-ci il tarixli, ********* nömrəli qəbzlə ödənilmiş 45,68 manat məbləğində dövlət rüsumu ona geri qaytarılmalıdır. Məhkəmə həmçinin onu da qeyd edir ki, X1 Cəmiyyəti Elektron Məhkəmə İnformasiya Sistemində yaradılmış elektron kabinet vasitəsi ilə məhkəməyə müraciət etdiyindən iddia ərizəsi və ona əlavə edilmiş sənədlər onun özündə saxlanılmışdır. Ona görə də qeyd edilən sənədlərin iddiaçıya geri qaytarılmasına zərurət yoxdur. Qeyd olunanlara əsasən və Azərbaycan Respublikası Mülki-Prosessual Məcəlləsinin 152.2, 152.3, 263, 264, 267 və 268-ci maddələrini rəhbər tutaraq, qəraraaldım: İddiaçı X1 Cəmiyyətinin cavabdehlər Cavabdeh1, Cavabdeh2 qarşı kredit üzrə borcun qaytarılması tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçı X1 Cəmiyyəti tərəfindən Hökumət ödəniş portalı vasitəsilə xx.xx.2022-ci il tarixli, ********* nömrəli qəbzlə ödənilmiş 45,68 (qırx beş manat altmış səkkiz qəpik) manat məbləğində dövlət rüsumu ona geri qaytarılsın. Qərardaddan o, tərəfə rəsmi qaydada verildikdən sonra 10 gün müddətində Naxçıvan Şəhər Məhkəməsinə şikayət verilə bilər. Hakim: Gülsüm Əliyeva.