Naxçıvan MR Ordubad Rayon Məhkəməsi Qətnamə — İş №e-2(080)-151/2025

Azərbaycan Respublikası adından QƏTNAMƏ Ordubad şəhəri İş № e-2(080)-151/2025 09.07.2025 NAXÇIVAN MR ORDUBAD RAYON MƏHKƏMƏSİ Ordubad Rayon Məhkəməsinin hakimi Haqverdiyev Tural Ziyat oğlu, İddiaçın Cavabdeh qarşı pul tələbinə dair mülki işə sadələşdirilmiş icraat qaydasında baxaraq, müəyyən etdi: İddiaçın nümayəndəsi Nümayəndə məhkəməyə iddia ərizəsi ilə müraciət etmiş, Cavabdeh 25 mart 2022-ci il tarixli, 77 nömrəli kredit satış müqaviləsi üzrə 350 manat əsas borcun və 10 avqust 2024-cü il tarixində 78 nömrəli müqavilədən isə 600 manat əsas borcu ümumilikdə isə 950 manat əsas borcu, gecikdirilmiş peniya pulu olan 95 manatın, ümumilikdə 1045 manat borcun və dövlət rüsumu olaraq ödənilmiş 30.45 manat məbləğində pulun İddiaçı MMC-nin xeyrinə tutulması barədə qətnamə qəbul edilməsini xahiş etmişdir. İddiaçın nümayəndəsi iddianı onunla əsaslandırmışdır ki, İddiaçı MMC və Cavabdeh arasında bağlanmış 25 mart 2022-ci il tarixli, 77 nömrəli nisyə alqı-satqı müqaviləsinə əsasən Cavabdeh 700 manat dəyərində «SAMSUNG A32” markalı telefonu 3 aylıq kreditlə almış və hazırkı vaxtadək onun tərəfindən ilkin ödəniş də daxil olmaqla 350 manat ödənilmiş, qalan 350 manat borcunu ödməkdən imtina edir və 10 avqust 2024-ci il tarixində 78 nömrəli kredit-satış müqaviləsinə əsasən Cavabdeh 650 manat dəyərində “Alfon 5S” markalı telefonu 6 aylıq kreditlə almış və hazırki vaxtadək isə 50 manat ödənilmiş, qalan 600 manat borcu ödəməkdən isə imtina edir. Hazırda cavabdehin 25 mart 2022-ci il tarixli, 77 nömrəli nisyə alqı-satqı müqaviləsi üzrə 350 manat və 10 avqust 2024-ci il tarixli, 78 nömrəli müqavilədən isə 600 manat borcu vardır. Müqavilələrdə nəzərdə tutulmuş hər gecikdirilmiş gün üçün ödənilməli olan 10 manat, yəni cərimə olaraq 95 manat peniya və 30.45 manat dövlət rüsumunun da cavabdehdən alınmasını xahiş edir. İş materiallarına əlavə edilmiş- 25 mart 2022-ci il tarixli, 77 nömrəli malların nisyə alqı-satqı müqaviləsi, müqaviləyə 1 saylı və 2 saylı əlavələrdən müəyyən olunur ki, iddiaçı 700 manat dəyərində «SAMSUNG A32” markalı telefonu 3 aylıq kreditlə cavabdehin istifadəsinə vermiş, cavabdeh 175 manat nəğd qaydada ödəniş etmiş və qalan 525 manat borcu isə 3 ay müddətində, hər ay 175 manat olmaqla mobil telefonun dəyərini iddiaçıya ödəməyi öhdəsinə götürmüşdür. Həmçinin 10 avqust 2024-cü il tarixli 78 nömrəli malların nisyə alqı-satqı müqaviləsi üzrə isə, iddiaçı 650 manat dəyərində “Alfon 5S” markalı telefonu 6 aylıq kreditlə cavabdehin istifadəsinə vermiş, cavabdeh 50 manat nəğd qaydada ödəniş etmiş, qalan borcu 600 manatı isə 6 ay müddətində , hər ay 100 manat olmaqla mobil telefonun dəyərini iddiaçıya ödəməyi öhdəsinə götürmüşdür. Tərəflər arasında bağlanmış malların nisyə alqı-satqı müqavilələrinin 1.1-ci bəndində qeyd edilmişdir ki, müqavilənin ayrılmaz tərkib hissəsi olan əlavə 1-də qeyd olunmuş satıcı tərəfindən alıcının mülkiyyətinə verilən və adı, sayı, çeşidi əlavə 1-də qeyd edilən əmtəədir. Mal satıcının mülkiyyətindədir və üçüncü şəxsin hüquqları ilə yüklü deyildir. Müqavilələrin 2.1-ci bəndində qeyd edilmişdir ki, satıcı müqavilənin ayrılmaz tərkib hissəsi olan əlavə 1-də göstərilən malı verməyi, alıcı isə müvafiq olaraq həmin malı qəbul etdikdən sonra müqavilədə göstərilən malın ümumi məbləğini müqavilənin ayrılmaq tərkib hissəsi olan əlavə 2-də göstərilən qaydada ödəməyi öhdəsinə götürür. Müqavilələrin 4.1-ci maddəsinə qeyd edilmişdir ki, müqavilədən irəli gələn öhdəliklərin pozulması və ya lazımi qaydada yerinə yetirilməməsinə görə tərəflər Azərbaycan Respublikasının qüvvədə olan qanunvericiliyinə əsasən hüquqi və maddi məsuliyyət daşıyırlar. Müqavilələrin 4.3-cü bəndində qeyd edilmişdir ki, alıcı tərəfindən müqavilədə göstərilən ilkin ödəniş ödənilməzsə mal satıcı tərəfindən alıcının mülkiyyətinə-ixtiyarına verilmir. Müqavilələrin 4.4-cü bəndində qeyd edilmişdir ki, alıcı tırəfindən müqavilənini ayrılmaz tərkib hissəsi olan əlavə 2-ödəniş cədvəlində müəyyən olunmuş qaydada ödəniş həyata keçirilməzsə, alıcı müvafiq olaraq hər ay üçün gecikdirilmiş məbləğdən müqaviləyə görə ödənilməli olduğu gündən ödənildiyi günədək 5 faiz məbləğində ödənişi satıcıya ödəməlidir. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. İddia ərizəsində qeyd edilənlərdən, mülki işin materiallarından müəyyən edilir ki, İddiaçı MMC və Cavabdeh arasında bağlanmış 25 mart 2022-ci il tarixli, 77 nömrəli nisyə alqı-satqı müqaviləsinə əsasən Cavabdeh 700 manat dəyərində «SAMSUNG A32” markalı telefonu 175 manat ilkin ödəniş etməklə 3 aylıq kreditlə almış və həmçinin 10 avqust 2024-cü il tarixli 78 nömrəli nisyə alqı-satqı müqaviləsinə əsasən isə Cavabdeh 650 manat dəyərində “Alfon 5S” markalı telefonu 50 manat ilkin ödəniş etməklə 6 aylıq kreditlə almış və qalan məbləğləri ödəməkdən imtina edir, hazırkı vaxtadək onun tərəfindən cavabdehə borc məbləğlərinin ödənilməsi barədə rəsmi xəbərdarlıq edilmiş, lakin heç bir nəticəsi olmamışdır. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyindən, məhkəmə hesab edir ki, iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Məhkəmə hesab edir ki, iddianın təmin edilməsi aşağıda qeyd edilən maddi hüquq normaları baxımından da qanunidir. Belə ki, Azərbaycan Respublikası Mülki Məcəlləsinin 6.2-ci maddəsinə əsasən, fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər; 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 462.1-ci maddəsinə görə, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; 465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Azərbaycan Respublikasının Mülki-Prosessual Məcəlləsinin 284-5.1, 284-5.2 və 284-5.3-cü maddələrinə əsasən kiçik iddiaya dair ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Cavabdeh bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. İddiaçının təmin olunduğu üçün Azərbaycan Respublikasının Mülki Prosessual Məcəlləsinin 119.1-ci maddəsinə əsasən ödənilmiş 30.45 manat dövlət rüsumu cabdehdən alınıb iddiaçıya verilməlidir. Yuxarıda göstərilənləri nəzərə alaraq və Azərbaycan Respublikası MPM-nin 284-5- 284-6, 216-220-ci maddələrini rəhbər tutaraq, məhkəmə, qət etdi: İddia təmin edilsin. Cavabdeh İddiaçı MMC-nin xeyrinə 25 mart 2022-ci il tarixli, 77 nömrəli nisyə alqısatqı müqaviləsi üzrə 350 manat əsas borc, 10 avqust 2024-cü il tarixli 78 nömrəli nisyə alqı-satqı müqaviləsi üzrə isə 600 manat əsas borc, ümumilikdə 950 manat əsas borc, 95 manat gecikdirilmiş peniya pulu və 30.45 manat ödənilmiş dövlət rüsumunun əvəzi, cəmi 1075.45 manat məbləğində pul tutulsun. Qətnamədən rəsmi qaydada verildiyi gündən 1 ay müddətində Ordubad Rayon Məhkəməsi vasitəsilə X1 Ali Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Tural Haqverdiyev.