Gəncə Şəhər Məhkəməsi Qərardad — İş №e-2(125)-7244/2025

Azərbaycan Respublikası adından QƏRARDAD Gəncə şəhəri İş № e-2(125)-7244/2025 19.12.2025 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi X3, İddiaçı Açıq Səhmdar Cəmiyyətinin Cavabdeh qarşı kredit borcunun ödənilməsi tələbinə dair kiçik iddia ərizəsinin məhkəmənin icraatına qəbul edilməsinin mümkünlüyünə baxaraq məhkəmə, müəyyən etdi: İddiaçı Açıq Səhmdar Cəmiyyəti Cavabdeh qarşı sadələşdirilmiş icraat qaydasında iddia ərizəsi ilə məhkəməyə müraciət edərək, cavabdehdən 03 mart 2015-ci il tarixli, MM/97686/49/17 saylı müqaviləyə əsasən 1567,04 ABŞ dolları əsas borc, 475,19 ABŞ dolları faiz borcu olmaqla, cəmi 2042,23 ABŞ dolları, 04 aprel 2013-cü il tarixli, BAL0342617/13 saylı müqaviləyə əsasən 534,07 manat əsas borc, 55,69 manat faiz borcu olmaqla, cəmi 589,76 manat, 13 noyabr 2014-cü il tarixli, DK3353717/14 müqaviləyə əsasən 198 manat əsas borc, 7 manat faiz borc olmaqla cəmi 205 manat və 85 manat məbləğində ödənilmiş dövlət rüsumunun tutularaq İddiaçı ASC-yə ödənilməsinə dair qətnamə çıxarılmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, iddia ərizəsinin icraata qəbul edilməsindən imtina olunmalıdır. Belə ki, iddiaçı mərhum X2 ilə aralarında bağlanmış 03 mart 2015-ci il tarixli, MM/97686/49/17 saylı müqaviləyə əsasən 2488 ABŞ dolları, 04 aprel 2013-cü il tarixli, BAL0342617/13 saylı müqaviləyə əsasən 1400 manat və 13 noyabr 2014-cü il tarixli, DK3353717/14 nömrəli müqaviləyə əsasən 200 manat məbləğlərində kredit verildiyini göstərsə də, həmin məbləğlərin mərhum X1 verilməsini təsdiq edən sənədləri ərizəyə əlavə etməmişdir. Kiçik iddialara dair işlər üzrə sadələşdirilmiş icraatdan bəhs edən Azərbaycan Respublikası Mülki Prosessual Məcəlləsinin: 284-3-cü maddəsinə əsasən tələbin əsaslığını təsdiq edən sənəd ərizədə göstərilməlidir. 284-4.1.3-cü maddəsinə əsasən verilmiş tələbi təsdiq edən sənədlər təqdim olunmamışdırsa məhkəmə ərizənin qəbul olunmasından imtina edir. 284-4.3-cü maddəsinə əsasən ərizənin qəbul olunmasından imtina olunması iddiaçının həmin tələb üzrə iddia icraatı qaydasında iddia verməsinə mane olmur. Beləliklə, məhkəmə qanunun göstərilən müddəalarına əsaslanaraq hesab edir ki, İddiaçı Açıq Səhmdar Cəmiyyətinin Cavabdeh qarşı kredit borcunun ödənilməsi tələbinə dair sadələşdirilmiş icraat qaydasında ərizənin icraata qəbul edilməsindən imtina edilməli, iddiaçıya iddia icraatı qaydasında məhkəməyə müraciət etmək hüququ izah edilməlidir. Şərh olunanlara əsasən və Mülki Prosessual Məcəllənin 284-4.1.3, 263 və 264-cü maddələrini rəhbər tutaraq məhkəmə, qərara aldı: İddiaçı Açıq Səhmdar Cəmiyyətinin Cavabdeh qarşı kredit borcunun ödənilməsi tələbinə dair sadələşdirilmiş icraat qaydasında iddia ərizəsinin icraata qəbul edilməsindən imtina edilsin . Qərardaddan şikayət verilə bilməz. Hakim: Cavid Tağıyev