Bakı Kommersiya Məhkəməsi Qərardad — İş №e-2-2(113)-1153/2021

Azərbaycan Respublikası adından QƏRARDAD Bakı şəhəri İş № e-2-2(113)-1153/2021 02.03.2021 BAKİ KOMMERSİYA MƏHKƏMƏSİ Hakim Əliyev Emin Zöhrab oğlunun sədrliyi, Aslanov Kamal Sahib oğlunun katibliyi, cavabdeh “X8 İnvestisiya Korporasiyası” ASC-nin nümayəndəsi X4 iştirakı ilə, X1 cavabdeh “X8 İnvestisiya Korporasiyası” ASC-yə qarşı pul tələbi barədə kommersiya mübahisəsinə dair işə açıq məhkəmə iclasında baxaraq, məhkəmə MÜƏYYƏN ETDİ: X2 iddia ərizəsi ilə məhkəməyə müraciət edərək, cavabdeh “X8 İnvestisiya Korporasiyası” ASC-dən xx.xx.2020-ci il tarixdən xx.xx.2020-ci il tarixədək xidmət müqaviləsi üzrə 10290 manat ödənilməmiş əmək haqqı və 2958 manat məzuniyyət pulu ödənişləri üzrə ümumilikdə 13248 manat məbləğində olan borc tutularaq iddiaçının xeyrinə ödənilməsi, cavabdeh “X8 İnvestisiya Korporasiyası” ASC-nin Qazaxstan filialında xx.xx.2020-ci il tarixdə əmək müqaviləsi üzrə 650000 tənqə Azərbaycan manatı nisbətində 2570 manat ödənilməmiş əmək haqqının “X8 İnvestisiya Korporasiyası” ASC-dən tutularaq onun xeyrinə ödənilməsi barədə qətnamə çıxarılmasını xahiş etmişdir. Məhkəmə iclasının vaxtı və yeri barədə lazımi qaydada məlumat verilməsinə baxmayaraq, iddiaçının nümayəndəsi məhkəmə iclasına gəlməmiş və işə onun iştirakı olmadan baxılması barədə məhkəməyə müraciət etməmişdir. Məhkəmə iclasında iştirak edən cavabdeh “X8 İnvestisiya Korporasiyası” ASC-nin nümayəndəsi X6 işin mahiyyəti üzrə baxılmasını tələb etmədiyini bildirərək ərizənin baxılmamış saxlanılmasını xahiş etmişdir. Azərbaycan Respublikası Mülki Prosessual Məcəlləsinin 259.0.7-ci maddəsinə əsasən, işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədikdə, cavabdeh isə işin mahiyyəti üzrə baxılmasını tələb etmədikdə, məhkəmə ərizəni baxılmamış saxlayır. Məhkəmə hesab edir ki, iddia ərizəsi baxılmamış saxlanılmalı, iddia ərizəsi və ona əlavə edilmiş sənədlər geri qaytarılmalıdır. Azərbaycan Respubikası MPM-nin 263 və 264-cü maddələrinə əsasən, məhkəmə QƏRARA ALDİ: X1 cavabdeh “X8 İnvestisiya Korporasiyası” ASC-yə qarşı pul tələbinə dair iddia ərizəsi baxılmamış saxlanılsın. İddia ərizəsi və ona əlavə edilmiş sənədlər geri qaytarılsın. Qərardad tərəfə rəsmi qaydada verildikdən sonra 10 gün müddətində Bakı Kommersiya Məhkəməsinə şikayət verilə bilər. Hakim: Emin Əliyev