Bakı Kommersiya Məhkəməsi Qərardad — İş №e-2-2(113)-1440/2020

Azərbaycan Respublikası adından QƏRARDAD Bakı şəhəri İş № e-2-2(113)-1440/2020 19.05.2020 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi Əliyeva Aytən Heydər qızı, İddiaçı “xxxx” ASC-nə qarşı pulun tutulması barədə kiçik iddialara dair sadələşdirilmiş qaydada verdiyiərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı “xxxx” ASC-nə qarşı İddiaçı MMC ilə «xxxx» ASC arasında bağlanmış xx xxxxxx 2017-ci il tarixli 370001 saylı müqaviləyə əsasən İddiaçı bank hesabında yığılmış 3.815,92 (üş min səkkiz yüz on beş manat 92 qəpik) manat məbləğində pul vəsaitinin cavabdeh «xxxx» ASC-dən tutularaq, İddiaçı MMC-yə ödənilməsinə dair kiçik iddialara dair işlər üzrə ərizə ilə məhkəməyə müraciət edərkən Azərbaycan Respublikasının Mülki Prosessual qanunvericiliyinin normalarına riayət etməmişdir. Buna görə də məhkəmə hesab edir ki, iddiaçının kiçik iddialara dair işlər üzrə ərizəsinin qəbul edilməsindən imtina olunmalıdır. Belə ki, Azərbaycan Respublikasının Mülki Prosessual Məcəlləsinin 284-4.1 və 284- 4.1.4-cü maddələrinə əsasən ərizənin əsaslandığı tələbetmə hüququ barədə mübahisə vardırsa məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Belə olan halda isə, məhkəmə iddiaçının əmlak xarakterli olmayan tələbi üzrə iddia ərizəsinə kiçik iddialara dair sadələşdirilmiş qaydada baxa bilməz. Qeyd olunan Məcəllənin 284-4.2-ci maddəsinə uyğun olaraq, həmin Məcəllənin 284- 4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Beləliklə də məhkəmə hesab edir ki, iddiaçının cavabdehə qarşı borcun silinməsi tələbi üzrə ərizənin əsaslandığı tələbetmə hüququ barədə mübahisə olmasını nəzərə alıb iddia ərizəsinə kiçik iddialara dair sadələşdirilmiş qaydada deyil, iddia icraatı qaydasında baxılmalıdır. Belə olan halda məhkəmə hesab edir ki, hazırki iş üzrə kiçik iddialara dair sadələşdirilmiş qaydada verdiyiərizəsinin qəbulundan imtina olunmalı, iddiaçıya həmin tələblə iddia icraatı qaydasında ərizə ilə Bakı Kommersiya Məhkəməsinə müraciət etmək hüququ izah olunmalıdır. Şərh olunanlara əsasən və Azərbaycan Respublikasının Mülki Prosessual Məcəlləsinin 284-4-cü, 263 və 264-cü maddələrini rəhbər tutaraq, Q Ə R A R A A L D İ M: İddiaçı “xxxx” ASC-nə qarşı İddiaçı MMC ilə «xxxx» ASC arasında bağlanmış xx xxxxxx 2017-ci il tarixli 370001 saylı müqaviləyə əsasən İddiaçı bank hesabında yığılmış 3.815,92 (üş min səkkiz yüz on beş manat 92 qəpik) manat məbləğində pul vəsaitinin cavabdeh «xxxx» ASC-dən tutularaq, İddiaçı MMC-yə ödənilməsinə dair kiçik iddialara dair işlər üzrə ərizənin qəbulundan imtina olunsun. İddiaçıya izah edilsin ki, o, yuxarıda göstərilən tələb üzrə Bakı Kommersiya Məhkəməsinə xüsusi icraat qaydasında ərizə ilə müraciət edə bilər. Qərardaddan şikayət verilə bilməz. Hakim Aytən Əliyeva