Bakı Kommersiya Məhkəməsi Qərardad — İş №e-2-2(113)-1704/2021

Azərbaycan Respublikası adından QƏRARDAD Bakı şəhəri İş № e-2-2(113)-1704/2021 05.03.2021 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi Qasımov Fərrux Hüseynağa oğlu, Azərbaycan Respublikası İqtisadiyyat Nazirlyi yanında Dövlət Vergi Xidməti Bakı şəhəri Lokal Gəlirlər Baş İdarəsinin Cavabdeh Mənzil Tikinti Kooperativinə (MTK) qarşı borc məbləğinin tutulması barədə iddia ərizəsini və ona əlavə olunmuş sənədləri Bakı Kommersiya Məhkəməsinin inzibati binasında nəzərdən keçirərək, MÜƏYYƏN ETDİ: Azərbaycan Respublikası İqtisadiyyat Nazirlyi yanında Dövlət Vergi Xidməti Bakı şəhəri Lokal Gəlirlər Baş İdarəsi iddia ərizəsi ilə məhkəməyə müraciət edərək dövlət mülkiyyətində olan torpaq sahəsindən icarə qaydasında istifadə üzrə yaranmış 38014,62 manat borcunun Cavabdeh MTK-dan (VÖEN:**********) tutularaq dövlət büdcəsinə ödənilməsi barədə qətnamə çıxarılmasını xahiş etmişdir. İddia ərizəsinin məzmunundan görünür ki, iddianın predmetini vergi, faiz və maliyyə sanksiyası üzrə borcun cavabdehdən tutulması təşkil edir. xx.xx.2011-ci il tarixdən qüvvəyə minmiş “İnzibati icraat haqqında” Azərbaycan Respublikası Qanununun 2.0.2-ci maddəsinə əsasən iznibati akt iznibati orqan tərəfindən ümumi (publik) hüquq sahəsinə aid olan müəyyən (konkret) məsələni nizama salmaq və ya həll etmək məqsədilə qəbul edilmiş və ünvanladığı hüquqi və ya fiziki (şəxslər) üçün müəyyən hüquqi nəticələr yaradan qərar, sərəncam və ya digər növ hakimiyyət tədbiridir. Azərbaycan Respublikası Nazirlər Kabinetinin “İnzibati orqanların Təsnifatı”nın təsdiq edilməsi haqqında xx xxxxxx 2007-ci il tarixli, 136 saylı qərarına əsasən Bakı şəhəri Vergilər Departamenti inzibati orqandır. İnzibati icraat haqqında qanunvericliyə görə, həmin orqanın maliyə sanksiyasının tətbiq edilməsi barədə qərarı inzibati aktdır. “İnzibati icraat haqqında” Azərbaycan Respublikası Qanununun: - 82.1-ci maddəsinə əsasən pul tələblərinin ödənilməsi ilə bağlı inzibati aktların məcburi qaydada icrası “İcra haqqında” Azərbaycan Respublikasının Qanununa əsasən icra məmurları tərəfindən icra edilir. - 82.2-ci maddəsinə əsasən inzibati aktı qəbul etmiş inzibati orqan tələbin icraya yönəldilməsi haqqında qərar qəbul edir. Bu halda tələbin icraya yönəldilməsi üçün məhkəmə qərarının qəbul edilməsi tələb olunmur. İşdən göründüyü kimi Azərbaycan Respublikası İqtisadiyyat Nazirlyi yanında Dövlət Vergi Xidməti Bakı şəhəri Lokal Gəlirlər Baş İdarəsi vergi ödəyicisinin yerləşdiyi yerin icra məmuruna göndərmək əvəzinə, eyni məsələyə dair təkrarən yenidən qərar qəbul edilməsi üçün məhkəmədə iddia qaldırmaqla yuxarıda şərh edilən normativ hüquqi aktlarının tələblərini pozmuşdur. Belə ki, Azərbaycan Respublikası İqtisadiyyat Nazirlyi yanında Dövlət Vergi Xidməti Bakı şəhəri Lokal Gəlirlər Baş İdarəsi yuxarıda adıçəkilən qərarları “İznibati icraat haqqında” Azərbaycan Respublikası Qanununun qüvvəyə minməsindən əvvəl Azərbaycan Respublikası Vergi Məcəlləsinə əsasən qəbul edilsə də, həmin qərarların icrası məsləsi xx xxxxxx 2011-ci il tarixdə qüvvəyə minmiş “İnzibati icraat haqqında” Azərbaycan Respublikası Qanunu ilə tənzimlənir. Məhkəmə, yuxarıda şərh edilən qanunvericilik aktlarına əsaslanaraq belə nəticəyə gəlir ki, iddiaçı Azərbaycan Respublikası İqtisadiyyat Nazirlyi yanında Dövlət Vergi Xidməti Bakı şəhəri Lokal Gəlirlər Baş İdarəsinin borcun tutulması tələbinə dair qəbul etdiyi qərarları məcburi qaydada icrasını təmin etmək üçün “İnzibati icraat haqqında” Qanunun 82.2-ci maddəsinin tələbinə uyğun olaraq vergi ödəyicisinin yerləşdiyi yerin icra məmuruna göndərməli olduğuna görə, hazırkı işə məhkəmə qaydasında baxıla bilməz. Azərbaycan Respublikası MPM-nin 261.0.1-ci maddəsinə əsasən, iş məhkəmədə baxılmalı deyildirsə hakim iş üzrə icraata xitam verir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259, 263, 264, 267 və 268-ci maddələrini rəhbər tutaraq, məhkəmə QƏRARA ALDİ Azərbaycan Respublikası İqtisadiyyat Nazirlyi yanında Dövlət Vergi Xidməti Bakı şəhəri Lokal Gəlirlər Baş İdarəsinin Cavabdeh Mənzil Tikinti Kooperativinə qarşı borc məbləğinin tutulması barədə barədə iddia ərizəsinin icraata qəbulundan imtina edilsin, iddia ərizəsi və ona əlavə edilmiş sənədlər Azərbaycan Respublikası İqtisadiyyat Nazirlyi yanında Dövlət Vergi Xidməti Bakı şəhəri Lokal Gəlirlər Baş İdarəsinə qaytarılsın. Qərardaddan rəsmi qaydada verildiyi gündən sonra 10 (on) gün müddətində Bakı Kommersiya Məhkəməsinə şikayət verilə bilər. Hakim Fərrux Qasımov