Bakı Kommersiya Məhkəməsi Qərardad — İş №e-2-2(113)-1976/2020

Azərbaycan Respublikası adından QƏRARDAD Bakı şəhəri İş № e-2-2(113)-1976/2020 26.08.2020 BAKİ KOMMERSİYA MƏHKƏMƏSİ Hakim Nuriyeva Səbinə Vidadi qızının sədrliyi, Məhkəmə iclas katibi Səfərli Arzu Mahir qızının katibliyi ilə, İddiaçı “X1” MMC-nin cavabdeh “xxxx” MMC-yə qarşı (Maraqlı şəxs ASC üçüncü şəxs, Samux rayon icra və probasiya şöbəsi maraqlı şəxs qismində göstərilməklə) “əmlakın istifadəyə verilməsi”tələbinə dair iddia ərizəsi üzrə işə məhkəmənin binasında açıq məhkəmə iclasında baxaraq, MÜƏYYƏN ETDİ: İddiaçı “X1” MMC cavabdeh “xxxx” MMC-yə qarşı (Maraqlı şəxs ASC üçüncü şəxs, Samux rayon icra və probasiya şöbəsi maraqlı şəxs qismində göstərilməklə) “əmlakın istifadəyə verilməsi”tələbinə dair iddia ərizəsi ilə Bakı Kommersiya Məhkəməsinə müraciət edərək, tərəflər arasında bağlanmış xx xxxxxxxx 2019-cu il tarixli icarə müqaviləsi üzrə icarə predmeti olan avadanlıqların üçüncü şəxslərin hüquqlarından azad şəkildə Cavabdeh MMC tərəfindən İddiaçı MMC-nin istifadəsinə verilməsi barədə qətnamə qəbul edilməsini xahiş etmişdir. Məhkəmə iclası xx.xx.2020-ci il tarixə saat 16:15-ə təyin edilmiş və tərəflərə məhkəmə iclasının vaxtı və yeri barədə məlumat verilmişdir. Lakin tərəflərin nümayəndələri göstərilən tarixdə məhkəmə iclasına gəlməmiş və işə onların iştirakı olmadan baxılmasını xahiş etməmişlər. Azərbaycan Respublikası Mülki Prosessual Məcəlləsinin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Həmin Məcəllənin 260.6-cı maddəsinə əsasən, iddianın baxılmamış saxlanması haqqında məhkəmə qərardadından şikayət verilə bilər. Məhkəmə hesab edir ki, tərəflərə məhkəmə iclasının vaxtı və yeri barədə qanunla müəyyən edilmiş qaydada bildiriş göndərilsə də, tərəflərin nümayəndələri məhkəməyə gəlmədiklərindən və işə onların iştirakı olmadan baxılmasını xahiş etmədiklərindən iddia ərizəsi baxılmamış saxlanılmalıdır. Azərbaycan Respublikası Mülki-Prosessual Məcəlləsinin 114.1.5-ci maddəsinə əsasən, bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət rüsumu qaytarılır. Şərh olunanlara əsasən və Azərbaycan Respublikası Mülki Prosessual Məcəlləsinin 259.0.6, 260, 263-264 və 266-268-ci maddələrini rəhbər tutaraq məhkəmə QƏRARA ALDİ: İddiaçı “X1” MMC-nin cavabdeh “xxxx” MMC-yə qarşı (Maraqlı şəxs ASC üçüncü şəxs, Samux rayon icra və probasiya şöbəsi maraqlı şəxs qismində göstərilməklə) “əmlakın istifadəyə verilməsi” tələbinə dair iddia ərizəsi baxılmamış saxlanılsın. İddiaçı “X1” MMC tərəfindən ödənilmiş 10 (on) manat dövlət rüsumu iddiaçıya geri qaytarılsın. Qərardaddan, tərəflərə rəsmi qaydada verildikdən sonra 10 gün müddətində Bakı Kommersiya Məhkəməsinə şikayət verilə bilər. Sədrlik edən Səbinə Nuriyeva