Bakı Kommersiya Məhkəməsi Qərardad — İş №e-2-2(113)-3302/2025

Azərbaycan Respublikası adından QƏRARDAD Bakı şəhəri İş № e-2-2(113)-3302/2025 13.06.2025 BAKİ KOMMERSİYA MƏHKƏMƏSİ X4 Zakir oğlunun sədrliyi, Mehdiyeva Hafizə Etibar qızının katibliyi ilə, iddiaçılar X2 və X1 Cavabdeh Firmasına qarşı təsisçilikdən çıxmaq və payın ödənilməsi tələbinə dair kommersiya mübahisəsi üzrə işə məhkəmənin binasında açıq məhkəmə hazırlıq iclasında baxaraq, məhkəmə, MÜƏYYƏN ETDİ: İddiaçılar X2, X3 iddia ərizəsi ilə məhkəməyə müraciət edərək, Cavabdeh Firmasının təsisçisi – iştirakçısı olaraq cəmiyyətdən çıxmaqları ilə eyni vaxtda icra edilməklə cəmiyyətin nizamnamə kapitalındakı paylarına nisbətdə əmlakın dəyərinin onlara ödənilməsi və ya paylarına düşən əmlakın naturada Cavabdeh Firmasına məxsus olan daşınmaz əmlakın bir hissəsi hesabına onlara verilməsi barədə qətnamə qəbul edilməsini xahiş etmişdir. İddiaçıların nümayəndəsi məhkəməyə ərizə ilə müraciət edərək, iddia tələbində müəyyən dəqiqləşdirmələr aparılması zərurəti yaranması səbəbindən iddia ərizəsinin geri qaytarılmasını xahiş etmişdir. Cavabdeh məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmənin hazırlıq iclasına nümayəndəsi gəlməmişdir. Məhkəmə işə tərəflərin iştirakı olmadan baxılmasını mümkün hesab etmişdir. Məhkəmə vəsatəti nəzərdən keçirib hesab edir ki, vəsatət təmin edilməli, iddia ərizəsi geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 170.1-ci maddəsinə əsasən, məhkəmə baxışına hazırlıq zamanı iddiaçının vəsatəti ilə ərizə qaytarıla bilər. Həmin Məcəllənin 170.3-cü maddəsinə əsasən, bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. Şərh olunanlara əsasən və Azərbaycan Respublikası Mülki Prosessual Məcəlləsinin 170.1, 268-269-cu maddələrini rəhbər tutaraq, məhkəmə QƏRARA ALDİ: İddiaçıların nümayəndəsi Nümayəndə1 tərəfindən verilmiş vəsatət təmin edilsin. İddiaçılar X2 və X1 Cavabdeh Firmasına qarşı təsisçilikdən çıxmaq və payın ödənilməsi tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. Qərardaddan, tərəflərə rəsmi qaydada verildikdən (“elektron kabinet”lərinə yerləşdirildikdən) sonra 10 gün müddətində (elektron formada) Bakı Kommersiya Məhkəməsinə şikayət verilə bilər. Sədrlik edən: Kənan Hüseynov