Bakı Kommersiya Məhkəməsi Qərardad — İş №e-2-2(113)-5457/2025

Azərbaycan Respublikası adından QƏRARDAD Bakı şəhəri İş № e-2-2(113)-5457/2025 11.07.2025 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi X1, İddiaçı MMC-nin cavabdehlər Cavabdeh1, Cavabdeh2 MMC, Cavabdeh3 qarşı pul tələbinə dair iddia ərizəsini və ona əlavə olunmuş sənədləri məhkəmənin inzibati binasında nəzərdən keçirərək, müəyyən etdim: İddiaçı MMC iddia ərizəsi ilə məhkəməyə müraciət edərək, Cavabdeh2 MMC-dən xx.xx.2008-ci il tarixli notariat qaydada təsdiq edilmiş alqı-satqı müqaviləsi və xx.xx.2008ciil tarixdə Bakı şəhəri 38 saylı Notariat Kontorunda təsdiq edilmiş bölgü eskiz planı əsasında “Az-inşaat “ MMC-yə 2008-ci ildən alq-satqı ilə keçmiş,11906 ha torpaq sahəsindən təhvil verilməmiş 4299 kv.m torpaq sahəsinə görə 644850 manat konpensasiyanın ödənilməsi; cavabdehlər Cavabdeh3 və Cavabdeh1 müştərək qaydada 4299 kv.m torpaq sahəsi üzərində inşa edilmiş 7 ədəd torpaqdan ayrıla bilməyən qeyri yaşayış tikililərə çəkilən ******* manat məsrəfin əvəzi, ödənilmiş 2000 manat dövlət rüsumu tutularaq onun xeyrinə ödənilməsi barədə qətnamə qəbul edilməsini xahiş etmişdir. İddia ərizəsi və ona əlavə olunmuş sənədləri nəzərdən keçirərək hesab edirəm ki, ərizə geri qaytarılmalıdır. Çünki iddiaçı tərəfindən cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsini təsdiq edən sənəd iddia ərizəsinə əlavə edilməmişdir. Belə ki, iddiaçı pretenziyanı Cavabdeh1 “Elektron məhkəmə” informasiya sistemində elektron kabineti olmasına baxmayaraq elektron qaydada cavabdehə çatdırmamış, poçt vasitəsi ilə göndərmişdir. Eyni zamanda iddia ərizəsinin Cavabdeh3 poçt vasitəsi ilə göndərilməsi barədə sənəd də məhkəməyə təqdim edilməmişdir. Həmçinin iddia ərizəsinə İddiaçı MMC tərəfindən iddia ərizəsinin və pretenziyanın göndərilməsi barədə məktublar əlavə olunsa da, həmin məktuba əlavə edilmiş pretenziya mətni iş materiallarına əlavə edilməmişdir. Halbuki, Azərbaycan Respublikası Mülki Prosessual Məcəlləsinin: 150.1.6-cı maddəsinə əsasən müqavilə ilə və ya həmin kateqoriya mübahisələr üçün qanunda bu nəzərdə tutulmuşsa, cavabdehlə mübahisənin məhkəməyə qədər və ya pretenziya qaydasında nizama salınmasına riayət edilməsini təsdiq edən sənəd (kommersiya mübahisələri üzrə həmin sənədlər bu Məcəllənin 150.2-ci maddəsinə uyğun olaraq verilir) sənəd iddia ərizəsinə əlavə edilməlidir. 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1.6-cı maddəsinə əsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. Beləliklə, qeyd edilənləri nəzərə alaraq hesab edirəm ki, iddia ərizəsi geri qaytarılmalı, iddiaçıya qeyd edilən nöqsanlar aradan qaldırıldıqdan sonra yenidən məhkəməyə müraciət etmək hüququ izah edilməlidir. Şərh olunanlara əsasən və Azərbaycan Respublikası Mülki Prosessual Məcəlləsinin 152, 268-269-cu maddələrini rəhbər tutaraq, qərar verdim: İddiaçı MMC-nin cavabdehlər Cavabdeh1, Cavabdeh2 MMC, Cavabdeh3 qarşı pul tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan, həmin qərardad tərəflərə rəsmi qaydada verildikdən (“elektron kabinet”lərinə yerləşdirildikdən) sonra 10 gün müddətində (elektron formada) Bakı Kommersiya Məhkəməsinə şikayət verilə bilər. Hakim: Kənan Hüseynov