Bakı Kommersiya Məhkəməsi Qətnamə — İş №e-2-2(113)-769/2021

Azərbaycan Respublikası adından QƏTNAMƏ Bakı şəhəri İş № e-2-2(113)-769/2021 28.04.2021 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi Əliyeva Aytən Heydər qızının sədrliyi, Kərimov İlkin Camal oğlunun katibliyi , İddiaçının nümayəndəsi X6, Cavabdehin nümayəndəsi X1 iştirakı ilə İddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin Lokal Gəlirlər Baş İdarəsinin Cavabdeh Firmasına qarşı siyahıya alınmış əmlakın ixtisaslaşdırılmış açıq hərracda satılmasına dair iddia ərizəsi üzrə işə Bakı şəhərində, Bakı Kommersiya Məhkəməsinin inzibati binasında açıq məhkəmə iclasında baxaraq MÜƏYYƏN ETDİ: İddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin Lokal Gəlirlər Baş İdarəsi Cavabdeh Firmasına qarşı iddia ərizəsi ilə məhkəməyə müraciət edərək, cavabdehin 14/10/2020 tarixə qeyd olunan borc məbləğindən dövlət büdcəsinə ödənilməmiş 2908.99 manat, Dövlət Sosial Müdafiə Fonduna ödənilməmiş 3109.25 İşsizlikdən sığorta Fonduna ödənilməmiş 26.17 manat məbləğində borcunun ödənilməsinin təmin edilməsi məqsədi ilə ******* manat məbləğində siyahıya alınmış əmlakının ixtisaslaşdırılmış açıq hərracda satılması barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, vergi ödəyicisi olan Cavabdeh Firması Azərbaycan Respublikasının Vergi Məcəlləsi ilə müəyyən edilmiş müddətdə vergi öhdəliklərini yxxxxnə yetirmədiyi üçün onun dövlət büdcəsinə, Dövlət Sosial Müdafiə Fonduna borcu yaranmışdır. Yaranmış borc məbləğinin 5 gün ərzində büdcəyə və müvafiq fonda ödənilməsi məqsədilə ona bildiriş vxxxxlmişdir. Lakin cavabdehə borc məbləğinin büdcəyə ödənilməsi üçün bildiriş vxxxxlməsinə baxmayaraq yaranmış borc məbləği yenə də ödənilməmişdir. Ona görə də Vergi Məcəlləsinin 89.1-ci maddəsinə əsasən, vergi öhdəliklərinin yxxxxnə yetirilməsini təmin etmək üsulu kimi vergi orqanı vergi ödəyicisinin əmlakının siyahıya alınması barədə 14/10/2020 tarixli Qərar çıxarmışdır. Qərar əsasında vergi ödəyicisinin 14/10/2020 tarixə yaranan 2908.99 manat məbləğində borcunun ödənilməsinin təmin edilməsi məqsədi ilə ******* manat məbləğində əmlakı siyahıya alınmış və bu barədə 14/10/2020-ci il tarixli **********0 saylı Protokol tərtib edilmişdir. Protokola siyahıya alınmış əmlakın siyahısı əlavə edilmişdir. Əmlak siyahıya alındıqdan sonra 30 gün müddətində borc dövlət büdcəsinə və müvafiq fonda ödənilmədiyi halda siyahıya alınmış əmlakın ixtisaslaşdırılmış açıq hərracda satılması üçün məhkəmədə iddia qaldırılacağı barədə Vergi Məcəlləsinin 70.2-ci maddəsinin tələblərinə uyğun olaraq cavabdehə 14/10/2020 tarixli xəbərdarlıq məktubu göndərilmişdir. Cavabdehin 14/10/2020 tarixə qeyd olunan borc məbləğindən dövlət büdcəsinə ödənilməmiş 2908.99 manat, Dövlət Sosial Müdafiə Fonduna ödənilməmiş 3109.25manat, İşsizlikdən sığorta Fonduna ödənilməmiş 26.17 manat ödənilməmiş borcu qalmışdır. İddiçının nümayəndəsi məhkəmə iclasında iddia tələbini müdafiə edərək təmin edilməsini xahiş etmişdir. İş üzrə cavabdehin nümayəndəsi iddia tələbini qəbul etməyərək, iddiaçının nümayəndələri tərəfindən yoxlamanın düzgün qaydada aparılmadığını, qiymətləndirmə aktının əsassız tərtib olubduğunu, təqdim edilən 29.05.1998-ci il tarixli 010640 saylı Azərbaycan Respublikası Dövlət Əmlak Komitəsi tərəfindən vxxxxlmiş dövlət əmlakının hüquqi və fiziki şəxslərə satılması haqqında şəhadətnaməyə əsasən müəssisə əmlakının xxxx Firmasına məxsus olmadığını bildirmişdir. Məhkəmə ərizəni və işin faktiki hallarını araşdıraraq, işdə olan sənədləri tədqiq edərək və sübutları qiymətləndirərək, hesab edir ki, iddia aşağıda göstərilənlərə əsasən təmin edilməməlidir. Belə ki, məhkəmə iclasında tədqiq edilərək sübut qismində iş matxxxxallarına əlavə edilmiş sənədlərlərdən görünür ki, iddiaçı tərəfindən cavabdehə vergi borcunun ödənilməsinə dair bildiriş göndərilərək, 14/10/2020 tarixə dövlət büdcəsinə ödənilməmiş 2908.99 manat, Dövlət Sosial Müdafiə Fonduna ödənilməmiş 3109.25 və İşsizlikdən sığorta Fonduna ödənilməmiş 26.17 manat borcun 5 gün müddətində ödənilməsi tələb olunmuş, əks təqdirdə məhkəməyə müraciət ediləcəyi bildirilmiş. İddiaçının vergi öhdəliyini yxxxxnə yetirməmiş vergi ödəyicisinin əmlakının siyahıya alınması haqqında 14/10/2020-ci il tarixli qərarı ilə cavabdehin vergi öhdəliyini Vergi Məcəlləsi ilə müəyyən edilmiş müddətdə yxxxxnə yetirmədiyi üçün əmlakının siyahıya alınması qərara alınmışdır. Həmin qərara əsasən əmlak siyahıya alınmış və bu barədə vergilər, faizlər və maliyyə sanksiyaları üzrə yaranmış öhdəlikləri yxxxxnə yetirməmiş vergi ödəyicisinin əmlakının siyahıya alınması haqqında 14/10/2020-ci il tarixli **********0 saylı protokol və akt tərtib edilmişdir. Əmlak siyahıya alındıqdan sonra 30 gün müddətində borc dövlət büdcəsinə ödənilmədiyi halda siyahıya alınmış əmlakın ixtisaslaşdırılmış açıq hərracda satılması üçün məhkəmədə iddia qaldıracağı barədə cavabdehə 29/10/2020-ci il tarixli xəbərdarlıq məktubu göndərilmişdir. Azərbaycan Respublikası Konstitusiyasının 73-cü maddəsinə əsasən qanunla müəyyən edilmiş vergiləri və başqa dövlət ödənişlərini tam həcmdə və vaxtında ödəmək hər kəsin borcudur. Azərbaycan Respublikası Vergilər Məcəlləsinin 23.1 və 23.1.6-cı maddələrinə uyğun olaraq, müəyyən edilmiş müddətlərdə ödənilməmiş vergilərin, faizlərin, maliyyə sanksiyalarının və inzibati cərimələrin qanunla müəyyən edilmiş qaydada dövlət büdcəsinə ödənilməsini təmin etmək vergi orqanının hüququdur. Azərbaycan Respublikası Vergilər Məcəlləsinin 89.1-ci maddəsinə əsasən vergi ödəyicisi vergi öhdəliyini müəyyən edilmiş müddətdə yxxxxnə yetirmədikdə yaranmış vergi borclarının, habelə həmin öhdəliyin yxxxxnə yetirilməməsi ilə əlaqədar vergi borcu üzrə hesablanmış faizlərin və tətbiq edilmiş maliyyə sanksiyalarının ödənilməsini təmin etmək üsulu kimi vergi orqanı onun əmlakını siyahıya ala bilər. Azərbaycan Respublikası Vergi Məcəlləsinin 89.7-ci maddəsinə əsasən əmlakın siyahıya alınması vergi orqanının rəhbərinin qərarına əsasən həyata keçirilir. Azərbaycan Respublikası Vergi Məcəlləsinin 89.10-cu maddəsinə əsasən siyahıya alınma zamanı vergi orqanının vəzifəli şəxsləri tərəfindən əmlakın siyahıya alınması haqqında protokol tərtib edilir və bu siyahı protokola əlavə edilir. Azərbaycan Respublikası Vergi Məcəlləsinin 90.1-ci maddəsinə uyğun olaraq, vergi ödəyicisinin əmlakı siyahıya alındıqdan sonra 30 gün müddətində vergi öhdəliyi yxxxxnə yetirilmədikdə, vergi orqanı vergilər, faizlər və maliyyə sanksiyaları üzrə dövlət büdcəsinə yaranmış borclarının ödənilməsinin təmin olunması məqsədi ilə siyahıya alınmış əmlakın zəruri və kifayət olan həcmdə ixtisaslaşdırılmış açıq hərracda satılması haqqında qərar qəbul olunması üçün məhkəməyə müraciət edə bilər. İş matxxxxallarına əlavə edilmiş **********5 saylı protokola 14 saylı əlavədən görünür ki, Bakı şəhəri, Nizami rayonu, Bəkir Çobanzadə küçəsi ev Naxçıvanski küçəsinin kəsişməsində yerləşən qeyri yaşayış sahəsinin inzibati binası 3071.000 manat qeyd edilməklə siyahıya alınmışdır. İş matxxxxallarında olan 29.05.1998-ci il tarixli 010640 saylı Azərbaycan Respublikası Dövlət Əmlak Komitəsi tərəfindən vxxxxlmiş dövlət əmlakının hüquqi və fiziki şəxslərə satılması haqqında şəhadətnamədən görünür ki, X13, X15, X11, X2, X21, X8, X14, X9, X3, X16, X12, X4, X18, X5 və X19 tərəfindən Bakı şəhəri, 8-ci m qəsəbəsi, Çobanzadə və Naxçıvan küçələrinin kəsişməsində yerləşən 26 saylı istisaslaşdırılmış tikinti idarəsinin əmlakı satın alınmışdır. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə uyğun olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikasının Mülki Prosessual Məcəlləsinin 217.3 maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 217.4-ci maddəsinə uyğun olaraq məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. İş matxxxxallarından göründüyü kimi siyahıya alınmış əmlakın vergi ödəyicisinə məxsusluğu öz təsdiqini tapmamışdır. Məhkəmə yalnız təqdim edilmiş sübutları araşdırdığından hesab edir ki, iddiaçı öz tələbinin əsası kimi istinad etdiyi halla bağlı məhkəməyə sübut təqdim etmədiyindən iddia təmin edilməməlidir. Şərh olunanlara əsasən və Azərbaycan Respublikası Mülki Prosessual Məcəlləsinin 216-220, 227, 233, 284-5.3, 284-6 və 360-cı maddələrini rəhbər tutaraq, QƏT ETDİ: İddia rədd edilsin. Qətnamədən rəsmi qaydada vxxxxldiyi gündən 1 (bir) ay müddətində Bakı Kommersiya Məhkəməsi vasitəsi ilə Bakı Apellyasiya Məhkəməsinə apellyasiya şikayəti vxxxxlə bilər. Hakim Aytən Əliyeva