Bakı Kommersiya Məhkəməsi Qərardad — İş №e-2-2(113)-88/2020

Azərbaycan Respublikası adından QƏRARDAD Bakı şəhəri İş № e-2-2(113)-88/2020 19.10.2020 BAKİ KOMMERSİYA MƏHKƏMƏSİ Hakim Əliyev Emin Zöhrab oğlunun sədrliyi, Hümbətov Eldəniz Məhəddin oğlunun katibliyi ilə, İddiaçı MMC-nin cavabdeh ləğv prosesində olan “xxxxxxxxxx” ASC-yə qarşı “borcun silinməsi” tələbinə dair kommersiya mübahisəsi ilə bağlı işə baxaraq, məhkəmə M Ü Ə Y Y Ə N E T D İ: İddiaçı MMC cavabdeh ləğv prosesində olan “xxxxxxxxxx” ASC-yə qarşı 1 saylı Bakı İnzibati-İqtisadi Məhkəməsinə iddia ərizəsi ilə müraciət edərək, İddiaçı ММC ilə Cavabdeh ASC arasında xx.xx.2014-cü il tarixli 030494 saylı və xx.xx.2014-cü il tarixli ******* saylı kredit müqavilələri üzrə Cavabdeh ASC-nin ləğvedicisi X1 tərəfindən əsassız hesablanmış 341 919 avro borcun silinməsi barədə qətnamə qəbul edilməsini xahiş etmişdir. Məhkəmə iş materiallarını tədqiq edərək hesab edir ki, İddiaçı MMC-nin cavabdeh ləğv prosesində olan “xxxxxxxxxx” ASC-yə qarşı “borcun silinməsi” tələbinə dair kommersiya mübahisəsi ilə bağlı hazırki iş Bakı Kommersiya Məhkəməsinin icraatında olan eyni tərəflər arasında eyni predmet ilə bağlı olan 2-2(113)-435/2020 saylı kommersiya işi ilə bir icraatda birləşdirilməlidir. Azərbaycan Respublikası Mülki Prosessual Məcəlləsinin 169.3-cü maddəsinə əsasən hakim həmin məhkəmənin icraatında eyni tərəflərin iştirak etdiyi eyni növlü bir neçə işin, yaxud bir iddiaçının müxtəlif cavabdehlərə, yaxud müxtəlif iddiaçıların eyni cavabdehə iddiaları üzrə bir neçə işin olduğunu müəyyən etdikdə, bu işlərin birləşdirilməsini məqsədə müvafiq hesab edərsə, onları birlikdə baxılmaq üçün bir icraatda birləşdirməyə haqlıdır. Buna görə də məhkəmə hesab edir ki, mübahisə predmeti eyni olan hər iki kommersiya işinin obyektiv araşdırılması üçün birgə baxılması məqsədilə İddiaçı MMC-nin cavabdeh ləğv prosesində olan “xxxxxxxxxx” ASC-yə qarşı “borcun silinməsi” tələbinə dair hazırki kommersiya işin 2-2(113)-435/2020 saylı kommersiya işi ilə bir icraatda birləşdirilməlidir. Azərbaycan Respublikası MPM-nin 263 və 264-ci maddələrinə əsasən, məhkəmə Q Ə R A R A A L D İ: İddiaçı MMC-nin cavabdeh ləğv prosesində olan “xxxxxxxxxx” ASC-yə qarşı “borcun silinməsi” tələbi barədə 2-2(113)-88/2020 kommersiya işi, İddiaçı MMC-nin cavabdeh ləğv prosesində olan “xxxxxxxxxx” ASC-yə qarşı “borcun silinməsi” tələbinə dair kommersiya mübahisəsi ilə bağlı 2-2(113)-435/2020 saylı kommersiya işinə birləşdirilsin. Qərardaddan şikayət verilə bilməz. Hakim: Emin Əliyev