Gəncə Kommersiya Məhkəməsi Qərardad — İş №e-2-2(115)-1078/2020

Azərbaycan Respublikası adından QƏRARDAD Gəncə şəhəri İş № e-2-2(115)-1078/2020 23.12.2020 GƏNCƏ KOMMERSİYA MƏHKƏMƏSİ Gəncə Kommersiya Məhkəməsinin hakimi Vəliyev Kənan Hafiz oğlu, İddiaçı MMC-nin cavabdeh Gəncə Apelyasiya Məhkəməsinə qarşı «pul» tələbinə dair iddia ərizəsini və ona əlavə olunmuş sənədləri nəzərdən keçirib, MÜƏYYƏN ETDİM: İddiaçı “İddiaçı» MMC cavabdeh Gəncə Apelyasiya Məhkəməsinə qarşı «pul» tələbinə dair iddia ərizəsi ilə məhkəməyə müraciət edərək, 444,97 manat məbləğində pul və 21 manat məbləğində dövlət rüsumu olmaqla, 2 illik müddət üçün 44,50 manat faiz pulunun ümumilikdə 510,47 manat vəsaitin Gəncə Apelyasiya Məhkəməsindən tutularaq İddiaçı MMM-yə ödənilməsi barədə qətnamə qəbul edilməsini xahiş etmişdir. Azərbaycan Respublikası Mülki Prosessual Məcəlləsinin 149.1-ci maddəsinə əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayədəsi tərəfindən imzalanır. İddiaçı hüquqi şəxsin adından verilmişdir. Lakin iddia ərizəsini imzalamış şəxsin xidməti vəziyyəti göstərilməmiş və onun iddia ərizəsinin imza etməyə səlahiyyəti olmasını təsdiq edən sənəd ərizəyə əlavə edilməmişdir. Azərbaycan Respublikası Mülki Prosessual Məcəlləsinin 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda iddia ərizəsi və ona əlavə edilmiş sənədlər geri qaytarılır. Göstərilənlərə əsasən hesab edirəm ki, İddiaçı MMC-nin cavabdeh Gəncə Apelyasiya Məhkəməsinə qarşı «pul» tələbinə dair iddia ərizəsi və ona əlavə olunmuş sənədlər geri qaytarılmalıdır. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası MPM-nin 152, 263-264, 268ci maddələrini rəhbər tutaraq, QƏRARA ALDİM: İddiaçı “İddiaçı» MMC-nin cavabdeh Gəncə Apelyasiya Məhkəməsinə qarşı «pul» tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan həmin qərardad tərəflərə rəsmi qaydada verildikdən sonra 10 gün müddətində Gəncə Kommersiya Məhkəməsinə şikayət verilə bilər. Hakim Kənan Vəliyev