Gəncə Kommersiya Məhkəməsi Qərardad — İş №e-2-2(115)-191/2020

Azərbaycan Respublikası adından QƏRARDAD Gəncə şəhəri İş № e-2-2(115)-191/2020 28.02.2020 GƏNCƏ KOMMERSİYA MƏHKƏMƏSİ Gəncə Kommersiya Məhkəməsinin hakimi Məmmədov Rəşad Seylan oğlu, İddiaçı «xxxx» Açıq Səhmdar Cəmiyyətinin cavabdeh Gəncə X1rşı «sayğacların dəyişdirilməsi zamanı hesablanmış qaz sərfiyyatının əsassız hesab edilməsi» tələbinə dair iddia ərizəsini və ona əlavə olunmuş sənədləri nəzərdən keçirib, MÜƏYYƏN ETDİM: İddiaçı «xxxx» Açıq Səhmdar Cəmiyyəti cavabdeh Gəncə X1rşı «sayğacların dəyişdirilməsi zamanı hesablanmış qaz sərfiyyatının əsassız hesab edilməsi» tələbinə dair iddia ərizəsi ilə məhkəməyə müraciət edərək, X3 İstismarı İdarəsi tərəfindən tərtib edilmiş “Qaz sayğaclarının çıxarılması, quraşdırılması və istismara qəbul edilməsi haqqında” xx xxxxxx 2019-cu il tarixli ******* №-li aktlarda “xxxx” ASC-nin üzərinə qoyulan 65378 kub qaz sərfiyyatının əsassız hesab edilməsi barədə qətnamə qəbul edilməsini xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, ərizə məhkəmə tərəfindən icraata götürülərək baxıla bilməz və ona əlavə olunmuş sənədlərlə birlikdə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 150.0.4-cü maddəsinə əsasən kommersiya mübahisələri üzrə işdə iştirak edən digər şəxslər tərəfindən iddia ərizəsinin surətinin və ona əlavə edilmiş sənədlərin alınması haqqında sənəd iddia ərizəsinə əlavə edilir. Ərizəyə əlavə olunmuş sənədlərdən göründüyü kimi, iddiaçı cavabdeh tərəfindən iddia ərizəsinin alınması barədə sənədi iddia ərizəsinə əlavə etməmişdir. Azərbaycan Respublikası Mülki Prosessual Məcəlləsinin 152.1.4-cü maddəsinə əsasən kommersiya mübahisələri üzrə işdə iştirak edən digər şəxslər tərəfindən iddia ərizəsinin alınmasına dair sübut təqdim edilmədikdə hakim iddia ərizəsini və ona əlavə edilmiş sənədləri geri qaytarır. Göstərilənlərə əsasən hesab edirəm ki, iddiaçı «xxxx» Açıq Səhmdar Cəmiyyətinin cavabdeh Gəncə X1rşı «sayğacların dəyişdirilməsi zamanı hesablanmış qaz sərfiyyatının əsassız hesab edilməsi» tələbinə dair iddia ərizəsi və ona əlavə olunmuş sənədlər geri qaytarılmalıdır. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası MPM-nin 152, 263-264, 268ci maddələrini rəhbər tutaraq, QƏRARA ALDİM: İddiaçı «xxxx» Açıq Səhmdar Cəmiyyətinin cavabdeh Gəncə X1rşı «sayğacların dəyişdirilməsi zamanı hesablanmış qaz sərfiyyatının əsassız hesab edilməsi» tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan həmin qərardad tərəflərə rəsmi qaydada verildikdən sonra 10 gün müddətində Gəncə Kommersiya Məhkəməsinə şikayət verilə bilər. Hakim Rəşad Məmmədov