Şəki Kommersiya Məhkəməsi Qərardad — İş №e-2-2(117)-48/2020

Azərbaycan Respublikası adından QƏRARDAD Şəki şəhəri İş № e-2-2(117)-48/2020 03.02.2020 ŞƏKİ KOMMERSİYA MƏHKƏMƏSİ Hakim Məcidov Rüfət Azadəli oğlu, İddiaçı MMC-nin Cavabdeh qarşı “577,26 manat əsas borc, 58,23 manat faiz borcu, cəmi 635,49 manat borcun və 30 manat dövlət rüsumunun cavabdehdən tutularaq ödənilməsi” tələbinə dair iddia ərizəsi və ona əlavə olunmuş sənədlərə baxaraq, müəyyən etdi: İddiaçı MMC Birliyi Cavabdeh qarşı iddia ərizəsi ilə məhkəməyə müraciət edərək “577,26 manat əsas borc, 58,23 manat faiz borcu, cəmi 635,49 manat borcun və 30 manat dövlət rüsumunun cavabdehdən tutularaq ödənilməsi” barədə qətnamə qəbul edilməsini xahiş etmişdir. Məhkəmə iddia ərizəsi və ona əlavə edilmiş sənədləri araşdırıb hesab edir ki, iddia ərizəsi və ona əlavə edilmiş sənədlər qaytarılmalıdır. Belə ki, Azərbaycan Respublikası Mülki Prosessual Məcəlləsinin 108.1.1-ci maddəsinə əsasən iddia ərizələri verildikdə dövlət rüsumu ödənilir. 108.3-cü maddəsinə əsasən dövlət rüsumu yalnız elektron ödəniş sistemləri vasitəsilə ödənilməlidir. 150.0.2-ci maddəsinə əsasən dövlət rüsumunun ödənilməsi haqqında sənəd iddia ərizəsinə əlavə edilir. 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsi və ona əlavə edilmiş sənədləri geri qaytarır. Hazırki iş üzrə elektron qaydada imzalanmış iddia ərizəsinin dövlət rüsumunun ödənilməsi haqqında məlumat hissəsindən görünür ki, “xxxx” QSC Bank olmayan Kredit Təşkilatı tərəfindən xx.xx.2019-cu il tarixdə Şəki İnzibati-İqtisadi Məhkəməsinin hesabına 30 manat dövlət rüsumu ödənilmişdir. Göründüyü kimi, işə baxılması üçün nəzərdə tutulmuş dövlət rüsumu İddiaçı MMC tərəfindən deyil, “xxxx” QSC Bank olmayan Kredit Təşkilatı tərəfindən hazırda mövcud olmayan Şəki İnzibati-İqtisadi Məhkəməsinin hesabına ödənilmişdir. İddiaçı isə başqa hüquqi şəxs tərəfindən artıq mövcud olmayan məhkəmənin hesabına ödənilmiş dövlət rüsumundan istifadə edərək məhkəməyə müraciət etmişdir ki, hazırkı vəziyyətdə iddiaçı tərəfindən dövlət rüsumu ödənilmədiyindən iddia ərizəsi geri qaytarlımalıdır. Yuxarıda göstərilənlərə əsasən, Azərbaycan Respublikası Mülki Prosessual Məcəlləsinin, 263, 264, 266-268-ci maddələrini rəhbər tutaraq, məhkəmə qərara aldı: İddiaçı MMC-nin Cavabdeh qarşı “577,26 manat əsas borc, 58,23 manat faiz borcu, cəmi 635,49 manat borcun və 30 manat dövlət rüsumunun cavabdehdən tutularaq ödənilməsi” tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan rəsmi qaydada verildiyi gündən sonra 10 (on) gün müddətində Şəki Kommersiya Məhkəməsinə şikayət verilə bilər. Hakim: Rüfət Məcidov