Şirvan Kommersiya Məhkəməsi Qərardad — İş №e-2-2(121)-3213/2024

Azərbaycan Respublikası adından QƏRARDAD Şirvan şəhəri İş № e-2-2(121)-3213/2024 08.10.2024 ŞİRVAN KOMMERSİYA MƏHKƏMƏSİ Şirvan Kommersiya Məhkəməsinin hakimi Abbasov Zaur Vahid oğlu, İddiaçı Açıq Səhmdar Cəmiyyətinin (Ləğv prosesindədir) cavabdehlər Cavabdeh2 və Cavabdeh1 qarşı kredit müqaviləsi üzrə borcun tutulması və tutmanın girov predmetinə yönəldilməsi tələbinə dair iddia ərizəsinin kiçik iddialara dair işlər üzrə sadələşdirilmiş icraat qaydasında baxılmasının mümkünlüyü məsələsinə baxaraq müəyyən etdi: İddiaçı “İddiaçı Açıq Səhmdar Cəmiyyəti (Ləğv prosesindədir) cavabdehlər Cavabdeh2 və Cavabdeh1 qarşı kredit müqaviləsi üzrə borcun tutulması və tutmanın girov predmetinə yönəldilməsi tələbinə dair iddia ərizəsi ilə məhkəməyə müraciət edərək, cəmi 7.362,52 (yeddi min üç yüz altmış iki manat 52 qəpik) AZN manat borc olmaqla – bundan 4.374,62 (dörd min üç yüz yetmiş dördmanat 62 qəpik) manat əsas, 2.606,65 (iki min altı yüz altı manat 65 qəpik) manat faiz, AR MM-nin 445.7-ci maddəsinə görə gecikdirilmiş vaxt üçün 381,25 (üç yüz səksən bir manat 25 qəpik) manat faiz borcunun və iş üzrə ödənilmiş 93.63 (doxsan üç manat 63 qəpik) manat dövlət rüsumunun cavabdehlər Cavabdeh2 və Cavabdeh1 müştərək qaydada tutularaq, ləğv prosesində olan "xxxx" ASCyə ödənilməsi, tələbin girov predmeti olan 1 ədəd 888 əyyarlı, xalis çəkisi 4.3 qr, ümumi çəkisi 4.4 qr olan 250 AZN dəyərində “köhnə beşlik”: 1 ədəd 888 əyyarlı, xalis çəkisi 6.5 qr, ümumi çəkisi 6.5 qr olan “köhnə imperial”: 1 ədəd 583 əyyarlı, xalis çəkisi 12 qr, ümumi çəkisi 12,5 qr olan boyunbağ “Hil”: 1 ədəd 750 əyyarlı, xalis çəkisi 17,5 qr, ümumi çəkisi 750 qr olan “hörük sep”: 1 ədəd 583 əyyarlı, xalis çəkisi 9,9 qr, ümumi çəkisi 9,9 qr olan “reket biləzik”: 1 ədəd 583 əyyarlı, xalis çəkisi 6 qr, ümumi çəkisi 6 qr olan “klonlu sep”: 1 ədəd 750 əyyarlı, xalis çəkisi 5,7 qr, ümumi çəkisi 5,7 qr olan dəyərində “qadın nişan üzüyü”: 1 ədəd 750 əyyarlı, xalis çəkisi 6,1 qr, ümumi çəkisi 6,1 qr olan kişi nişan üzüyü” olmaqla 8 adda, ümumi ümumi çəkisi 69,60 qram olan qızıl-zinyət əşyalarına yönəldilməsi, qızıl-zinyət əşyalarının açıq hərracdan satılması, satışdan əldə olunmuş vəsaitin kredit borcuna yönəlməsi, girov predmetinin satışından əldə olunan vəsait borcun tam bağlanması üçün kifayət etmədiyi halda, qalan borc məbləğinin cavabdehlər Cavabdeh2 və Cavabdeh1 müştərək qaydada tutularaq ləğv prosesində olan "xxxx" ASC-yə ödənilməsi barədə qətnamə qəbul edilməsini xahiş etmişdir. Məhkəmə, iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsinin kiçik iddialara dair işlərə sadələşdirilmiş qaydada baxılmağa qəbul olunmasından imtina edilməlidir. Belə ki, Azərbaycan Respublikası Mülki Prosessual Məcəlləsinin 284-4.1-ci və 284- 4.1.3-cü maddələrinə əsasən, verilmiş tələbi təsdiq edən sənədlər təqdim olunmamışdırsa məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Məhkəmə qeyd edir ki, iddiaçı tərəfindən iddia tələbini təsdiq edən sənədlər (girov əşyaların mövcud bazar və likvid dəyəri barədə məlumat və s.) təqdim edilməmişdir. Buna görə də, təqdim olunmuş sənədlər əsasında iddia ərizəsinin kiçik iddialara dair işlər üzrə sadələşdirilmiş qaydada baxılmağa qəbul olunması mümkün deyildir. Azərbaycan Respublikası Mülki Prosessual Məcəlləsinin 284-4.2-ci maddəsinə əsasən, bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Həmin Məcəllənin 284-4.3-cü maddəsinə əsasən, ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. Şərh olunanlara əsasən və Azərbaycan Respublikası Mülki Prosessual Məcəlləsinin 263, 264, 267, 268, 284-4-1, 284-4.3, 284-4.2 və 284-4.3-cü maddələrini rəhbər tutaraq məhkəmə, qərara aldı: İddiaçı Açıq Səhmdar Cəmiyyətinin (Ləğv prosesindədir) cavabdehlər Cavabdeh2 və Cavabdeh1 qarşı kredit müqaviləsi üzrə borcun tutulması və tutmanın girov predmetinə yönəldilməsi tələbinə dair iddia ərizəsinin kiçik iddialara dair işlər üzrə sadələşdirilmiş icraat qaydasında baxılmağa qəbul olunmasından imtina edilsin. Ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Qərardaddan şikayət verilə bilməz. Hakim Zaur Abbasov