Şirvan Apellyasiya Məhkəməsi Qərardad — İş №e-2-3(3-9)-6/2026

Azərbaycan Respublikası adından Qərardad Şirvan şəhəri İş № e-2-3(3-9)-6/2026 12.05.2026 ŞIRVAN APELLYASIYA MƏHKƏMƏSI Şirvan Apellyasiya Məhkəməsinin Inzibati Kollegiyası hakimlər Hüseynov Fikrət Cilingir oğlu (sədrlik edən və məruzəçi), Quliyev Ceyhun Əmir oğlu və Sadıqov Mirlətif Süleyman oğlundan ibarət tərkibdə, müəyyən etdi: İddiaçı tərəfindən təqdim edilmiş ərizə Elektron Məhkəmə Informasiya Sistemi vasitəsilə apellyasiya instansiyası məhkəmələri tərəfindən birinci instansiya məhkəməsi qismində baxılmalı indekslə (2-3(3-9)-6/2026) inzibati iş kimi qeydə alınmışdır. Ərizənin mətni sistemə yerləşdirilmədiyindən və məzmunu bəlli olmadığından sistem üzərindən araşdırma aparılaraq müəyyən edilmişdir ki, şəxs digər məhkəmənin icraatında olan iş üzrə qərardan apellyasiya şikayəti vermişdir. Göründüyü kimi İddiaçı tərəfindən təqdim edilmiş ərizə Elektron Məhkəmə Informasiya Sisteminin təkmilləşdirilməsi tədbirlərinin aparıldığı zaman kəsiyində sistemə yerləşdirildiyindən lazımi ünvana çatdırılmamış, səhv olaraq 2-3(3-9)-6/2026 nömrə ilə qeydə alınmışdır. Azərbaycan Respublikası Inzibati Prosessual Məcəlləsinin 3.2-ci maddəsinə əsasən bu Məcəllənin XV, XVI, XVII, XVIII, XVIII-İ, XIX fəsillərində nəzərdə tutulmuş mübahisələrə (ərizələrə) dair iddialara birinci instansiya məhkəməsi qismində Azərbaycan Respublikası apelyasiya instansiyası məhkəmələrinin inzibati kollegiyaları tərəfindən baxılır. Apelyasiya instansiyası məhkəmələri tərəfindən inzibati mübahisələrə (ərizələrə) birinci instansiya üzrə baxılması zamanı, bu Məcəllənin XV, XVI, XVII, XVIII, XVIII-İ, XIX fəsillərində başqa qayda nəzərdə tutulmadığı hallarda, birinci instansiya məhkəməsində icraatla bağlı bu Məcəllədə müəyyən edilmiş müvafiq prosessual qaydalar tətbiq olunur. Qeyd olunanlara əsasən kollegiya hesab edir ki, hazırki ərizəyə inzibai məhkəmə icraatı qaydasında, o cümlədən apellyasiya instansiyası məhkəmələri tərəfindən birinci instansiya məhkəməsi qismində baxılmalı indekslə baxılması mümkün olmadığından ərizə mümkün sayılmamalıdır. Azərbaycan Respublikası Inzibati Prosessual Məcəlləsinin 35.1-ci maddəsinə əsasən bu Məcəllədə başqa qayda nəzərdə tutulmamışdırsa, iddiaçı iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və ya müəyyən hərəkətləri etməkdən çəkinməyə dair iddia mümkün sayılır. Azərbaycan Respublikasının Ali Məhkəməsinin Plenumunun “Inzibati məhkəmə icraatında iddianın mümkünlüyünə dair” ## ##### 2015-ci il tarixli, * nömrəli qərarının 2.3-cü bəndində qeyd edilmişdir ki, məhkəmələr ilk növbədə iddiaçının həmin iddia tələbi üzrə subyektiv hüququnun olub-olmamasını, cavabdehin həmin iddiaya cavab verməli olubolmamasını, qanunvericilikdə nəzərdə tutulduğu hallarda cavabdehin imtinasının olubolmamasını, Inzibati Prosessual Məcəllədə nəzərdə tutulmuş iddia müddətlərinə riayət edilibedilmədiyini, prosessual həmiştirakçılığın yol verilənliyini, tələblərin bir iddiada birləşdirilməsinin mümkünlüyünü Inzibati Prosessual Məcəllənin 37-ci maddəsinə uyğun yoxlamalıdırlar. Şərh olunanlara əsasən və Azərbaycan Respublikası Inzibati Prosessual Məcəlləsinin 35, 81-82-ci maddələrini rəhbər tutaraq, məhkəmə kollegiyası qərara aldı: İddiaçı müraciəti mümkün sayılmasın. Qərardaddan təqdim olunduğu gündən 10 (on) gün müddətində Şirvan Apellyasiya Məhkəməsi vasitəsi ilə Azərbaycan Respublikası Ali Məhkəməsinə kassasiya şikayəti verilə bilər.