Bakı Şəhəri Suraxanı Rayon Məhkəməsi Qətnamə — İş №e-2(5-103)-168/2026

Azərbaycan Respublikası adından QƏTNAMƏ Bakı şəhəri İş № e-2(5-103)-168/2026 23.02.2026 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı Rayon Məhkəməsinin hakimi Məmmədov Məmməd Əhməd oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı “borcun ödənilməsi tələbinə dair” iddiası üzrə mülki işə sadələşdirilmiş icraat qaydasında baxaraq, M Ü Ə Y Y Ə N E T D İ: İddiaçı "xxxx" Məhdud Məsuliyyətli Cəmiyyəti sadələşdirilmiş icraat qaydasında ərizə ilə məhkəməyə müraciət edərək, xx.xx.2024, xx.xx.2024, xx.xx.2024, xx.xx.2024, xx.xx.2024 və xx.xx.2024-cü il tarixli müqavilələrə əsasən qızıl zəmanət ultra 1 il xidməti, Mouse Logitech, PS oyun diski, Windows 11, Viper kompüter çantası, Hp Pavilion kompüter, qızıl zəmanət ultra 1 il xidməti, imei Kodu SJX5WX5WG6C6RY olan ipad Air 5, imei kod **********36623 olan Samsung galaxy S24+, Samsung charger, qızıl ultra 2 il xidməti, robot tozsoran Xiaomi X10, qızıl zəmanət ultra 1 il xidməti, şirə çəkən WMF və fen ütü Braun üçün ümumilikdə 4577,38 manat borcun və 65,78 manat ödənilmiş dövlət rüsumunun Cavabdeh alınaraq "xxxx" MMC-yə ödənilməsi barədə qətnamə çıxarılmasını xahiş etmişdir. Tələb onunla əsaslandırılmışdır ki, cavabdeh ilə "xxxx" MMC arasında bağlanmış xx.xx.2024-cü il tarixli müqaviləyə əsasən, alqı-satqı qiyməti 2408.54 manat (12 ay x 199.72 manat + 11.9 manat ilkin ödəniş) olan qızıl zəmanət ultra 1 il xidməti, Mouse Logitech, PS5 oyun diski, Windows 11, Viper kompüter çantası, Hp Pavilion kompyuter 1263.15 (bir min iki yüz altmış üç manat on beş qəpik) manat olmaqla ondan, 1148.32 (bir min yüz qırx səkkiz manat otuz iki qəpik) manat ödənilməmiş hissə, 114.83 (yüz on dörd manat səksən üç qəpik) manat cərimə pulu; xx.xx.2024-cü il tarixli müqaviləyə əsasən, alqı-satqı qiyməti 1826.82 (bir min səkkiz yüz iyirmi altı manat 82 qəpik) manat (18 ay x 101.49 manat + 0 manat ilkin ödəniş) olan qızıl zəmanət ultra 1 il xidməti, İmei kod SJX5WG6C6RY ipad Air 5 üçün 1052.03 (bir min əlli iki manat üç qəpik) manat olmaqla, ondan 956.39 (doqquz yüz əlli altı manat 39 qəpik) manat ödənilməmiş hissə, 95.64 (doxsan beş manat altmış dörd qəpik) manat cərimə pulu; xx.xx.2024-cü il tarixli müqaviləyə əsasən, alqı-satqı qiyməti 2412 (iki min dörd yüz on iki) manat (18 ay x 134 manat + 0 manat ilkin ödəniş) olan İmei kod **********36623 Samsung Galaxy S24+, Samsung charger üçün 976.80 (doqquz yüz yetmiş altı manat 80 qəpik) manat olmaqla, ondan 888 (səkkiz yüz səksən səkkiz) manat ödənilməmiş hissə, 88.8 (səksən səkkiz manat səkkiz qəpik) manat cərimə pulu; xx.xx.2024-cü il tarixli müqaviləyə əsasən, alqı-satqı qiyməti 1140.84 (bir min yüz qırx manat səksən dörd qəpik) manat (18 ay x 63.38 manat + 0 manat ilkin ödəniş) olan qızıl zəmanət ultra 2 il xidməti, robot tozsoran Xiaomi X10 üçün 921.05 (doqquz yüz iyirmi bir manat beş qəpik) manat olmaqla, ondan 837.32 (səkkiz yüz otuz yeddi manat otuz iki qəpik) manat ödənilməmiş hissə, 83.73 (səksən üç manat 73 qəpik) manat cərimə pulu; xx.xx.2024-cü il tarixli müqaviləyə əsasən, alqı-satqı qiyməti 724.44 (yeddi yüz iyirmi dörd manat qırx dörd qəpik) manat (12 ay x 60.37 manat + 0 manat ilkin ödəniş) olan qızıl zəmanət ultra 1 il xidməti, şirə çəkən WMF üçün 196.80 (yüz doxsan altı manat səksən qəpik) manat olmaqla, ondan 178.91 (yüz yetmiş səkkiz manat doxsan bir qəpik) manat ödənilməmiş hissə, 17.89 (on yeddi manat səksən doqquz qəpik) manat cərimə pulu; xx.xx.2024-cü il tarixli müqaviləyə əsasən, alqı-satqı qiyməti 534.96 (beş yüz otuz dörd manat doxsan altı qəpik) manat (12 ay x 44.58 manat+ 0 manat ilkin ödəniş) olan fen ütü braun üçün 167,54 (yüz altmş yeddi manat əlli dörd qəpik) manat olmaqla, ondan 152.31 (yüz əlli iki manat otuz bir qəpik) manat ödənilməmiş hissə, 15.23 (on beş manat iyirmi üç qəpik) manat cərimə miqdarında borc yaranmışdır. Cavabdeh müqavilələrin şərtlərini pozmuş və nəticədə qızıl zəmanət ultra 1 il xidməti, Mouse Logitech, PS oyun diski, Windows 11, Viper Kompüter çantası, Hp Pavilion kompüter, qızıl zəmanət ultra 1 il xidməti, İmei kodu SJX5WX5WG6C6RY olan ipad Air 5, İmeı kodu **********36623 olan Samsung Galaxy S24+, Samsung charger, qızıl ultra 2 il xidməti, robot tozsoran Xiaomi X10, qızıl zəmanət ultra 1 il xidməti, şirə çəkən WMF, fen ütü braun, üçün ümumilikdə, 4577,38 (dörd min beş yüz yetmiş yeddi manat otuz səkkiz qəpik) manat borcu yaranmışdır. Cavabdeh ümumi borcdan cəmi 4886.35 manat ödəniş etmişdir. Məhkəmə tərəfindən iddia ərizəsi və ona əlavə edilmiş sənədlər Cavabdeh rəsmi qaydada göndərilmiş və bildirişi aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri (elektron qaydada verildikdə “Elektron imza və elektron sənəd haqqında” Azərbaycan Respublikası Qanununun tələblərinə uyğun olaraq) məhkəməyə təqdim etmək təklif edilmişdir. Göstərilən müddət ərzində Cavabdeh tərəfindən iddiaya qarşı əsaslandırılmış etiraz və ona əlavə olunmuş sənədlər məhkəməyə daxil olmamışdır. İş materiallarından görünür ki, hazırkı iddia üzrə iddianın qiyməti 4577.38 (dörd min beş yüz yetmiş yeddi manat otuz səkkiz qəpik) manat təşkil edir. Azərbaycan Respublikasının Mülki-Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının Mülki-Prosessual Məcəlləsinin: 284-2-ci maddəsinə əsasən, kiçik iddialara dair işlərdə ərizə bu Məcəllənin 4-cü fəslində müəyyən edilmiş ümumi aidiyyət qaydalarına əsasən verilir. 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. 284-5.3-cü və 284-6.1-ci maddələrinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. İş materiallarını araşdırıb, iş üzrə təqdim olunmuş sübutlara məcmu halında qiymət verərək məhkəmə hesab edir ki, iddia tələbi qismən təmin edilməlidir. Belə ki, iş materiallarında olan: İddiaçı MMC ilə Cavabdeh arasında bağlanan xx.xx.2024-cü il tarixli, 10728913 nömrəli müqaviləyə əsasən, İddiaçı MMC müqavilədə göstərilən “Braun ST 750” markalı fen ütünü müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. Müqavilə Cavabdeh və ABC-Telecom” MMC-ni təmsil edən X2 tərəfindən imzalanmışdır. xx.xx.2024-cü il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. xx.xx.2024-cü il tarixli müqaviləyə Əlavədən görünür ki, bir ədəd “Braun ST 750” markalı fen ütünün qiyməti 534,96 manatdır və Cavabdeh xx.xx.2024 – xx.xx.2025-ci il tarixləri arasında məhsulun dəyərini hissə-hissə hər ay 44.58 manat olmaqla ödəməlidir. xx.xx.2026-cı il tarixli maliyyə və ödəniş cədvəlindən görünür ki, Cavabdeh xx.xx.2024-cü il tarixli nisyə alğı-satqı müqaviləsi üzrə borcundan 382.65 manat ödəmiş, 152.21 manat qalıq borc, 15.23 manat cərimə olmaqla, cəmi 167.54 manat ödənilməmiş borcu qalmışdır. xx.xx.2025-ci il tarixli xəbərdarlıqdan görünür ki, Cavabdeh İddiaçı MMC-yə olan borcu və borcun ödənilməyəcəyi təqdirdə məhkəməyə müraciət ediləcəyi barədə xəbərdar edilmişdir. İddiaçı MMC ilə Cavabdeh arasında bağlanan xx.xx.2024-cü il tarixli, 06471111 nömrəli müqaviləyə əsasən, İddiaçı MMC müqavilədə göstərilən qızıl zəmanət ultra 1 il xidmətini və “WMF Kult X **********” markalı şirə çəkəni müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. Müqavilə Cavabdeh və ABC-Telecom” MMC-ni təmsil edən X6 tərəfindən imzalanmışdır. xx.xx.2024-cü il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. xx.xx.2024-cü il tarixli müqaviləyə Əlavədən görünür ki, bir ədəd qızıl zəmanət ultra 1 il xidmətinin qiyməti 50.4 manat, “WMF Kult X **********” markalı şirə çəkənin qiyməti isə 674,04 manatdır və Cavabdeh xx.xx.2024 – xx.xx.2025-ci il tarixləri arasında məhsulun dəyərini hissə-hissə hər ay 60.37 manat olmaqla ödəməlidir. xx.xx.2026-cı il tarixli maliyyə və ödəniş cədvəlindən görünür ki, Cavabdeh xx.xx.2024-cü il tarixli nisyə alğı-satqı müqaviləsi üzrə borcundan 545.53 manat ödəmiş, 178.91 manat qalıq borc, 17.89 manat cərimə olmaqla, cəmi 196.80 manat ödənilməmiş borcu qalmışdır. xx.xx.2025-ci il tarixli xəbərdarlıqdan görünür ki, Cavabdeh İddiaçı MMC-yə olan borcu və borcun ödənilməyəcəyi təqdirdə məhkəməyə müraciət ediləcəyi barədə xəbərdar edilmişdir. İddiaçı MMC ilə Cavabdeh arasında bağlanan xx.xx.2024-cü il tarixli, 18045281 nömrəli müqaviləyə əsasən, İddiaçı MMC müqavilədə göstərilən qızıl zəmanət ultra 2 il xidmətini və “Xiaomi x10” markalı robot tozsoran müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. Müqavilə Cavabdeh və ABC-Telecom” MMC-ni təmsil edən X3 tərəfindən imzalanmışdır. xx.xx.2024-cü il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. xx.xx.2024-cü il tarixli müqaviləyə Əlavədən görünür ki, bir ədəd qızıl zəmanət ultra 2 il xidmətinin qiyməti 140 manat, “Xiaomi x10” markalı robot tozsoranın qiyməti isə 1000.8 manatdır və Cavabdeh xx.xx.2024 – xx.xx.2026-cı il tarixləri arasında məhsulun dəyərini hissə-hissə hər ay 63.38 manat olmaqla ödəməlidir. xx.xx.2026-cı il tarixli maliyyə və ödəniş cədvəlindən görünür ki, Cavabdeh xx.xx.2024-cü il tarixli nisyə alğı-satqı müqaviləsi üzrə borcundan 303.52 manat ödəmiş, 837.32 manat qalıq borc, 83.73 manat cərimə olmaqla, cəmi 921.05 manat ödənilməmiş borcu qalmışdır. xx.xx.2025-ci il tarixli xəbərdarlıqdan görünür ki, Cavabdeh İddiaçı MMC-yə olan borcu və borcun ödənilməyəcəyi təqdirdə məhkəməyə müraciət ediləcəyi barədə xəbərdar edilmişdir. İddiaçı MMC ilə Cavabdeh arasında bağlanan xx.xx.2024-cü il tarixli, 03796259 nömrəli müqaviləyə əsasən, İddiaçı MMC müqavilədə göstərilən İmeı kodu **********36623 olan Samsung Galaxy S24+ və Samsung chargeri müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. Müqavilə Cavabdeh və ABC-Telecom” MMC-ni təmsil edən X1 tərəfindən imzalanmışdır. xx.xx.2024-cü il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. xx.xx.2024-cü il tarixli müqaviləyə Əlavədən görünür ki, bir ədəd Samsung Galaxy S24+ telefonun qiyməti 2350.8 manat, Samsung chargerin qiyməti isə 61.2 manatdır və Cavabdeh xx.xx.2024 – xx.xx.2025-ci il tarixləri arasında məhsulun dəyərini hissə-hissə hər ay 134 manat olmaqla ödəməlidir. xx.xx.2026-cı il tarixli maliyyə və ödəniş cədvəlindən görünür ki, Cavabdeh xx.xx.2024-cü il tarixli nisyə alğı-satqı müqaviləsi üzrə borcundan 1524 manat ödəmiş, 888 manat qalıq borc, 88.8 manat cərimə olmaqla, cəmi 976.8 manat ödənilməmiş borcu qalmışdır. xx.xx.2025-ci il tarixli xəbərdarlıqdan görünür ki, Cavabdeh İddiaçı MMC-yə olan borcu və borcun ödənilməyəcəyi təqdirdə məhkəməyə müraciət ediləcəyi barədə xəbərdar edilmişdir. İddiaçı MMC ilə Cavabdeh arasında bağlanan xx.xx.2024-cü il tarixli, 13686511 nömrəli müqaviləyə əsasən, İddiaçı MMC müqavilədə göstərilən qızıl zəmanət ultra 1 il xidməti, ekspress çatdırılma iş və İmei kod SJX5WG6C6RY ipad Air 5 müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. Müqavilə Cavabdeh və ABC-Telecom” MMC-ni təmsil edən X4 tərəfindən imzalanmışdır. xx.xx.2024-cü il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. xx.xx.2024-cü il tarixli müqaviləyə Əlavədən görünür ki, qızıl zəmanət ultra 1 il xidmətinin qiyməti 235.5 manat, ekspress çatdırılma xidmətinin dəyəri 19.99 manat və İmei kod SJX5WG6C6RY ipad Air 5-in qiyməti 1571.4 manatdır və Cavabdeh xx.xx.2024 – xx.xx.2025-ci il tarixləri arasında məhsulun dəyərini hissə-hissə hər ay 101.49 manat olmaqla ödəməlidir. xx.xx.2026-cı il tarixli maliyyə və ödəniş cədvəlindən görünür ki, Cavabdeh xx.xx.2024-cü il tarixli nisyə alğı-satqı müqaviləsi üzrə borcundan 870.43 manat ödəmiş, 956.39 manat qalıq borc, 95.64 manat cərimə olmaqla, cəmi 1052.03 manat ödənilməmiş borcu qalmışdır. xx.xx.2025-ci il tarixli xəbərdarlıqdan görünür ki, Cavabdeh İddiaçı MMC-yə olan borcu və borcun ödənilməyəcəyi təqdirdə məhkəməyə müraciət ediləcəyi barədə xəbərdar edilmişdir. İddiaçı MMC ilə Cavabdeh arasında bağlanan xx.xx.2024-cü il tarixli, 18044859 nömrəli müqaviləyə əsasən, İddiaçı MMC müqavilədə göstərilən qızıl zəmanət ultra 1 il xidməti, əməliyyat sisteminin quraşdırılması xidməti, Mouse Logitech, PS oyun diski, Windows 11, Viper Kompüter çantası, Hp Pavilion kompüter müştəriyə müqavilədə göstərilən şərtlərlə verir, müştəri isə malı müqavilədə göstərilən şərtlərlə qəbul edir. Müqavilə Cavabdeh və İddiaçı MMC-ni təmsil edən X3 tərəfindən imzalanmışdır. xx.xx.2024-cü il tarixli bildiriş və həmin tarixli əşyaların təhvil-təslim aktından görünür ki, Cavabdeh müqavilənin şərtləri ilə tanış olmuş, ona müqavilənin şərtləri pozulduğu təqdirdə baş verəcəklər barədə məlumat verilmiş, həmçinin müqavilədə göstərilən əşyaları tam qüsursuz təhvil almış, bu barədə bildirişə və akta imza etmişdir. xx.xx.2024-cü il tarixli müqaviləyə Əlavədən görünür ki, müqavilə üzrə məhsulların ümumi dəyəri 2408,58 manatdır və Cavabdeh xx.xx.2024 – xx.xx.2025-ci il tarixləri arasında məhsulun dəyərini hissə-hissə hər ay 199.72 manat olmaqla ödəməlidir. xx.xx.2026-cı il tarixli maliyyə və ödəniş cədvəlindən görünür ki, Cavabdeh xx.xx.2024-cü il tarixli nisyə alğı-satqı müqaviləsi üzrə borcundan 1260.22 manat ödəmiş, 1148.32 manat qalıq borc, 114.83 manat cərimə olmaqla, cəmi 1263.15 manat ödənilməmiş borcu qalmışdır. xx.xx.2025-ci il tarixli xəbərdarlıqdan görünür ki, Cavabdeh İddiaçı MMC-yə olan borcu və borcun ödənilməyəcəyi təqdirdə məhkəməyə müraciət ediləcəyi barədə xəbərdar edilmişdir. İş materiallarında olan ********** nömrəli qəbzdən görünür ki, 65,78 manat dövlət rüsumu ödənilmişdir. Azərbaycan Respublikasının Mülki Məcəlləsinin: 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və s. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. 386.1-ci maddəsinə əsasən, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. 390.1-ci maddəsinin məzmununa görə, fiziki və hüquqi şəxslər müqavilə əsasında öz hüquq və vəzifələrinin, həmçinin müqavilənin qanuna zidd olmayan istənilən şərtinin müəyyən edilməsində sərbəstdirlər. 405.1-ci maddəsinə əsasən, tərəflər müqavilənin bütün şərtləri barəsində tələb olunan formada razılığa gəldikdə müqavilə bağlanmış sayılır. 567-ci maddəsinə əsasən, alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. 601.2-ci maddəsinə əsasən, hissə-hissə ödəmə şərti ilə malın nisyə satılması haqqında müqaviləyə bu Məcəllənin 600.2-600.5-ci maddələrində nəzərdə tutulan qaydalar tətbiq edilir. 600.4-cü maddəsinə əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə hesab edir ki, mülki qanunvericiliyin yuxarıda şərh olunmuş normaları baxımından cavabdehin hərəkətləri öhdəliyin lazımınca icra edilməməsi kimi qiymətləndirilməlidir. Belə ki, iddiaçı ilə aralarında bağlanmış alğı-satqı müqavilələrinə dair üzərinə düşən öhdəlikləri yerinə yetirmədiyi üçün cavabdeh iddiaçı qarşısında məsuliyyət daşıyır və qeyd edilən maddi hüquq normalarına əsasən iddiaçının cavabdehə qarşı həmin müqavilə üzrə borcun tutulması tələbi əsaslıdır. Belə ki, iddiaçı bağlanmış alğı-satqı müqavilələrinə dair üzərinə düşən öhdəliyi yerinə yetirərək müqavilədə göstərilən malları borcluya vermişdir. Borclu isə alğı-satqı müqaviləsi üzrə üzərinə götürdüyü öhdəliyə uyğun olaraq ödəniş etməli olduğu halda bunu lazımınca etməmişdir. Odur ki, cavabdehdən alğısatqı müqavilələri üzrə ödənilməmiş 4161.25 manat məbləğində pul tutularaq iddiaçıya verilməlidir. Eyni zamanda işdən görünür ki, iddiaçı cavabdehdən öhdəliyin vaxtında və lazımınca icra edilməməsinə görə xx.xx.2024-cü il tarixli müqavilə üzrə 15.23 manat, xx.xx.2024-cü il tarixli müqavilə üzrə 17.89 manat, xx.xx.2024-cü il tarixli müqavilə üzrə 83.73 manat, xx.xx.2024-cü il tarixli müqavilə üzrə 88.8 manat, xx.xx.2024-cü il tarixli müqavilə üzrə 95.64 manat və xx.xx.2024-cü il tarixli müqavilə üzrə 114,83 manat məbləğində cərimə tutulmasını xahiş etmişdir. Tələb edilən cərimə məbləği ilə bağlı məhkəmə qeyd edir ki, tərəflərin mübahisəli hüquq münasibətləri üzrə iddia tələbi bu hissədə qismən əsaslıdır. Belə ki, dəbbə puluna görə cavabdehin məsuliyyətli olub-olmaması məsələsi ilə bağlı qeyd olunmalıdır ki, Mülki Məcəllənin 462.1-ci maddəsinə müvafiq olaraq, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Maddənin məzmunundan göründüyü kimi, dəbbə pulu öhdəliyin icrasının təmini üsulu olmaqla yanaşı, həm də borclunun öz öhdəliyini icra etməməsi və ya lazımınca icra etməməsinə görə tərəflərin müəyyən etdiyi məsuliyyət növüdür. Lakin nəzərə alınmalıdır ki, məsuliyyətin bir növü olaraq dəbbə pulunun ödənilməsini kreditor yalnız borclunun, təqsiri olduğu təqdirdə tələb edə bilər. Mülki Məcəllənin 462.2-ci maddəsinə əsasən, əgər borclu öhdəliyin icra edilməməsi və ya lazımınca icra edilməməsi üçün məsuliyyət daşımırsa, kreditor dəbbə pulunun ödənilməsini tələb edə bilməz. Mülki Məcəllənin 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Аzərbаycаn Respublikаsı Kоnstitusiyа Məhkəməsinin “Аzərbаycаn Respublikаsı Mülki Məcəlləsinin 449-cu mаddəsinin bəzi müddəаlаrının şərh оlunmаsınа dаir 09 iyul 2009-cu il tаrixli Plenum qərаrı”ndа göstərilmişdir ki, “digər tərəfdən, bоrclu şəxsin mülkiyyət mаrаqlаrı qоrunmаlı və оnun həddən аrtıq mаliyyə məsuliyyətinə cəlb оlunmаsının qаrşısı аlınmаlıdır”. Məhkəmə hesab edir ki, cərimənin miqdаrının çоx оlmаsı bоrclunun mülkiyyət mаrаqlаrının qоrunmаsı və оnun həddən аrtıq mаliyyə məsuliyyətinə cəlb оlunmаsının qаrşısının аlınmаsı bаxımındаn məqsədəmüvаfiq deyildir. Ona görə də məhkəmə hesаb edir ki, cаvаbdehdən öz öhdəliyini lаzımıncа yerinə yetirməməkdə ifаdə оlunаn ümumi mаrаqlа оnlаrın mülkiyyət hüquqlаrının müdаfiəsi аrаsındа ədаlətli tаrаzlığа nаil оlunmаsı bаxımındаn cərimənin miqdаrının аzаldılаrаq xx.xx.2024-cü il tarixli müqavilə üzrə 5 manat, xx.xx.2024-cü il tarixli müqavilə üzrə 7 manat, xx.xx.2024-cü il tarixli müqavilə üzrə 20 manat, xx.xx.2024-cü il tarixli müqavilə üzrə 20 manat, xx.xx.2024-cü il tarixli müqavilə üzrə 20 manat və xx.xx.2024-cü il tarixli müqavilə üzrə 30 manat olmaqla, cəmi 102 manat məbləğində müəyyən edilməsi məqsədəuyğun hesab oluna bilər. Bundan başqa, Azərbaycan Respublikası Mülki Prosessual Məcəlləsinin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. “Dövlət rüsumu haqqında” Azərbaycan Respublikası Qanunun 8.1.2-ci bəndinə əsasən iddia qiyməti 1.000 manatdan 10.000 manatadək olduqda - 30 manat + 1.000 manatdan yuxarı olan iddia qiymətinin 1 faizi məbləğində dövlət rüsumu ödənilməlidir. İş materiallarında olan qəbzdən görünür ki, iddiaçı qanunla nəzərdə tutulmuş dövlət rüsumunu düzgün ödəmişdir. Belə olan halda məhkəmə hesab edir ki, iddiaçı tərəfindən ödənilmiş dövlət rüsumunun iddianın təmin edilmiş hissəsinə mütənasib olan 62.63 manat hissəsi cavabdehdən alınaraq iddiaçının xeyrinə ödənilməlidir. Azərbaycan Respublikasının Mülki-Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Göstərilənləri və Azərbaycan Respublikasının Mülki Prosessual Məcəlləsinin 216- 220 və 222-ci, 284-1-284-6, 357 və 360-cı maddələrini maddələrini rəhbər tutaraq məhkəmə, Q Ə T E T D İ: İddia qismən təmin edilsin. Cavabdeh 4161,25 manat əsas borc, 102 manat cərimə olmaqla, cəmi 4263.25 (dörd min iki yüz altmış üç manat iyirmi beş qəpik) manat və ödənilmiş 62.63 manat dövlət rüsumu tutularaq İddiaçı xeyrinə ödənilsin. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Suraxanı Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim Məmməd Məmmədov