Daşkəsən Rayon Məhkəməsi Qətnamə — İş №e-2(5-118)-52/2026

Azərbaycan Respublikası adından Qətnamə Daşkəsən rayonu İş № e-2(5-118)-52/2026 11.03.2026 DAŞKƏSƏN RAYON MƏHKƏMƏSI Hakim Vəliyev Kənan Hafiz oğlu iddiaçı Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin cavabdeh Cavabdeh qarşı torpaq sahəsinə dair icarə haqqı tələbinə dair кiçik iddiası üzrə mülki işə sadələşdirilmiş icraat qaydasında baxaraq MÜƏYYƏN ETDİ : İddiaçı AR İN ƏMDX cavabdeh Cavabdeh qarşı iddia ərizəsi ilə məhkəməyə müraciət edərək, cavabdeh Cavabdeh qızından ##.##.2025-ci il tarixinə ödənilməli olan 77 manat məbləğində vəsaitin alınıb Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin hesabına ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284.1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir . Azərbaycan Respublikasının Mülki-Prosessual Məcəlləsinin 284-5.1-ci maddəsinə əsasən cavabdeh Cavabdeh qızına ## ###### 2025-ci il tarixli bildiriş göndərilərək, məhkəmə bildirişini rəsmi qaydada aldığı gündən 10 (on) iş günü müddətində iddiaçının tələbinə dair etiraz və mülahizələrini məhkəməyə təqdim etmək hüququ izah olunmuşdur. Lakin cavabdeh tərəfindən etiraz və mülahizə məhkəməyə daxil olmamışdır. İddia ərizəsindən görünür ki, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti ilə cavabdeh Cavabdeh qızı arasında bağlanılmış ##.##.2024-cü il tarixli, **** nömrəli icarə müqaviləsinə əsasən Daşkəsən şəhəri, H.Əliyev prospekti 8A ünvanında yerləşən dövlət mülkiyyətində olan 34 kv.m. torpaq sashəsi Cavabdeh icarəsinə verilmişdir. Həmin müqavilənin şərtlərinə əsasən cavabdeh öz üzərinə icarə haqqının vaxtında və tam həcmdə ödənilməsi vəzifəsini götürsə də, müqavilənin şərtinə əməl olunmamış, cavabdeh tərəfindən ötən müddət ərzində icarə obyektindən istifadə edilməsinə baxmayaraq icarəhaqqı ödənilməmiş və bununla da “Torpaq icarəsi haqqında” Azərbaycan Respublikası Qanununun 23-cü maddəsinin tələblərini pozulmuşdur. Müqavilə ləğv edilmədiyindən hal-hazırda qüvvədə olmaqla icarəçinin həmin müqavilə üzrə dövlət büdcəsinə ##.##.2025-ci il tarixinə ödənilməli olduğu 77 manat icarə haqqı borcu mövcuddur. Cavabdehə ##.##.2025-ci il tarixli, *-**-*/*-*****/**** nömrəli xəbərdarlıq məktubu ilə müraciət edilməsinə baxmayaraq cavabdeh məktubu qəbul etməkdən və icarəhaqqını ödəməkdən imtina etmişdir. Ona görə də, məhkəmədən tələbin təmin olunması barədə qətnamə çıxarılması xahiş edilmişdir. İşin hallarını, iddia tələbinin dəlillərini iş materialları ilə birlikdə araşdırıb və işin hallarına hüquqi qiymət verərək aşağıda qeyd edilənlərə əsasən məhkəmə hesab edir ki, iddia tələbi təmin edilməlidir. İş materiallarına əlavə olunmuş; “Özəlləşdirilən dövlət müəssisə və obyektlərinin, habelə hüquqi və fiziki şəxslər tərəfindən inşa edilmiş müəssisə və obyektlərin yerləşdiyi dövlət torpaq sahəsinin icarəyə verilməsi haqqında” ##.##.2024-cü il tarixli **** nömrəli müqaviləsinə görünür ki, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti tərəfindən Daşkəsən şəhəri, H.Əliyev prospekti 8A ünvanındaki qeyri-yaşayış binasının yerləşdiyi 34 kv.m. torpaq sahəsi icarəçi Cavabdeh qızı tərəfindən icarə şərtləri əsasında müvəqqəti istifadəyə qebul edilmişdir. ##.##.2025-ci il tarixli, *-**-*/*-*****/**** nömrəli xəbərdarlıq məktubundan görünür ki, Cavabdeh ##.##.2025-ci il tarixinə torpaq sahəsinə dair icarə haqqı borcu vardır. Müqavilə üzrə irəli gələn öhdəliklərin icrası ilə əlaqədar 7 iş günü ərzində ödəniş edilmədiyi təqdirdə aidiyyəti üzrə məhkəməyə müraciət ediləcəyi bildirilmişdir. ##.##.2025-ci il tarixli Şəxsi hesab vərəqəsindən görünür ki, Cavabdeh qızının Daşkəsən şəhəri, H.Əliyev prospekti 8A ünvanındaki torpaq sahəsinə dair icarə müqaviləsi üzrə 77 manat məbləğində icarə haqqı borcu vardır. ##.##.2025-ci il tarixli Aktdan görünür ki, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinın Gəncə ərazi şöbəsinin əməkdaşları tərəfindən vətəndaş Cavabdeh istifadəsində olan Daşkəsən şəhəri, H.Əliyev prospekti 80 ünvanındaki torpaq sahəsinə dair borcun ödənilməsi barədə ##.##.2025-ci il tarixli bildiriş məktubunun təqdim edilməsi üçün Daşkəsən şəhəri, H.Əliyev pr.8A ünvanına müraciət edilmiş, lakin istifadəçi bildirişi qəbul etməkdən imtina etmişdir. Məhkəmə baxışında işin faktiki halları ilə müəyyən edildi ki, iddiaçı Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti ilə cavabdeh Cavabdeh arasında bağlanılmış ##.##.2022-ci il tarixli, **** nömrəli icarə müqaviləsinə əsasən Daşkəsən şəhəri, H.Əliyev prospekti 80 ünvanında yerləşən dövlət mülkiyyətində olan 71.9 kv.m. torpaq sahəsi Cavabdeh icarəsinə verilmişdir. Həmin müqavilənin şərtlərinə əsasən cavabdeh öz üzərinə icarəhaqqının vaxtında və tam həcmdə ödəməmiş, nəticədə ##.##.2025-ci il tarixə 285 manat məbləğində torpaq icarəsinə dair borcu yaranmışdır. Bununla da, cavabdeh torpaq icarəsi müqaviləsinin və mülki qanunvericiliyin tələblərini kobud şəkildə pozmuşdur. Azərbaycan Respublikası Mülki Məcəlləsinin 700.1-ci maddəsinə əsasən, icarə müqaviləsi əmlak kirayəsi müqaviləsidir. Bu müqaviləyə görə kirayəyə verən (icarəyə verən) kirayəçiyə (icarəçiyə) icarəyə götürdüyü obyektdən və ya hüquqdan istifadə ilə yanaşı bəhərdən istifadə etmək və gəlir götürmək hüququ da verir. İcarəçi icarəyə verənə müəyyənləşdirilmiş icarə haqqı ödəməyə borcludur. Həmin Məcəllənin 706.1-ci maddəsinə əsasən, torpaq icarəsi müqaviləsinə əsasən icarəyə dövlət, bələdiyyə və xüsusi mülkiyyətdə olan bütün kateqoriyalara aid torpaqlar verilə bilər. 710.1-ci maddəsinə əsasən, torpaq icarəsi haqqı tərəflərin razılığı ilə müəyyənləşdirilir. 710.2-ci maddəsinə əsasən, dövlət və bələdiyyə mülkiyyətində olan torpaqların icarə haqqının aşağı həddi onların təyinatından, sahəsindən, coğrafi yerləşməsindən və keyfiyyətindən asılı olaraq müvafiq icra hakimiyyəti orqanı tərəfindən təsdiq edilmiş normativlər əsasında müəyyənləşdirilir. 710.3-cü maddəsinə əsasən, icarə haqqının ödənilməsi formaları və qaydaları torpaq icarəsi müqaviləsi ilə müəyyənləşdirilir. “Torpaq icarəsi haqqında” Azərbaycan Respublikası Qanununun 4-cü maddəsinə əsasən, torpaq üzərində icarə münasibətlərinin obyektləri dövlət, bələdiyyə və xüsusi mülkiyyətdə olan torpaqlardır. “Torpaq icarəsi haqqında” Azərbaycan Respublikası Qanununun 5-ci maddəsinə əsasən, dövlət torpaqları icarəyə verilərkən, onların hüquqi statusu, rejimi, məqsədli təyinatı nəzərə alınır, istifadəsi və mühafizəsi Azərbaycan Respublikasının torpaq qanunvericiliyi və digər qanunvericilik aktları ilə tənzimlənir. Həmin Qanunun 23-cü maddəsinə əsasən torpaq sahəsindən istifadəyə görə icarə haqqını, digər tədiyələri vaxtında ödəmək icarəçinin vəzifəsinə daxildir. Azərbaycan Respublikası “Dövlət rüsumu haqqında” qanunun 9.1.14-cü maddəsinə əsasən məhkəməyə iddia ərizəsinin, digər ərizənin və ya şikayətin verilməsinə, məhkəmə aktının surətinin təkrar verilməsinə görə dövlət rüsumunun ödənilməsindən, büdcə təşkilatları, bələdiyyələr azaddırlar. Qeyd olunanlara və iş ürzə tərərfin təqdim etdiyi sənədlərə əsasən məhkəmə hesab edir ki, iddia təmin edilməli, cavabdeh Cavabdeh ##.##.2024-cü il tarixli, **** nömrəli icarə müqaviləsinə əsasən Daşkəsən şəhəri, H.Əliyev prospekti 8A ünvanında yerləşən dövlət mülkiyyətində olan 34 kv.m. torpaq sahəsinə dair iacrə haqqı olaraq 77 manat məbləğində pul tutularaq Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin hesabına ödənilməlidir. Azərbaycan Respublikası MPM-nin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Azərbaycan Respublikası MPM-nin 217.3-cü maddəsinin tələblərinə görə, qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 217.4-cü maddəsinin tələblərinə görə, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəllləsinin 385-1, 284-1, 284-5 və 284-6-cı maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh Cavabdeh ##.##.2025-ci il tarixinə ödənilməli olan 77 manat məbləğində vəsait Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin xeyrinə tutularaq (VÖEN **********) Xidmətin Azərbaycan Respublikası X2 İdarəsindəki AZ53 NABZ ******************** saylı hesabına (kod501004, AZ74NABZ01451700000000001944 VÖEN **********, S.W.İ.F.T. bik NABZA2C) köçürülsün. Cavabdeh Cavabdeh qızından 30 manat dövlət rüsumu tutulub Azərbaycan Respublikası Mərkəzi Bankı - X1 ödənilsin. Qətnamədən rəsmi qaydada verildikdən sonra 1 ay müddətində “Elektron məhkəmə” informasiya sistemində yaradılmış elektron kabinet üzərindən Daşkəsən Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Hakim: Kənan Vəliyev