Kəlbəcər Rayon Məhkəməsi Qərardad — İş №e-2(5-133)-58/2026

Azərbaycan Respublikası adından QƏRARDAD Göygöl rayonu İş № e-2(5-133)-58/2026 19.02.2026 KƏLBƏCƏR RAYON MƏHKƏMƏSİ Hakim Qəniyev Həsən Salman oğlunun sədrliyi, Heydərov Turxan İsmixan oğlunun katibliyi ilə, Tərəflərin iştirakı olmadan İddiaçı “X1” Açıq Səhmdar Cəmiyyətinin Cavabdeh qarşı “kredit borcunun ödənilməsi tələbinə dair” iddiası üzrə mülki işə Kəlbəcər Rayon Məhkəməsinin binasında açıq məhkəmə iclasında baxaraq, müəyyənetdi: İddiaçı “X1” Açıq Səhmdar Cəmiyyəti Cavabdeh qarşı iddia ərizəsi ilə Kəlbəcər Rayon Məhkəməsinə müraciət edərək, Cavabdeh iddiaçı "xxxx" KB ASC-nin xeyrinə 10375,51 AZN (on min üç yüz yetmiş beş manat-51 qəpik) əsas, 655,50 AZN (altı yüz əlli beş manat-50 qəpik) faiz, 74,88 AZN (yetmiş dörd manat-88 qəpik) cərimə borcu olmaqla, cəmi 11105,89 AZN (on bir min yüz beş manat-89 qəpik) borcun 40 qəpik xidmət haqqının və dövlət rüsumu olaraq ödənilmiş 123,36 AZN (yüz iyirmi üç manat-36 qəpik) məbləğində vəsaitin tutulması barədə qətnamə çıxarılmasını xahiş etmişdir. İşin məhkəmə hazırlıq iclası 19 fevral 2026-cı il tarixə təyin edilmişdir. İddiaçı “X1” Açıq Səhmdar Cəmiyyətinin nümayəndəsi 27 yanvar 2026-cı il tarixdə “Elektron məhkəmə” informasiya sistemi vasitəsilə məhkəməyə ərizə göndərərək, müştərinin (Cavabdeh) 44nkXRD/25 saylı kredit müaviləsi üzrə bankla arasında razılaşma əldə edildiyi üçün mülki işin baxılmamış saxlanılmasını xahiş etmişdir. Cavabdeh məhkəmə iclasında iştirak etməmiş və işin mahiyyəti üzrə həll olunmasını tələb etməmişdir. Azərbaycan Respublikasının Mülki Prosessual Məcəlləsinin (bundan sonra- Mülki Prosessual Məcəllə) 259.0.11-ci maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə iddia ərizəsini baxılmamış saxlayır. Məhkəmə hesab edir ki, iddiaçının hazırki ərizəsi nəzərə alınmalı, iddiaçı “X1” Açıq Səhmdar Cəmiyyətinin Cavabdeh qarşı “kredit borcunun ödənilməsi tələbinə dair” iddia ərizəsi və ona əlavə edilmiş sənədlər Mülki Prosessual Məcəllənin 259.0.11-ci maddəsinə əsasən baxılmadan geri (iddiaçıya) qaytarılmalıdır. Həmçinin, iddiaçı tərəfindən dövlət büdcəsinə ödənilmiş 123,36 AZN (yüz iyirmi üç manat-36 qəpik) dövlət rüsumu iddiaçıya qaytarılmalıdır. Yuxarıda şərh olunanlara əsasən və Azərbaycan Respublikasının Mülki Prosessual Məcəlləsinin 263-264-cü maddələrini rəhbər tutaraq, məhkəmə qəraraaldı: İddiaçı “X1” Açıq Səhmdar Cəmiyyətinin Cavabdeh qarşı “kredit borcunun ödənilməsi tələbinə dair” iddia ərizəsi və ona əlavə edilmiş sənədlər Azərbaycan Respublikasının Mülki Prosessual Məcəlləsinin 259.0.11-ci maddəsinə əsasən baxılmadan geri qaytarılsın. İddiaçı tərəfindən dövlət büdcəsinə ödənilmiş 123,36 AZN (yüz iyirmi üç manat-36 qəpik) dövlət rüsumu iddiaçıya qaytarılsın. Qərardaddan, surəti rəsmi qaydada verildiyi gündən 10 (on) gün müddətində “Elektron məhkəmə” informasiya sistemində yaradılan elektron kabinet vasitəsi ilə (elektron formada) Kəlbəcər Rayon Məhkəməsinə şikayət verilə bilər. Hakim: Həsən Qəniyev