Qusar Rayon Məhkəməsi Qərardad — İş №e-2(5-141)-122/2026

Azərbaycan Respublikası adından QƏRARDAD Qusar şəhəri İş № e-2(5-141)-122/2026 02.03.2026 QUSAR RAYON MƏHKƏMƏSİ Hakim Səfərli Günel Adil qızının sədrliyi ilə, İddiaçı "xxxx" ASC-nin Cavabdeh qarşı müqavilə üzrə yaranmış borc tələbinə dair mülki işə kiçik iddialara dair sadələşdirilmiş icraat qaydasında baxaraq, məhkəmə Müəyyən etdi: İddiaçı "xxxx" ASC -nin Cavabdeh qarşı müqavilə üzrə yaranmış borc tələbinə dair kiçik mübahisələr üzrə iddia ərizəsi ilə məhkəməyə müraciət etmişdir. Bundan başqa, iddiaçı "xxxx" ASC-nin Problemli Kreditlər Departamentinin nümayəndəsi məhkəməyə ərizə göndərərək mübahisənin məhkəmə qaydasında həllinə zərurətin hələlik aradan qalxdığı üçün iddiadan imtina etdiyini, iddia ərizəsinin və ona əlavə olunmuş sənədlərin, dövlət rüsumu ilə birlikdə geri qaytarılmasını məhkəmədən xahiş etmişdir. Azərbaycan Respublikasının MPM-in 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Məhkəmə hesab edir ki, iddiaçı tərəfindən işə baxılmasından imtina edildiyindən mülki iş baxılmamış saxlanmalıdır. Azərbaycan Respublikasının MPM-in 114.1, 114.1.3-cü maddələrinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. İddiaçı "xxxx" ASC tərəfindən dövlət rüsumu kimi ödənilmiş, xx.xx.2026-cı il tarixli, ********** saylı qəbz üzrə 31,09 manat məbləğində dövlət rüsumu iddiaçı "xxxx" ASC-yə qaytarılmalıdır. Yuxarıda göstərilənlərə əsasən və Azərbaycan Respublikası MPM-in 259, 263, 264, 267-268-ci maddələrini rəhbər tutaraq, məhkəmə Qərara aldı: İddiaçı "xxxx" ASC-nin Cavabdeh qarşı müqavilə üzrə yaranmış borc tələbinə dair iddiası üzrə mülki iş baxılmamış saxlanılsın və iddia ərizəsi ona əlavə olunmuş sənədlərlə birlikdə geri qaytarılsın. İddiaçı "xxxx" ASC tərəfindən dövlət rüsumu kimi ödənilmiş, xx.xx.2026-cı il tarixli, ********** saylı qəbz üzrə 31,09 manat məbləğində dövlət rüsumu iddiaçı "xxxx" ASC-yə qaytarılsın. Dövlət rüsumunun qaytarılmasına dair hissədə qərarın icrası Azərbaycan Respublikası Maliyyə Nazirliyinin Qusar rayon maliyyə şöbəsinə həvalə edilsin. Qərardaddan tərəfə rəsmi qaydada verildikdən sonra 10 (on) gün müddətində Qusar rayon məhkəməsinə şikayət vermək olar. Sədrlik edən: Günel Səfərli