Bakı Şəhəri Binəqədi Rayon Məhkəməsi Qərardad — İş №2(001)-1358/2023

Azərbaycan Respublikası adından QƏRARDAD Bakı şəhəri İş № 2(001)-1358/2023 22.02.2023 BAKI ŞƏHƏRİ BİNƏQƏDİ RAYON MƏHKƏMƏSİ Hakim Mustafayev Etibar Mustafa oğlunun sədrliyi, X2 katibliyi ilə, Ərizəçi “şəxsin fəaliyyət qabiliyyəti olmayan hesab edilməsi” barədə ərizəsi üzrə mülki işə 22 fevral 2023-cü il tarixdə açıq məhkəmə iclasında baxaraq, M Ü Ə Y Y Ə N E T D İ: Ərizəçi “şəxsin fəaliyyət qabiliyyəti olmayan hesab edilməsi” barədə ərizə ilə məhkəməyə müaciət edərək, 24 may 2001-ci il tarixdə doğulmuş X1 fəaliyyət qabiliyyəti olmayan hesab edilməsi barədə təqnamə çıxarılmasını xahiş etmişdir. İddia tələbi üzrə məhkəmənin hazırlıq iclası 03 fevral 2023-cü il tarixə, saat 11:40-a təyin edilmiş, bu barədə müvafiq bildiriş həm ərizəçinin, həm də maraqlı şəxsin ünvanına poçt vasitəsilə göndərilmiş, həmçinin ərizəçinin mobil telefonuna sms vasitəsilə göndərilmişdir. 03 fevral 2023-cü il tarixdə keçirilmiş hazırlıq iclasında tərəflər iştirak etməmiş, məhkəmə iclası tərəflərin iştirakının təmin edilməsi məqsədilə 22 fevral 2023-cü il tarixə, saat 12:45-ə təxirə salınmışdır. Bu barədə müvafiq bildiriş həm tərəflərin ünvanın poçt vasitəsilə, həmçinin, ərizəçinin mobil nömrəsinə sms bildirişlə göndərilsə də, bu iclasda da tərəflər iştirak etməmişdirlər. Azərbaycan Respublikası Mülki – Prosessual Məcəlləsinin 259.0 və 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. “Azərbaycan Respublikası Ali Məhkəməsi Plenumunun bəzi qərarlarında dəyişikliklər edilməsi haqqında” Azərbaycan Respublikası Ali Məhkəməsi Plenumunun 24 dekabr 2021-ci il tarixli, 12 nömrəli Qərarının 5.1-ci bəndində göstərilmişdir ki, məhkəmələrə izah edilsin ki, Azərbaycan Respublikası MPM-nin 259.0.1 - 259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259, 263, 264, 267 və 268-ci maddələrini rəhbər tutaraq, məhkəmə QƏRARAALDİ: Ərizəçi “şəxsin fəaliyyət qabiliyyəti olmayan hesab edilməsi” barədə ərizəsi baxılmamış saxlanılsın. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Etibar Mustafayev