Bakı Şəhəri Binəqədi Rayon Məhkəməsi Qərardad — İş №2(001)-1487/2023

Azərbaycan Respublikası adından QƏRARDAD Bakı şəhəri İş № 2(001)-1487/2023 24.01.2023 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Mustafayev Etibar Mustafa oğlu, İddiaçı Cavabdeh1, Cavabdeh3 və Cavabdeh2 qarşı “əqdin etibarsız sayılması və əmlakın qaytarılması” tələbinə dair iddia ərizəsini və əlavə olunmuş sənədləri 24 yanvar 2023-cü il tarixdə, Bakı şəhəri Binəqədi Rayon Məhkəməsinin inzibati binasında nəzərdən keçirərək, M Ü Ə Y Y Ə N E T D İ M: İddiaçı Cavabdeh1, Cavabdeh3 və Cavabdeh2 qarşı iddia ərizəsi ilə məhkəməyə müraciət edərək, Cavabdeh1 adına verilmiş 23 noyabr 2022-ci il tarixli, 7E20549 reyestr nömrəli etibarnamənin əhəmiyyətsiz əqd kimi etibarsız sayılması və avtomobilin ona qaytarılması barədə qətnamə çıxarılmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək hesab edirəm ki, iddia ərizəsi aşağıdakılara əsasən geri qaytarılmalıdır. Belə ki, Azərbaycan Respublikası Mülki Prosessual Məcəlləsinin (MPM): - 149.2, 149.2.2-ci maddəsinə əsasən, iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. - 149.2.3-cü maddəsinə əsasən, iddia ərizəsində iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Hazırki iddia ərizəsində cavabdehlərdən Cavabdeh3 yaşayış ünvanı kimi Salyan rayonu, Qaracala qəsəbəsi göstərilsə də, bunu təsdiq edən hər hansı sübut ərizəyə qoşma edilməmişdir. Beləliklə də, Cavabdeh3 yaşayış yeri məlumatlarının dəqiqləşdirilməsi mümkün deyildir. Halbu ki, nəzərə alınmalıdır ki, iddia ərizəsində tərəflərin şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı) ünvanının göstərilməli olması ilə bağlı tələb onun məhkəmə icraatı barədə lazımi qaydada məlumatlandırılması məqsədinə xidmət edir və belə məlumatların natamam olması həmin məqsədə çatılmasını çətinləşdirir. Digər tərəfdən, iddia tələbini iddiaçı tərəfindən cavabdehlərdən Cavabdeh1 verilmiş etibarnamənin ləğv edilməsi, avtomobilin qaytarılması təşkil edir ki, iddia ərizəsinin məzmunundan görünür ki avtomobil Cavabdeh3 istifadəsindədir. Bu baxımdan iddia tələbinin avtomobilin qaytarılması hissəsində Cavabdeh3 də yönəlməsi nəzərə alına bilər. MPM-in 50.3-cü maddəsinə əsasən iddia tələbinin yönəldiyi fiziki və hüquqi şəxslər cavabdeh hesab olunurlar. Lakin, Cavabdeh2 qarşı yönələn tələbin əsası kimi istinad olunan fakt və hallar və onları təsdiq edən sübutlar MPM-in 149.2.3-cü maddəsinin tələbləri pozularaq göstərilməmişdir. Bununla yanaşı MPM-in 150.1.1-ci maddəsinin və 150.1.5-ci maddəsinin .tələblərinə zidd olaraq cavabdehlərin və üçüncü şəxslərin sayına görə iddia ərizəsinin surətləri (iddia ərizəsi elektron formada verildiyi hal istisna olmaqla) habelə iddia ərizəsi elektron qaydada verildiyi hal istisna olmaqla, iddia ərizəsində göstərilən bütün yazılı sübutların işdə iştirak edən şəxslərin sayına görə surətləri iddia ərizəsinə əlavə edilməmişdir. Azərbaycan Respublikasının Mülki Prosessual Məcəlləsinin 152.1 və 152.1.1-ci maddələrinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 267 və 268-ci maddələrini rəhbər tutaraq, məhkəmə QƏRARAALDİM: İddiaçı Cavabdeh1, Cavabdeh3 və Cavabdeh2 qarşı “əqdin etibarsız sayılması və əmlakın qaytarılması” tələbinə dair iddia ərizəsi və ona əlavə edilmiş sənədlər geri qaytarılsın. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Etibar Mustafayev