Bakı Şəhəri Binəqədi Rayon Məhkəməsi Qərardad — İş №2(001)-6148/2021

Azərbaycan Respublikası adından QƏRARDAD Bakı şəhəri İş № 2(001)-6148/2021 04.10.2021 BAKI ŞƏHƏRİ BİNƏQƏDİ RAYON MƏHKƏMƏSİ hakim Mustafayev Etibar Mustafa oğlunun sədrliyi X2 oğlunun katibliyi ilə, İddiaçı şirkətinin Cavabdeh qarşı “özbaşına tikilidən çıxarılma və s.” tələbinə dair iddia ərizəsi üzrə mülki işə 04 oktyabr 2021-ci il tarixdə məhkəmənin inzibati binasında açıq məhkəmə iclasında baxaraq MÜƏYYƏN ETDİ: İddiaçı şirkəti Cavabdeh qarşı “özbaşına tikilidən çıxarılma və s.” tələbinə dair iddia ərizəsi ilə məhkəməyə müraciət etmişdir. İddia ərizəsi icraata qəbul edildikdən sonra müəyyən edilmişdir ki, Cavabdeh xx xxxx 2005-ci il təvəllüdlü olmaqla yetkinlik yaşına çatmamışdır. Məhkəmənin 10 sentyabr 2021-ci il tarixə təyin edilmiş iclasında iddiaçının nümayəndəsi X1 cavabdehin dəqiqləşdirilməsi ilə bağlı məhkəmə iclasının təxirə salınmasını xahiş etsə də, növbəti iclasa gəlməmiş, cavabdehin dəqiqləşdirilməsi ilə bağlı məhkəməyə heç bir sübut təqdim etməmişdir. Azərbaycan Respublikası Mülki-Prosessual Məcəlləsinin: - 149.2.3-cü və 149.2.4-cü maddələrinə əsasən iddia ərizəsində iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb, habelə müqavilə ilə və ya həmin kateqoriya işlər üçün qanunla bu nəzərdə tutulmuşsa, cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair məlumat göstərilməlidir. - 259.0.12-ci maddəsinə əsasən bu Məcəllənin 149-cu maddəsində nəzərdə tutulmuş tələblər göstərilmədən, eləcə də bu Məcəllənin 150.0.1—150.0.3-cü maddələrində göstərilən sənədlər əlavə edilmədən verildikdə iddiaçı hakim tərəfindən müəyyən edilmiş müddətdə işin mahiyyəti üzrə baxılmasına və həll edilməsinə maneçilik törədən həmin nöqsanları aradan qaldırmadıqda, məhkəmə ərizəni baxılmamış saxlayır; Məhkəmə hesab edir ki, hazırki halda iddia ərizəsi baxılmamış saxlanmalıdır. Qeyd olanlara əsasən və Azərbaycan Respublikası MPM-nin 259-260-cı, 263-264cü maddələrini rəhbər tutaraq, QƏRARA ALDİМ: İddiaçı şirkətinin Cavabdeh qarşı “özbaşına tikilidən çıxarılma və s.” tələbinə dair iddia ərizəsi baxılmamış saxlanılsın. Qərardaddan rəsmi qaydada verildikdən sonra 10 (on) gün müddətində Bakı şəhər Binəqədi Rayon Məhkəməsinə şikayət verilə bilər. Hakim Etibar Mustafayev