Bakı Şəhəri Binəqədi Rayon Məhkəməsi Qərardad — İş №2(001)-7186/2020

Azərbaycan Respublikası adından QƏRARDAD Bakı şəhəri İş № 2(001)-7186/2020 11.12.2020 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Hətəmzadə Fərid Eldar oğlu, İddiaçı cavabdeh “Cavabdeh” İstehsalat Birliyinə qarşı “istehlakçı hüquqlarının müdafiəsi və əsassız borcun silinməsi” tələbi barədə iddia ərizəsini və ona əlavə olunmuş sənədləri nəzərdən keçirərək, M Ü Ə Y Y Ə N E T D İ M: İddiaçı cavabdeh “Cavabdeh” İstehsalat Birliyinə qarşı “istehlakçı hüquqlarının müdafiəsi və əsassız borcun silinməsi” tələbi barədə iddia ərizəsi ilə məhkəməyə müraciət edərək, Bakı şəhəri, Binəqədi rayonu, Binəqədi kəndi üzrə ona məxsus fərdi yaşayış evinə dair tərtib edilmiş xx xxxxxxxx 2018-ci il tarixli, ******* saylı aktın qanunsuz hesab etməklə qazdan istifadəyə görə hesablanmış 1.944 manat qanunsuz borcun silinməsi barədə qətnamə qəbul edilməsini xahiş etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi mülki prosessual qanunvericiliyin tələblərinə riayət edilmədən verildiyinə görə geri qaytarılmalıdır. Binəqədi Rayon Məhkəməsinin məsləhətçiləri vəzifəsində işləyən X1, X2 və X3 xx.xx.2020-ci il tarixində akt tərtib edərək iddiaçı tərəfindən iddia ərizəsinin qoşma hissəsində göstərilmiş sənədlərin ərizəyə əlavə edilmədiyini öz imzaları ilə təsdiq etmişlər. Belə olan halda aydın olur ki, iddia ərizəsinə qoşma kimi əlavə edilmiş sənədlər siyahısında “şəxsiyyət vəsiqəsinin surəti, iddia ərizəsinin surəti, barəsində tərtib edilmiş aktlar və “Asan-xidmət” mərkəzindən borcun vaxtlı-vaxtında ödənilməsi barədə abonentin saldosu” adlı sənədlər göstərilsə də, həmin sənədlər ərizəyə əlavə edilməmişdir. Halbuki, Azərbaycan Respublikası Mülki Prosessual Məcəlləsinin: 149.2.5-ci maddəsinə əsasən ərizədə - ərizəyə əlavə edilən sənədlərin siyahısı göstərilməlidir. 150.0.1-ci maddəsinə əsasən, cavabdehlərin və üçüncü şəxslərin sayına görə iddia ərizəsinin surətləri iddia ərizəsinə əlavə edilməlidir. 150.0.5-ci maddəsinə əsasən, iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri iddia ərizəsinə əlavə edilməlidir. 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. 152.2-ci maddəsinə əsasən iddia ərizəsinin qaytarılması haqqında hakim qərardad çıxarır; 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göründüyü kimi qeyd edilən normaların tələblərinə baxmayaraq, iddia ərizəsinə cavabdehlərin və üçüncü şəxslərin sayına görə iddia ərizəsinin surətləri, eləcə də, iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri əlavə edilməli olduğu halda, iddiaçı tərəfindən həmin tələblərə əməl edilməmişdir. Ona görə də belə qənaətə gəlirəm ki, iddia ərizəsi mülki prosessual qanunvericiliyin tələblərinə riayət edilmədən verildiyinə görə geri qaytarılmalı və iddiaçıya göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququnun olması izah olunmalıdır. Yuxarıda qeyd olunanları nəzərə alaraq və Azərbaycan Respublikası Mülki- Prosessual Məcəlləsinin 152, 263-264-cü maddələrini rəhbər tutaraq QƏRARA A L D İ M: İddiaçı cavabdeh “Cavabdeh” İstehsalat Birliyinə qarşı “istehlakçı hüquqlarının müdafiəsi və əsassız borcun silinməsi” tələbi barədə iddia ərizəsi və ona əlavə edilmiş sənədlər geri qaytarılsın. İddiaçıya qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququnun olması izah olunsun. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Fərid Hətəmzadə