Bakı Şəhəri Binəqədi Rayon Məhkəməsi Qərardad — İş №2(001)-7186/2024

Azərbaycan Respublikası adından QƏRARDAD Bakı şəhəri İş № 2(001)-7186/2024 23.12.2024 BAKI ŞƏHƏRİ BİNƏQƏDİ RAYON MƏHKƏMƏSİ Hakim Əliyev İlkin Əli oğlunun sədrliyi, Rəhimov Elçin Əhəd oğlunun katibliyi ilə İddiaçılar İddiaçı1, Əhmədova (Süleymanova) Minayə Şükür qızının, Salmanova (Süleymanova) Aynurə Şükür qızının, İbrahimova (Süleymanova) Aynurə Şükür qızının, İbrahimova (Süleymanova) Nuranə Şükür qızının və İddiaçı5 Cavabdeh qarşı “müqavilənin ləğvi” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçılar İddiaçı1, Əhmədova (Süleymanova) Minayə Şükür qızı, Salmanova (Süleymanova) Aynurə Şükür qızı, İbrahimova (Süleymanova) Aynurə Şükür qızı, İbrahimova (Süleymanova) Nuranə Şükür qızı və İddiaçı5 iddia ərizəsi ilə məhkəməyə müraciət edərək, məhkəmədən Samux rayon Aqrar islahat Komissiyasının 1997-ci il 15 dekabr tarixli, 08 nömrəli qərarına və torpağın mülkiyyətə verilməsinə dair JN229 nömrəli dövlət aktına əsasən mülkiyyətlərinə verilən 2.16 ha torpaq sahəsi üzrə Samux rayon Dövlət Notariat Kontorunda xx.xx.2007-ci il tarixində iştirak və imzaları olmadan bağlanmış alğı-satqı müqaviləsinin ləğv edilməsinə dair qətnamə qəbul edilməsini xahiş etmişdir. İddiaçı1 xx.xx.2024-cü il tarixində elektron qaydada məhkəməyə ərizə ünvanlayaraq, iddia ərizəsinin baxılmamış saxlanmasını, sənədlərin geri qaytarılmasını xahiş etmişdir. Məhkəmə iclasının vaxtı və yeri barədə lazımi qaydada xəbərdar edilmiş cavabdeh məhkəməyə gəlməmiş və gəlməməsinin səbəbləri barədə məlumat verməmişdir. Məhkəmə Azərbaycan Respublikası Mülki-Prosessual Məcəlləsinin 185.5-ci maddəsinə əsasən məhkəmə iclasının onun iştirakı olmadan keçirilməsini mümkün hesab etmişdir. Məhkəmə ərizəni və mülki iş materiallarını nəzərdən keçirərək hesab edir ki, aşağıdakılara əsasən iddia ərizəsi geri qaytarılmalıdır. Azərbaycan Respublikası Mülki-Prosessual Məcəlləsinin(bundan sonra MPM): 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu geri qaytarılır. 170.1-ci maddəsinə əsasən bu Məcəllənin 254, 255, 261.0.1—261.0.3 və 261.0.6— 261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. 170.2-ci maddəsinə əsasən işin məhkəmə baxışına hazırlanmasının dayandırılması və ya xitam verilməsi zamanı hakim qərardad çıxarır. 170.3-cü maddəsinə əsasən bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, məhkəmə ərizəni baxılmamış saxlayır. Məhkəmə hesab edir ki, iddiaçı tərəfindən iddia ərizəsinin baxılmamış saxlanılması barədə ərizə verildiyindən mülki işin icraatı hazırlıq mərhələsində olduğuna görə iddia ərizəsi və ona əlavə edilən sənədlər(elektron qaydada təqdim edilmiş sənədlər istisna olmaqla), o cümlədən ödənilmiş 100 manat məbləğində dövlət rüsumu iddiaçıya geri qaytarılmalıdır. Şərh olunanlara əsaslanaraq və Azərbaycan Respublikası MPM-nin 170, 263-264cü, 267-268-ci maddələrini rəhbər tutaraq,məhkəmə QƏRARA ALDİ: İddiaçılar İddiaçı1, Əhmədova (Süleymanova) Minayə Şükür qızının, Salmanova (Süleymanova) Aynurə Şükür qızının, İbrahimova (Süleymanova) Aynurə Şükür qızının, İbrahimova (Süleymanova) Nuranə Şükür qızının və İddiaçı5 Cavabdeh qarşı “müqavilənin ləğvi” tələbinə dair iddia ərizəsi, ona əlavə edilmiş sənədlər, o cümlədən 100(yüz) manat məbləğində dövlət rüsumu İddiaçı1 geri qaytarılsın. Qərardaddan 10 (on) gün müddətində Bakı şəhəri Binəqədi Rayon Məhkəməsinə şikayət verilə bilər. Hakim İlkin Əliyev