Bakı şəhəri Qaradağ Rayon Məhkəməsi Qərardad — İş №2(002)-2030/2021

Azərbaycan Respublikası adından QƏRARDAD Bakı şəhəri İş № 2(002)-2030/2021 16.06.2021 BAKI ŞƏHƏRİ QARADAĞ RAYON MƏHKƏMƏSİ Hakim Həşimova Günay Rövşən qızı, Ərizəçi ərizəsini nəzərdən keçirib, MÜƏYYƏN ETDİ: Ərizəçi maraqlı şəxs qismində Azərbaycan Respublikası Daşınmaz Əmlakının Dövlət Reyestri Xidmətinin 1 saylı Bakı Ərazı İdarəsini qeyd etməklə,hüquqi əhəmiyyətli faktın müəyyən edilməsi tələbinə dair ərizə ilə məhkəməyə müraciət edərək, ünvan 1 ünvanda yerləşən fərdi yaşayış evinə və torpaq sahəsinə dair hüquq müəyyənedici sənədlər Qaradağ rayon X1 İcraiyyə Komitəsinin “Fərdi yaşayış evinin tikilməsi üçün torpaq sahəsinin ayrılmasına dair” 31 mart 1989-cu il tarixli 27/139 saylı Qərarından Çıxarışın və Şəxsi mülkiyyət hüququ ilə evlərin texniki invertarizasiya və qiymətləndirilməsinə dair Pasportun ona--Azərbaycan Respublikası, Cəlilabad rayonu, Sərhədabad kəndi, xx.xx.1935-ci il təvəllüdlü Ərizəçi məxsus olması faktının müəyyən edilməsinə dair qətnamə qəbul edilməsini xahiş etmişdir. Ərizəsini nəzərdən keçirərək məhkəmə hesab edir ki, ərizə geri qaytarılmalıdır. Belə ki ərizə Azərbaycan Respublikasının Mülki Prosessual Məcəlləsinin tələblərinə uyğun verilməmişdir. Azərbaycan Respublikasının Mülki Prosessual Məcəlləsinin 149-cu maddəsində iddia ərizəsinin forması və məzmunu təsbit olunmuşdur:149.2.5-ci maddəyə əsasən iddia ərizəsində ərizəyə əlavə edilən sənədlərin siyahısı göstərilməlidir. Azərbaycan Respublikasının Mülki Prosessual Məcəlləsinin 150.0.5. -ci maddəsinə əsasən iddia ərizəsinə iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri əlavə edilir. Həmin Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Qaradağ rayon məhkəməsinin dəftərxana işçiləri tərəfindən tərtib olunmuş aktın məzmunundan göründüyü kimi, Ərizəçi ərizəsinin qoşma hissəsində Qaradağ rayon X1 İcraiyyə Komitəsinin “Fərdi yaşayış evinin tikilməsi üçün torpaq sahəsinin ayrılmasına dair” 31 mart 1989-cu il tarixli 27/139 saylı Qərarından Çıxarışının təsdiq edilmiş surəti göstərilsə də, ərizəyə əlavə olunmuş sənədlərdə adı çəkilən sənədin olması aşkar edilməmişdir. Məhkəmə hesab edir ki, ərizəçi ərizədə həmin sənədin ərizəçiyə məxsus olması faktinin müəyyən edilməsini xahiş etdiyindən, hazırki halda ərizə geri qaytarılmalıdır. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə iddia ərizəsi geri qaytarılır. Hazırkı iddia ərizəsindən göründüyü kimi, iddia ərizəsi (ərizə) Azərbaycan Respublikasının Mülki Prosessual Məcəllənin 149, 150-ci maddələrində təsbit olunan qaydalara əməl edilməmişdir. İddia ərizəsi (ərizə) prosessual qanunvericiliyin tələblərinə riayət edilmədən verildiyindən sözü gedən nöqsanlar aradan qaldırılması üçün iddia ərizəsi (ərizə) və ona əlavə edilmiş sənədlər geri qaytarılmalıdır. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Həmin Məcəllənin 114.1 və 114.1.3-cü maddələrinə əsasən ödənilmiş dövlət rüsumu bu Məcəllə ilə nəzərdə tutulmuş əsaslarla ərizə geri qaytarılarsa qaytarılır Qeyd olunanlara əsasən və Azərbaycan Respublikası Mülki Prosessual Məcəlləsinin 149-152-ci maddələrini rəhbər tutaraq, QƏRARA ALDİ: Ərizəçi ərizəsi, ona əlavə edilmiş sənədlər və ödənilmiş 10(on) manat dövlət rüsumu geri qaytarılsın. Ərizəçiyə izah edilsin ki, ərizənin qaytarılması nöqsanları aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad rəsmi qaydada verildikdən sonra qərardaddan 10 (on) gün müddətində Bakı şəhəri Qaradağ Rayon Məhkəməsinə şikayət verilə bilər. Hakim: Günay Həşimova