Bakı şəhəri Qaradağ Rayon Məhkəməsi Qərardad — İş №2(002)-2485/2024

Azərbaycan Respublikası adından QƏRARDAD Bakı şəhəri İş № 2(002)-2485/2024 11.07.2024 BAKI ŞƏHƏRİ QARADAĞ RAYON MƏHKƏMƏSİ Hakim Əbilov Qamət Mehman oğlu Ərizəçi maraqlı şəxs Azərbaycan Respublikası Müdafiə Nazirliyinə qarşı “sənədlərin ona məxsus olması” barədə ərizəsini və ona əlavə olunmuş sənədləri nəzərdən keçirib, MÜƏYYƏN ETDİ: Ərizəçi maraqlı şəxs Azərbaycan Respublikası Müdafiə Nazirliyinə qarşı “hərbi sənədlərin ona məxsus olması” barədə ərizə ilə məhkəməyə müraciət edərək, Azərbaycan Respublikası Müdafiə Nazirliyinin Katibliyi Mərkəzi Arxivindəolan:N nömrəli hərbi hissənin şəxsi heyətinin əlifba qeydiyyatı kitabında (əsas: səh 44, sıra 50) “1972” kimi göstərilmiş təvəllüdümün “1971” kimi oxunması, N nömrəli hərbi hissə komandirinin xx.xx.1992-ci il tarixli, 97 nömrəli əmrində (əsas: səh 2, § 3, sıra 14) “Cəmil” kimi göstərilmiş adımın “Cəlil” kimi oxunması, N nömrəli hərbi hissə komandirinin xx.xx.1992-ci il tarixli, 145 nömrəli əmrində (əsas: səh 23,§ 10, sıra 6) “Calal” kimi göstərilmiş adımın “Cəlil” kimi “Şıxbala” kimi göstərilmiş ata adımın “Şahbala” kimi oxunması, N nömrəli hərbi hissə komandirinin xx.xx.1993-cü il tarixli, 158 nömrəli əmrində (əsas: səh 18, § 3, sıra 18) “Al.” kimi göstərilmiş ata adımın “Şahbala” kimi oxunması , N nömrəli hərbi hissə komandirinin xx.xx.1996-cı il tarixli, 187 nömrəli əmrində (əsas: səh 38, § 2) “Cəmil” kimi göstərilmiş adının “Cəlil” kimi oxunması barədə qətnamənin qəbul olunmnmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək məhkəmə hesab edir ki, həmin məsələyə məhkəmədə baxılmalı olmadığından, iddianın yolverilməzliyinə görə iddia ərizəsini qəbul etməkdən imtina edilməlidir. Azərbaycan Respublikası Ali Məhkəməsi Plenumunun “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” 12 aprel 2019-cu il tarixli qərarında qeyd edilmişdir ki, nəzərə alınmalıdır ki, məhkəmə hər hansı faktı deyil, yalnız qanunvericiliklə müəyyən hüquqi nəticələrə, yəni şəxsi və ya əmlak hüquqlarının yaranmasına, dəyişməsinə və yaxud xitamına səbəb olan faktları müəyyən edir. Məhkəmə qaydasında müəyyən edilən faktların hüquqi əhəmiyyəti maddi hüquq normaları ilə (mülki, mənzil, pensiya qanunvericiliyi və s.) müəyyən edilir. Hüquqi əhəmiyyəti olmayan faktın müəyyən edilməsi barədə ərizələrin icraata qəbulundan məhkəmə MPM-nin 153.2.1-ci maddəsinin tələbinə əsasən imtina etməli, əgər belə ərizə səhvən icraata götürülmüşdürsə, MPM-nin 261.0.1-ci maddəsinə əsasən iş üzrə icraata xitam verilməlidir. Həmin Qərarın 14-cü bəndinə əsasən məhkəmələr nəzərə almalıdırlar ki, müvafiq qanunvericiliklə başqa qaydada müəyyən edilməsi nəzərdə tutulan hərbi xidmət keçmə, döyüş əməliyyatlarında iştirak etmə, döyüşlərdə yaralanma, müharibə iştirakçısı, müharibə veteranı kimi tanınma, əmək qabiliyyətinin itirilməsinin səbəb və dərəcəsi, əlilliyin baş verməsi anı və əlillik qrupları, xəstəyə qulluq etmə, yaşın müəyyən edilməsi, eləcə də, hər hansı təhsil müəssisəsini bitirmə kimi hüquqi əhəmiyyətli faktların məhkəmə qaydasında müəyyən edilməsi yolverilməzdir. Lakin qeyd edilməlidir ki, hərbi xidmət dövründə döyüşlərdə yaralanma, müalicədə olma və s. barədə hərbi hissələr, hərbi komissarlıqlar, hospitallar tərəfindən verilmiş arayışların, bildirişlərin və digər sənədlərin şəxsə məxsus olması faktı məhkəmələr tərəfindən xüsusi icraat qaydasında müəyyən oluna bilər. Həmçinin Azərbaycan Respublikası Mülki Prosessual Məcəlləsinin 307.2.5-ci maddəsinə əsasən şəxsin sənəddə göstərilən adı, atasının adı və ya soyadı onun şəxsiyyətini təsdiq edən sənəddə göstərilən adı, atasının adı və ya soyadı ilə düz gəlmədiyi halda hüquq müəyyənedici sənədlərin (həmkarlar ittifaqı və digər ictimai birliklərin, siyasi partiyaların bileti, hərbi sənədlər, pasport və müvafiq icra hakimiyyəti orqanları tərəfindən verilən şəhadətnamələrdən başqa) həmin şəxsə məxsus olması faktını müəyyən edir. Azərbaycan Respublikası Mülki Prosessual Məcəlləsinin 153.2 və 153.2.1-ci maddələrinə əsasən ərizə məhkəmə qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir. Belə ki, hazırki ərizədən göründüyü kimi hərbi hissənin müxtəlif əmrlərində və digər sənədlərində ərizəçinin adı, soyadı, ata adı yanlış yazıldığından ərizəçi ərizə ilə məhkəməyə müraciət edərək həmin sənədlərin ona məxsus olması faktının müəyyən edilməsini xahiş etmişdir. Məhkəmə isə qeyd edir ki, Azərbaycan Respublikası Mülki Prosessual Məcəlləsinin 307.2.5-ci maddəsinə əsasən adı, atasının adı və ya soyadı səhv yazılmış hərbi sənədlərin şəxsə məxsus olması məsələsinə məhkəmə aidiyyəti baxımından Bakı şəhəri Qaradağ Rayon Məhkəməsində baxılmalı deyildir. Bu səbəbdən hazırki ərizənin icraata qəbul edilməsindən imtina edilməli və ərizə və ona əlavə edilmiş sənədlərlə birlikdə geri qaytarılmalı, həmçinin ərizəçiyə müvafiq məsələ ilə bağlı müvafiq inzibati orqana(Azərbaycan Respublikası Müdafiə Nazirliyinə) müraciət etmə hüququ və inzibati orqanın hərəkət və ya hərəkətsizliyindən aidiyyəti üzrə müvafiq Bakı İnzibati Məhkəməsinə müraciət etmək hüququnun olması izah olunmalıdır. Həmçinin ərizənin xahiş etdi hissəsində bəzi sənədlərin hüquq müəyyənedici sənədləri olmaması barədə də olmuşdur. Göstərilənlərə əsasən və Azərbaycan Respublikası MPM-in 152, 263-264, 266- 268-ci maddələrini rəhbər tutaraq, QƏRARA ALDİ: Ərizəçi maraqlı şəxs Azərbaycan Respublikası Müdafiə Nazirliyinə qarşı “hərbi sənədlərin ona məxsus olması”-na dair ərizəsi və ona əlavə olunmuş sənədlərinin icraata qəbul edilməsindən imtina edilsin. Ərizə və ona əlavə olunmuş sənədlər ərizəçiyə geri qaytarılsın. Ərizəçiyə aidiyyəti üzrə müvafiq inzibati orqana müraciət etmə hüququ və inzibati orqanın hərəkət və ya hərəkətsizliyindən aidiyyəti üzrə müvafiq Bakı İnzibati Məhkəməsinə müraciət etmək hüququ izah edilsin. Qərardaddan qərardad tərəfə rəsmi qaydada verildikdən sonra 10 (on) gün müddətində Bakı şəhəri Qaradağ Rayon Məhkəməsinə şikayət verilə bilər. Hakim: Qamət Əbilov.