Bakı şəhəri Qaradağ Rayon Məhkəməsi Qərardad — İş №2(002)-3034/2021

Azərbaycan Respublikası adından QƏRARDAD Bakı şəhəri İş № 2(002)-3034/2021 23.09.2021 BAKI ŞƏHƏRİ QARADAĞ RAYON MƏHKƏMƏSİ Hakim Həşimova Günay Rövşən qızı, İddiaçı cavabdeh 8 saylı Notariat Kontoruna qarşı “vəsiyyət üzrə vərəsənin tanınması və vəsiyyət üzrə vərəsəlik hüququ haqqında şəhadətnamənin verilməsi” tələbinə dair iddia ərizəsini və ona əlavə olunmuş sənədləri nəzərdən keçirib, MÜƏYYƏN ETDİ: İddiaçı cavabdeh 8 saylı Notariat Kontoruna qarşı “vəsiyyət üzrə vərəsənin tanınması və vəsiyyət üzrə vərəsəlik hüququ haqqında şəhadətnamənin verilməsi” tələbinə dair iddia ərizəsi ilə məhkəməyə müraciət edərək, İddiaçı 29.08.2021-ci il tarixdə ölmüş X1 vəsiyyəti üzrə vərəsəsi(vəsiyyət üzrə vəerəsəlik hüququnun) kimi tanınması və bu qətnamə X2 miras qalmış Bakı şəhəri, Nizamı rayonu, Rüstəm Rüstəmov küçəsi 6 saylı evin 44 saylı 1 otaqlı mənzilinə dair İddiaçı adına vəsiyyət üzrə vərəslik hüququ haqqında şəhadətnamənin verilməsi üçün əsas olmasına dair qətnamə çıxarılmasını xahiş etmişdir. İddia ərizəsini və ona əlavə olunmuş sənədləri nəzərdən keçirərək məhkəmə hesab edir ki, iddia ərizəsi məhkəmə tərəfindən icraata götürülərək baxıla bilməz və iddia ərizəsi ona əlavə olunmuş sənədlərlə birlikdə geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin 39-cu maddəsinə əsasən tikintiyə, qurğuya, torpaq sahəsinə mülkiyyət hüququnun tanınması, tikintinin, qurğunun, torpaq sahəsinin başqasının qeyri-qanuni sahibliyindən götürülməsi, mülkiyyət hüququndan məhrum etmə ilə əlaqədar olmayan sahibkarın və yaxud başqa qanuni sahibin hüquqlarının pozulmasını aradan qaldırmaq haqqında iddialar tikintinin, qurğunun, torpaq sahəsinin olduğu yerə görə verilir (39.1). Həmin Məcəllənin 39.2-cü maddəsinə əsasən vərəsələr tərəfindən vərəsəlik qəbul edilənə qədər miras qoyanın kreditorları tərəfindən verilən vərəsəlik hüquq münasibətləri ilə əlaqədar iddialar miras qalan əmlakın və yaxud onun əsas hissəsinin olduğu yerin məhkəməsinə aiddir. Azərbaycan Respublikası Mülki Prosessual Məcəlləsinin 40.1-ci maddəsinə əsasən ərazi aidiyyəti qaydalarının pozulmasına yol verilmir. Eyni Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. İddia ərizəsinin məzmunundan görünür ki, iddia tələbi iddiaçının Bakı şəhəri, Nizamı rayonu, Rüstəm Rüstəmov küçəsi 6 saylı evin 44 saylı 1 otaqlı mənzilinə vəsiyyət üzrə vərəsəlik hüququnun yaranması və uyğun olaraq şəhadətnamənin verilməsi ilə bağlı münasibətlər təşkil edir. İddia tələbində göstərilən fərdi yaşayış evinin ünvanı Bakı şəhəri, Nizamı rayonu, Rüstəm Rüstəmov küçəsi, ev 6, mənzil 44-dir. Məhkəmə hesab edir ki, hazırki iddia tələbinin predmeti daşınmaz əmlakla(miras qalan yaşayış evi) bağlı olduğundan, iddia ərizəsi torpaq sahəsinin və tikilinin olduğu yerə görə( Nizami rayonuna)verilməli idi. Bu səbəbdən iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin 152.1 və 152.1.3-cü maddələrinə əsasən əgər iş ərazi aidiyyəti üzrə həmin məhkəmədə baxılmalı deyildirsə, hakim iddia ərizəsini və ona əlavə olunmuş sənədləri geri qaytarır. Göstərilənlərə əsasən məhkəmə hesab edir ki, İddiaçı cavabdeh 8 saylı Notariat Kontoruna qarşı “vəsiyyət üzrə vərəsənin tanınması və vəsiyyət üzrə vərəsəlik hüququ haqqında şəhadətnamənin verilməsi” tələbinə dair iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh edilənlərə əsasən və Azərbaycan Respublikası Mülki Prosessual Məcəlləsinin 35, 36, 152, 263-264, 266-267-ci maddələrini rəhbər tutaraq, QƏRARA ALDİ: İddiaçı cavabdeh 8 saylı Notariat Kontoruna qarşı “vəsiyyət üzrə vərəsənin tanınması və vəsiyyət üzrə vərəsəlik hüququ haqqında şəhadətnamənin verilməsi” tələbinə dair iddia ərizəsi və ona əlavə olunmuş sənədlər İddiaçı geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan qərardad tərəfə rəsmi qaydada verildikdən sonra 10 (on) gün müddətində Bakı şəhəri Qaradağ Rayon Məhkəməsinə şikayət verilə bilər. Hakim: Günay Həşimova