Bakı Şəhəri Xəzər Rayon Məhkəməsi Qiyabi qətnamə — İş №2(003)-1837/2021

Azərbaycan Respublikası adından QİYABİ QƏTNAMƏ Bakı şəhəri İş № 2(003)-1837/2021 06.05.2021 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi, Eyvazlı Məhəmməd Asəf oğlunun katibliyi, İddiaçı “xxxx” Məhdud Məsuliyyətli Cəmiyyətinin nümayəndəsi X1 iştirakı ilə, İddiaçı “xxxx” Məhdud Məsuliyyətli Cəmiyyətinin Cavabdeh qarşı pul tələbinə dair mülki işə məhkəmənin inzibati binasında, açıq məhkəmə iclasında baxaraq, MÜƏYYƏN ETDİ: İddiaçı “xxxx” Məhdud Məsuliyyətli Cəmiyyəti (bundan sonra - “xxxx” MMC) “Borcun tutulması” tələbinə dair iddia ərizəsi ilə məhkəməyə müraciət etmişdir. İddiaçı iddia tələbini onunla əsaslandırmışdır ki, Cavabdeh ilə «xxxx» MMC arasında bağlanmış 05.05.2019-cu il tarixli müqaviləsinə əsasən o, İMEİ kodu **********56413 Samsung Galaxy A6 Plus markalı telefon almış və həmin müqavilənin şərtlərinə uyğun olaraq 792 manat ödəniş etmişdir. Lakin sonradan müqavilə üzrə öhdəliyini yerinə yetirə bilməmiş və nəticədə 171 manat borc yaranmışdır. 05.05.2019-cu il tarixli müqaviləsinə əsasən, alqı-satqı qiyməti 918 manat (yəni 18 ay x 51 manat + 0 manat ilkin ödəniş) manat olan İMEİ kodu **********56413 Samsung Galaxy A6 Plus markalı telefon üçün ümumilikdə 171 manat olmaqla ondan, 126 manat ödənilməmiş hissə, 45 manat dəbbə pulu borcu hesablanmışdır. Cavabdeh ilə «xxxx» MMC arasında bağlanmış 05.07.2019-cu il tarixli müqaviləsinə əsasən o, Samsung markalı paltaryuyan, Lg markalı qabyuyan və Samsung Led markalı televizor almış və həmin müqavilənin şərtlərinə uyğun olaraq 927 manat ödəniş etmişdir. Lakin sonradan müqavilə üzrə öhdəliyini yerinə yetirə bilməmiş və nəticədə 4275 manat borc yaranmışdır. 05.07.2019-cu il tarixli müqaviləsinə əsasən, alqısatqı qiyməti 4216 manat (yəni 11 ay x 299 manat + 927 manat ilkin ödəniş) manat olan Samsung markalı paltaryuyan, Lg markalı qabyuyan və Samsung Led markalı televizor üçün ümumilikdə 4275 manat olmaqla ondan, 3289 manat ödənilməmiş hissə, 986 manat dəbbə pulu borcu hesablanmışdır. Məhkəmə iclasında iddiaçı “xxxx” MMC-nin nümayəndəsi X2 iddia tələbini müdafiə edərək iddia ərizəsinin məzmununa uyğun izahat vermiş və tələbin təmin edilməsinə dair qətnamə çıxarılmasını xahiş etmişdir. Cavabdeh iddia ərizəsində göstərilmiş ünvan üzrə məhkəmə iclasının vaxtı və yeri haqqında bildiriş göndərilməsinə baxmayaraq, məhkəmə iclasına gəlməmiş, gəlməməsinin səbəbi barədə məhkəməyə məlumat verməmişdir. İddiaçı “xxxx” MMC-nin nümayəndəsi X2 işə Cavabdeh iştirakı olmadan qiyabi icraat qaydasında baxılmasına etiraz etməmiş və məhkəməyə ərizə təqdim edərək işə qiyabi icraat qaydasında baxılmasını xahiş etmişdir. Azərbaycan Respublikasının Mülki Prosessual Məcəlləsinin 238.1-ci maddəsinə əsasən məhkəmə iclasının vaxtı və yeri haqqında lazımı qaydada xəbərdarlıq edilmiş cavabdeh məhkəmə iclasına gəlmədikdə və gəlməməsinin səbəbləri barədə məlumat vermədikdə, iddiaçı buna etiraz etmədikdə işə qiyabi icraat qaydasında baxıla bilər. Məhkəmə iddiaçının nümayəndəsinin izahatını dinləyərək və iş materiallarını araşdıraraq hesab edir ki, iddia tələbi təmin edilməlidir. Belə ki, iş materiallarında olan 05.05.2019-cu il tarixli, 00645997 saylı müqavilədən görünür ki, “xxxx” MMC Cavabdeh ümumi dəyəri 918 manat olan İMEİ kodu **********56413 Samsung Galaxy A6 Plus markalı telefon satmışdır. 05.07.2019-cu il tarixli, 00762385 saylı müqavilədən görünür ki, “xxxx” MMC Cavabdeh ümumi dəyəri 4216 manat olan Samsung markalı paltaryuyan, Lg markalı qabyuyan və Samsung Led markalı televizor satmışdır. İş materiallarında olan ödəniş cədvəlindən görünür ki, Cavabdeh 05.05.2019-cu il tarixli müqavilə üzrə 126 manat ödənilməmiş əsas, 45 manat cərimə ödəməlidir. 05.07.2019-cu il tarixli müqavilə üzrə 3289 manat ödənilməmiş əsas, 986 manat cərimə ödəməlidir. Hər iki müqavilə üzrə ümumilikdə 3415 manat ödənilməmiş əsas, 1031 manat cərimə borcu mövcuddur. İş materiallarında olan “xxxx” MMC tərəfindən Cavabdeh ünvanlanmış 15.01.2020-ci il tarixli xəbərdarlıqdan görünür ki, cavabdeh borc barədə xəbərdar edilmiş və borcun ödənilməsi tələb olunmuşdur. İş materiallarında olan DİN-nin BPQMİ-nin MAPS şöbəsi tərəfindən verilmiş 12.08.2020-ci il tarixli arayışdan görünür ki, Cavabdeh ünvan 1 ünvanında qeydiyyatdadır. Məhkəmə tərəfindən müəyyən edilmişdir ki, “xxxx” MMC ilə Cavabdeh ilə «xxxx» MMC arasında bağlanmış 05.05.2019-cu və 05.07.2019-cu il tarixli müqaviləsinə əsasən o, İMEİ kodu **********56413 Samsung Galaxy A6 Plus markalı telefon və Samsung markalı paltaryuyan, Lg markalı qabyuyan və Samsung Led markalı televizor almışdır. Cavabdeh hər iki müqavilə üzrə borcundan cəmi 1719 manat ödəniş etmişdir. O, hər iki müqavilə üzrə üzərinə götürdüyü öhdəliklərə vaxtında və lazımınca əməl etməyərək müqavilələrin şərtlərini pozmuş, nəticədə cavabdehin hər iki müqavilələr üzrə ümumilikdə 4446 manat borcu yaranmışdır. Azərbaycan Respublikasının Mülki Məcəlləsinin 385.1-ci maddəsinə görə öhdəliyə görə bir şəxs (borclu) başqa şəxsin (kreditorun) xeyrinə müəyyən hərəkətlər etməlidir, məsələn pul ödəməli, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 567-ci maddəsinə görə alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 568.1-ci maddəsinə əsasən satıcı alğı-satqı müqaviləsində nəzərdə tutulan əşyanı alıcıya verməyə borcludur. Həmin Məcəllənin 600.1-ci maddəsinə görə alğı-satqı müqaviləsində əşyanın alıcıya verildikdən müəyyən müddət sonra ödənilməsinin nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Mülki qanunvericiliyin normalarına və təqdim olunmuş sənədlərə əsaslanaraq məhkəmə hesab edir ki, iş üzrə cavabdeh müqavilələr üzrə öhdəliyi lazımınca icra etmədiyindən iddia tələbi təmin edilməli, Cavabdeh 05.05.2019-cu il tarixli müqaviləyə əsasən İMEİ kodu **********56413 Samsung Galaxy A6 Plus markalı telefon üçün 126 manat manat ödənilməmiş hissə, 45 manat dəbbə pulu borcu və 05.07.2019-cu il tarixli müqaviləyə əsasən Samsung markalı paltaryuyan, Lg markalı qabyuyan və Samsung Led markalı televizor üçün 3289 manat manat ödənilməmiş hissə, 986 manat dəbbə pulu borcu ümumilikdə hər iki müqavilə üzrə ümumilikdə 4446 manat və ödənilmiş dövlət rüsumuna görə 30 manat, cəmi 4476 manat iddiaçı “xxxx” MMC-nin xeyrinə tutulmalıdır. Azərbaycan Respublikası Mülki Prosessual Məcəlləsinin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İş materiallarına əlavə olunmuş 15.03.2021-ci il tarixli qəbzdən görünür ki, iddiaçı tərəfindən 30 (otuz) manat dövlət rüsumu ödənilmişdir. Məhkəmə xərcləri ilə bağlı məsələni müzakirə edərək məhkəmə hesab edir ki, iddiaçı tərəfindən ödənilmiş 30 (otuz) manat dövlət rüsumu cavabdehdən iddiaçının xeyrinə tutulmalıdır. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 218.3-cü maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Şərh olunanlara əsasən və Azərbaycan Respublikasının Mülki Prosessual Məcəlləsinin 216-220-ci maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdeh 05.05.2019-cu il tarixli müqaviləyə əsasən İMEİ kodu **********56413 Samsung Galaxy A6 Plus markalı telefon üçün 126 manat manat ödənilməmiş hissə, 45 manat dəbbə pulu borcu və 05.07.2019-cu il tarixli müqaviləyə əsasən Samsung markalı paltaryuyan, Lg markalı qabyuyan və Samsung Led markalı televizor üçün 3289 manat manat ödənilməmiş hissə, 986 manat dəbbə pulu borcu ümumilikdə hər iki müqavilə üzrə ümumilikdə 4446 manat və ödənilmiş dövlət rüsumuna görə 30 manat, cəmi 4476 (dörd min dörd yüz yetmiş altı manat) manat alınaraq iddiaçı «xxxx» MMC-yə ödənilsin. Cavabdeh qətnamənin ona rəsmi qaydada verilməsindən 10 (on) gün müddətində qiyabi qətnamənin ləğvi üçün Bakı şəhəri Xəzər Rayon Məhkəməsinə şikayət verə bilər. Qiyabi qətnamə rəsmi qaydada verildiyi gündən 1 (bir) ay müddətində Bakı şəhəri Xəzər Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Sədrlik edən Zaur Tağıyev