Bakı Şəhəri Xəzər Rayon Məhkəməsi Qərardad — İş №2(003)-2624/2024

Azərbaycan Respublikası adından QƏRARDAD Bakı şəhəri İş № 2(003)-2624/2024 27.05.2024 BAKI ŞƏHƏRİ XƏZƏR RAYON MƏHKƏMƏSİ Bakı şəhəri Xəzər Rayon Məhkəməsinin hakimi Qəhrəmanov Əkrəm Sabir oğlu, İddiaçılar İddiaçı1, İddiaçı2, İddiaçı3 və İddiaçı4 Cavabdeh qarşı “qəbul edilmiş miras əmlakın real olaraq naturada bölünməsi” tələbi barədə iddia ərizəsini və ona əlavə olunmuş sənədləri nəzərdən keçirərək məhkəmə Müəyyənetdi: İddiaçılar İddiaçı1, İddiaçı2, İddiaçı3 və İddiaçı4 Cavabdeh qarşı “qəbul edilmiş miras əmlakın real olaraq naturada bölünməsi” tələbi barədə iddia ərizəsi ilə Bakı Şəhəri Xəzər Rayon Məhkəməsinə müraciət edərək mərhum həyat yoldaşı X1 miras qalmış açağıda göstərilən daşınar əmlakların qanun üzrə vərəsələr tərəfindən qəbul edilmiş əmlakın real olaraq naturada bölünməsini və mülkiyyət hüquqlarının tanınmasına dair qətnamə çıxarılmasını xahiş etmişdir: “İKARUS” avtobus markalı, **-CD-*** dövlət qeydiyyat nişanlı nəqliyyat vasitəsi; “İKARUS 256” avtobus markalı, **-CG-*** dövlət qeydiyyat nişanlı nəqliyyat vasitəsi; “Mercedes Benz G55” minik markalı, **-RL-*** dövlət qeydiyyat nişanlı nəqliyyat vasitəsinin; “İKARUS 256” avtobus markalı, **-UN-*** dövlət qeydiyyat nişanlı nəqliyyat vasitəsi; “İKARUS 256” avtobus markalı, **-VU-*** dövlət qeydiyyat nişanlı nəqliyyat vasitəsi; “KİA RİO” minik markalı, **-OH-*** dövlət qeydiyyat nişanlı nəqliyyat vasitəsi; “İKARUS 256” avtobus markalı, **-OU-*** dövlət qeydiyyat nişanlı nəqliyyat vasitəsi; “İKARUS 250 59” avtobus markalı, **-UR-*** dövlət qeydiyyat nişanlı nəqliyyat vasitəsi. Məhkəmə, iddia ərizəsini və ona əlavə edilmiş sənədləri nəzərdən keçirərək hesab edir ki, həmin ərizə və sənədlər geri qaytarılmalıdır. Belə ki, iddia ərizəsindən görünür ki, iddiaçı tərəfindən tələb aydın irəli sürülməmişdir. İddia tələbi qeyri-müəyyən şəkildə irəli sürülmüşdür. Həmçinin yuxarıda göstərilən avtomobillərin real olaraq naturada bölünməsi mümkün deyil. Azərbaycan Respublikasının Mülki Prosessual Məcəlləsinin: 149.2.3-cü maddəsinə əsasən ərizədə iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 152.2-152.4, 263, 264 və 268-ci maddələrini rəhbər tutaraq məhkəmə qəraraaldı: İddiaçılar İddiaçı1, İddiaçı2, İddiaçı3 və İddiaçı4 Cavabdeh qarşı “qəbul edilmiş miras əmlakın real olaraq naturada bölünməsi” tələbi barədə iddia ərizəsi və ona əlavə olunmuş sənədlər geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada yenidən müvafiq məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Bakı Şəhəri Xəzər Rayon Məhkəməsinə şikayət verilə bilər. Hakim Əkrəm Qəhrəmanov